Mmuso wa Modimo ke Eng?
Na o ne o ka re ke . . .
-
boikutlo bo ka pelong ya hao?
-
mokgabopuo?
-
mmuso o lehodimong?
SEO BIBELE E SE RUTANG
“Modimo wa lehodimo o tla hloma mmuso o ke keng wa fediswa le ka mohla.”—Daniele 2:44, Bibele—Phetolelo ya Lefatshe le Letjha.
‘Re filwe mora, mmuso o tla dula lehetleng la hae.’ —Esaia 9:6; naletsana.
SEE SE KA BOLELANG HO WENA
-
Mmuso o lokileng o ka o tswelang molemo.—Esaia 48:17, 18.
-
Lefatsheng le letjha le tlang, bophelo e tla ba bo phethahetseng le bo thabisang.—Tshenolo 21:3, 4.
NA RE KA TSHEPA SEO BIBELE E SE BUANG?
Ho jwalo, bonyane ka mabaka a mabedi:
-
Jesu o ile a bontsha hore na Mmuso wa Modimo o tla re etsetsang. Jesu o ile a ruta balatedi ba hae ho rapella Mmuso wa Modimo hore o tle le hore thato ya Modimo e etswe lefatsheng. (Matheu 6:9, 10) Jesu o ile a bontsha hore na thapelo eo e tla arajwa jwang.
Ha Jesu a sa le lefatsheng, o ile a fepa ba lapileng, a fodisa ba kulang a ba a tsosa le bafu. (Matheu 15:29-38; Johanne 11:38-44) Jwalo ka Morena Mmusong wa Modimo, Jesu o ile a re bontsha selelekela sa seo Mmuso oo o tla se etsetsa batho ba buswang ke wona.—Tshenolo 11:15.
-
Maemo a lefatshe a netefatsa hore Mmuso wa Modimo o tla tla haufinyane. Jesu o ile a bolela esale pele hore nakwana pele Mmuso oo o tlisa kgotso, lefatshe le ne le tla aparelwa ke tlala, dintwa le ditshisinyeho tsa lefatshe.—Matheu 24:3, 7.
Dintho tseo di a etsahala kajeno. Ka hoo re ka kgodiseha hore haufinyane Mmuso wa Modimo o tla fedisa mathata ao kaofela.
SEO O KA NAHANANG KA SONA
Bophelo bo tla ba jwang tlasa Mmuso wa Modimo?
Bibele e araba potso eo ho PESALEME YA 37:29 le ho ESAIA 65:21-23.
O ka Nna wa Rata le Tsena
ESSENTIAL BIBLE TEACHINGS
Mmuso wa Modimo Keng?
Ha Jesu a ntse a etsa tshebeletso ya hae lefatsheng o ne a ruta haholo ka mmuso wa Modimo. E se e le dilemo batho ba rapella hore Mmuso oo o tle.
TORA YA HO LEBELA
Mmuso wa Modimo o Tla Finyella Eng?
Jesu o ne a tseba hore ke Mmuso wa Modimo feela o ka rarollang mathata a batho. Mmuso wa Modimo o se o entse eng ho re kgodisa hore o tla feela o re kgotsofatse?
MABAPI LE RONA
Ke Hobaneng ha o Lokela ho Ithuta Bibele?
Bibele e thusa batho ba dimilione hore ba fumane dikarabo tsa dipotso tsa bohlokwa bophelong. Na o ka rata ho ba e mong wa bona?
