“Ndjambe k’olongo angila onkfumi omotshi onapangopitana itshinda itshinda.”​—Danyɛlɛ 2:44, Traduction du monde nouveau.

“Wambotopeye wona we mpame; ko guvernema ngoyala l’apeka we nd’eko.”​—Izaya 9:6, Traduction du monde nouveau, note.

• Oso aleko guvernema dje wɔlɔ nakoka nkonanghela wɔlɔ ma lɔko ekene.​—Izaya 48:17, 18.

• Ko l’andja we bango wanaaye, ongoyala la lowiko le wɔlɔ, demba vu, l’osasa we solo.​—Ndjiso 21:3, 4.

Ɛɛ, lá ndenda kondo akambo ape:

• Yesu ɛnyɛka akambo anaye Onkfumi we Ndjambe yonghonangha. Yesu ekiɛka ambeki we nd’eko walombele amo Onkfumi we Ndjambe woye kape ko ekopa ke Ndjambe enangheme lá looko. (Mateo 6:9, 10) Yesu ɛnyɛka wopo we Ndjambe nyongokokie dombelo gko.

  Laye nyoyalaká l’ane lá looko, Yesu alesɛka anto wanawoki la ndjala, asadjɛka anto wanayalaki l’elando, kape ko awikiɛka edjo! (Mateo 15:29-38; Djɔanɛ 11:38-44) Yesu, onto onasonamisá dje ndjɛ yoyala Nkfumi k’Onkfumi we Ndjambe, ɛnyɛka anto isɛsasɛsa y’akambo we wɔlɔ wanaye Onkfumi we Ndjambe yongonanghela anto we nd’eko.​—Ndjiso 11:15.

• Akambo we l’andja akane watɛnyɛ amo lako ila, Onkfumi we Ndjambe woyɛ. Yesu ewoyeka ante nde Onkfumi wona ndjakala vu lá looko, andja akane wangolola tɔɔ l’ekakatano: ambandji, andjala, l’atshikito we looko.​—Mateo 24:3, 7.

  Oso aleko akambo wanɛnaso lɔkó ekene. Ɛɛ, tokitshe awale; lako ila, Onkfumi we Ndjambe wosiyɛ ekakatano enkfumo ekeso.