Ka Nyi i Lu Tartor u Aôndo?
U na mlumun wer . . .
-
ka kwagh u ken ishima youwee?
-
ka injakwaghaa?
-
ka gomoti u shaa?
KWAGH U BIBILO I̱ KAA YÔ
“Aôndo u Sha Una ver tartor ugen u ua gba mayange ga yô.”—Daniel 2:44.
“Tartor u shin tar hingir u Ter wase man u Kristu Na ve.”—Mpase 11:15.
U NA MKAANEM MAN JIGHJIGH YÔ, KA MBAMTSERA MBA U ZUA A MI JE NE
-
U fa kwagh u gomoti u perapera u una fatyô u wasen we la.—Yesaia 48:17, 18.
-
U lu gbong gbong shi a saan we iyol ken tar u he u u lu van la.—Mpase 21:3, 4.
SE FATYÔ U NAN KWAGH U BIBILO I̱ ER NE JIGHJIGH KPA?
Een, se fatyô sha ci u atôakyaa ahar a i ter heen ne, kua atôakyaa agen kpaa:
-
Yesu yange tese kwagh u Tartor u Aôndo ua va er yô. Yesu yange tese mbahenen nav u eren msen ér Tartor u Aôndo u va, nahan i er ishima na shin tar. (Mateu 6:9, 10) Yesu tese er Aôndo una ungwa msen la yô.
Shighe u Yesu lu shin tar la, a na mba ve lu ijen la kwaghyan shi a bee ior angev shi a nder mbakpenev! (Mateu 15:29-38; Yohane 11:38-44) Er lu u Yesu una va hemen ken Tartor u Aôndo yô, a tsengatesen kwagh u Tartor la ua va er sha ci u mba ua hemen ve la, sha gbenda u doon tsung.—Mpase 11:15.
-
Akaa a a lu zan hemen sha tar la tese ér ica a gba tsô Tartor u Aôndo ua va. Yesu yange tsengapasen ér cii man Tartor la u va a bem sha tar yô, a nôngo ityav shin tar, ijen ia gba, shi ityar ia tenger.—Mateu 24:3, 7.
Se nenge akaa ne nga eren nyian. Nahan se fatyô u nan jighjigh ser ica a gba ga tsô Tartor u Aôndo ua va bee a mbamzeyol mbara cii.
MPIN U HENEN SHA MI
Shighe u Tartor u Aôndo ua hemen tar la, uma una lu nena?
Bibilo na mlumun sha mpin ne ken PASALMI 37:29 man YESAIA 65:21-23.
Kwagh Ugen u Alaghga Shi Una Doo U Yô
ESSENTIAL BIBLE TEACHINGS
Ka Nyi I Lu Tartor u Aôndo?
Yesu yange hemban tesen ior kwagh u Tartor u Aôndo shighe u lu eren tom na la. Mbadondon un ndera eren msen sônon ér Tartor la u va anyom kar hegen uderi imôngo.
IYOUKURA
Ka Nyi Tartor u Aôndo Ua Va Ere?
Yesu yange fa je ér ka Tartor u Aôndo tseegh u lu gomoti u una bee a mbamzeyol mba shin tar ne kera ye. Ka nyi Tartor la u vande eren sha u nan se vangertiôr?
MBAMPIN MBA BIBILO I NE MLUMUN SHA MI LA
A Er Nan Ve Bem Una Va sha Tara?
Fa er Aôndo a tende zwa u van a bem sha tar cii sha ikyev i Tartor na yô.
IYOUKURA
Tartor u Aôndo
Akaa ataratar a sha kwagh u Tartor la tese ér mayange je ua a anyighe ga.
KWAGH WASE
Doo u Ú Hen Bibilo sha ci u Nyi?
Bibilo ngi tan ior umiliôn umiliôn sha tar cii iwanger sha akaa a hange hange a a tsum ve la. We kpa u soo u zuan a iwanger shonoo?
