“ ‘E fokotu‘u ‘e he ‘Otua ‘o langí ha pule‘anga ‘a ia ‘e ‘ikai ‘aupito ke faka‘auha.”​—Taniela 2:44, Liliu Tohi Tapu Māmani Fo‘oú.

“Kuo foaki mai kiate kitautolu ha foha: pea ‘e ‘i hono umá ‘a e founga-pule.”​—‘Aisea 9:6; fakamatala ‘i lalo.

• Ko ha pule‘anga mā‘oni‘oni ‘e lava ke ke ma‘u ‘aonga fakafo‘ituitui mei ai.​—‘Aisea 48:17, 18.

• Ko ha māmani fo‘ou ka hoko mai, ko e mo‘uí ‘e haohaoa mo fiefia.​—Fakahā 21:3, 4.

‘Io, ‘i he ‘uhinga ‘e ua:

• Na‘e fakahaa‘i ‘e Sīsū ‘a e me‘a ‘e fakahoko ‘e he Pule‘anga ‘o e ‘Otuá. Na‘e ako‘i ‘e Sīsū hono kau muimuí ke lotu ke hoko mai ‘a e Pule‘anga ‘o e ‘Otuá pea ke fai ‘a e finangalo ‘o e ‘Otuá ‘i māmani. (Mātiu 6:9, 10) Na‘e fakahaa‘i ‘e Sīsū ‘a e founga ‘e tali ai ‘a e lotu ko iá.

  Lolotonga ‘a e ‘i māmani ‘a Sīsuú, na‘á ne fafanga‘i ‘a e fiekaiá, fakamo‘ui ‘a e puké pea fokotu‘u hake ‘a e kau maté! (Mātiu 15:29-38; Sione 11:38-44) ‘I he tu‘unga ko e Tokotaha-Pule ‘i he kaha‘ú ‘o e Pule‘anga ‘o e ‘Otuá, na‘e tokonaki mai ‘e Sīsū ha tomu‘a faka‘ali faka‘ofo‘ofa ‘o e me‘a ‘e fakahoko ‘e he Pule‘angá ki hono kakaí.​—Fakahā 11:15.

• ‘Oku fakapapau‘i ‘e he ngaahi tu‘unga ‘o e māmaní ‘e vavé ni ke hoko mai ‘a e Pule‘anga ‘o e ‘Otuá. Na‘e tomu‘a tala ‘e Sīsū ko e ki mu‘a pē ke ‘omai ‘e he Pule‘angá ‘a e melino ki he māmaní, ko hotau māmaní ‘e fonu ‘i he ngaahi tau, ngaahi honge, mo e ngaahi mofuike.​—Mātiu 24:3, 7.

  ‘Oku tau sio ki he ngaahi tu‘unga tofu pē ko iá ‘i he ‘ahó ni. Ko ia ‘oku lava ke tau falala-pau ko e Pule‘anga ‘o e ‘Otuá ‘e vavé ni ke ne fakangata kotoa ‘a e ngaahi palopalema peheé.