Maganu Mangiste Maati?
Atera maa labbannohe?
-
mannu wodani giddo nooreeti?
-
iima noo bayichootinso?
-
iimi gashshooteeti?
QULLAAWU MAXAAFI TOGO YAANNO
“Iimi Magani horonta baˈannokki mangiste uurrisanno.”—Daanieeli 2:44, Haaro Alame Tiro.
“Labbaa beetto uyinoonninke; qoleno gashshoote qotisira worranni.”—Isayyaasi 9:6; lekkaalliidi qaagiishsha.
TINI HEXXO WOˈMITANNO WOTE AFIˈRATTO ATOOTE
-
Atera gilletenni kaaˈlannohehu keeraanchimma woˈmitino gashshooti heeˈranno.—Isayyaasi 48:17, 18.
-
Daggannote haaro alamera, guuta ordu keerenna hagiirre afiˈratto.—Ajuuja 21:3, 4.
QULLAAWU MAXAAFI YAANNORE AMMANNEEMMO GEDE ASSANNONKERI NO?
Ee, ajayi ajeenna lamu coyi no:
-
Yesuusi Maganu Mangiste albillitte maa assitannoro leellishino. Isi rosaanosi Maganu Mangiste daggaranna Maganu fajjo uullate aana woˈmitara huuccidhanno gede rosiisino. (Maatewoosi 6:9, 10) Yesuusi, Maganu tenne huuccatto macciishshe qolanno wote ikkannore loosunni leellishino.
Yesuusi uullate aana noo waro hudidhinore itisino, xiwantinore hursino, hattono reyitinore kayisino! (Maatewoosi 15:29-38; Yohaannisi 11:38-44) Isi hakkawote albillitte Maganu Mangiste Nugusa ikkanno daafira, tini Mangiste hajajamanno mannira abbitanno atoote kaajja gede asse leellishino.—Ajuuja 11:15.
-
Alamete aana ikkanni noori Maganu Mangiste gambisse dagginota leellishanno. Yesuusi Maganu Mangiste uullate aana salaame abbitara albaanni alamete aana olu, hudenna uullate huxano batidhannota masaalino.—Maatewoosi 24:3, 7.
Xa togoori ikkanna laˈnanni heeˈnoommo. Konni daafira, Maganu Mangiste muli yanna giddo qarra baalanka uullate aaninni huntannota dihuluullammeemmo.
HANNI KONNE COYE HEDI
Maganu Mangiste gashshooti yannara mannu hiittoo heeshsho heeˈranno?
Qullaawu Maxaafi tenne xaˈmora qolanno dawaro, FAARSO 37:29 nna ISAYYAASI 65:21-23 aana lai.
Kurino Lai
KAA'LANNOHA QULLAAWU MAXAAFI ROSO
Maganu Mangiste Maati?
Yesuusi uullate aani soqqanshosi gumuli yanna geeshsha, wolu baalunku coyinni roorse Maganu Mangistere rosiisino. Harunsaanosi lowo xibbe diro tini Mangiste dagganno gede huuccidhanni keeshshitino.
AGAROOSHSHU SHAE
Maganu Mangiste Maa Assitanno?
Yesuusi mannu ooso qarra baala tira dandiitannoti Maganu Mangiste calla ikkitino afino. Ikkina Maganu Mangiste xaa geeshsha maa assitino?
QULLAAWU MAXAAFI XAˈMONNA DAWARO
Uulla Keere Afidhannohu Hiittoonniiti?
Maganu Mangistesi widoonni uullate aana keere abbanno gara nabbawi.
AGAROOSHSHU SHAE
Maganu Mangiste—Mussinnu Nookki Gashshoote
Maganu Mangiste mussinnu horonta nookki gashshoote ikkitinota buuxisannoha lee coye nabbawi.
NINKE DAAFIRA
Qullaawa Maxaafa Xiinxalla Hasiissannohu Mayiraati?
Alamete aana lowo miliyoone ikkanno manni huluullitannonsa xaˈmora Qullaawu Maxaafinni dawaro afiˈranni no. Atino xaˈmokkira dawaro afiˈra hasiˈratto?
QULLAAWU MAXAAFI ROSO
Qullaawu Maxaafi Xiinxallonke Woˈnaalte Lai
Rosiisannohe manna worreennahe Qullaawa Maxaafa mulla xiinxalli.
