Uyini UMbuso WaNkulunkulu?
Ungasho yini kutsi . . .
-
uyintfo lesenhlitiyweni yakho?
-
uyintfo mbamba?
-
nguhulumende losezulwini?
LOKO LOKUSHIWO LIBHAYIBHELI
“Nkulunkulu welizulu uyawumisa umbuso longasoze wabhujiswa lutfo.”—Danyela 2:44.
“Siphiwe indvodzana. Hulumende uyawubasemahlombe akhe.”—Isaya 9:6, NW umbhalo longentansi.
LOKO KUNGASHO KUTSINI KUWE?
-
Kubuswa nguhulumende lonekulunga nalongakuzuzisa.—Isaya 48:17, 18.
-
Emhlabeni lomusha lotako, utawujabulela imphilo lekahle futsi uhlale ujabulile.—Sembulo 21:3, 4.
SINGAKWETSEMBA MBAMBA YINI LOKO LOKUSHIWO LIBHAYIBHELI?
Yebo, lokungenani ngenca yetizatfu letimbili:
-
Jesu wakhombisa loko lobekutawentiwa nguMbuso waNkulunkulu. Jesu wafundzisa balandzeli bakhe kutsi bathantazele kutsi uMbuso waNkulunkulu ute nekutsi intsandvo yaNkulunkulu yentiwe emhlabeni. (Matewu 6:9, 10) Jesu wakhombisa kutsi lomthantazo bewutawuphendvuleka njani.
Ngesikhatsi asemhlabeni, Jesu wesutsisa labalambile, welapha labagulako waphindze wavusa nalabafile. (Matewu 15:29-38; Johane 11:38-44) Njengobe anguMbusi weMbuso waNkulunkulu wasesikhatsini lesitako, Jesu waveta tintfo letinhle lebetitawentiwa nguloyo Mbuso kulabo labatawube baphila ngephansi kwawo.—Sembulo 11:15.
-
Tintfo letenteka emhlabeni tiyasicinisekisa kutsi uMbuso waNkulunkulu utawufika masinyane. Jesu wabiketela kutsi ngaphambi kwekutsi uMbuso waNkulunkulu uletse kuthula emhlabeni, umhlaba bewutawugcwala timphi, indlala kanye nekutamatama kwemhlaba.—Matewu 24:3, 7.
Lamuhla siyatibona letintfo Jesu lakhuluma ngato. Ngako-ke siyaciniseka kutsi uMbuso waNkulunkulu masinyane utawucedza tonkhe tinkinga.
LONGACABANGA NGAKO
Kutawuba njani kuphila nasekubusa uMbuso waNkulunkulu?
LiBhayibheli liyawuphendvula lombuto encwadzini ye-TIHLABELELO 37:29 kanye naku-ISAYA 65:21-23.
Lokunye Longatsandza Kukuhlola
TIMFUNDZISO TELIBHAYIBHELI LETIBALULEKILE
Uyini UMbuso WaNkulunkulu?
Ngesikhatsi alapha emhlabeni, Jesu bekafundzisa kakhulu ngeMbuso waNkulunkulu kwendlula nobe ngabe yini lenye. Sekuphele iminyaka leminyenti bantfu bathantazela kutsi loMbuso ufike.
SICONGOSEKULINDZA
Yini Letawufezwa NguMbuso WaNkulunkulu?
Jesu bekati kutsi nguMbuso waNkulunkulu kuphela longuhulumende longalungisa tinkinga letikhona emhlabeni. Yini leseyivele yentiwe nguloMbuso kuze usisite siwetsembe?
SICONGOSEKULINDZA
UMbuso WaNkulunkulu—Unguhulumende Lote Inkhohlakalo
Kunemaphuzu lasitfupha lamayelana naloyo Mbuso lakhombisa kutsi ngeke uze ube nenkhohlakalo.
MAYELANA NATSI
Kungani Kufanele Utadishe LiBhayibheli?
LiBhayibheli lisita tigidzi tebantfu emhlabeni wonkhe kutsi titfole timphendvulo temibuto lebalulekile. Ungatsandza yini nawe kwati leto timphendvulo?
TIMFUNDZISO LETISEBHAYIBHELINI
Yetama luhlelo lwetfu lwekudadisha liBhayibheli
Tfola sifundvo seliBhayibheli samahhala ukanye nalotakufundzisa.
