„A Gado fu hemel o seti wan kownukondre di noiti no o kisi pori.”​—Danièl 2:44, Nyun-Grontapuvertaling.

’Wi kisi wan manpikin. En kownukondre o tan fu têgo.’​—Yesaya 9:6, 7.

• Wan bun tirimakti di kan tyari blesi kon gi wi.​—Yesaya 48:17, 18.

• Wan koloku libi nanga wan bun gosontu na ini wan nyun grontapu.​—Openbaring 21:3, 4.

Iya, luku fu san ede:

• Yesus ben sori san Gado Kownukondre o du. Yesus leri den bakaman fu en fu begi taki Gado Kownukondre kon èn taki a wani fu Gado pasa na grontapu (Mateyus 6:9, 10). Yesus ben sori fa Gado o piki a begi dati.

  Di Yesus ben de na grontapu, a ben gi nyanyan na sma di ben abi angri, a ben dresi sikisma èn a ben gi dedesma libi baka (Mateyus 15:29-38; Yohanes 11:38-44). Yesus ben sori sortu moi sani a o du gi libisma te a o tiri leki Kownu fu Gado Kownukondre.​—Openbaring 11:15.

• Den sani di e pasa na grontapu e sori taki Gado Kownukondre o kon heri esi. Yesus ben taki dati syatu fosi a Kownukondre tyari freide kon na grontapu, dan furu feti, angriten, nanga gronseki ben o de.​—Mateyus 24:3, 7.

  Wi e si taki den sani dati e pasa nownowde. Dati meki wi kan de seiker taki heri esi Gado Kownukondre o tyari wan kaba kon na ala den problema dati.