“Xikwembu xa le tilweni xi ta veka mfumu lowu nga ta kala wu nga helisiwi.” — Daniyele 2:44, Wuhundzuluxeli La Misava Ya Nyuwani.

“Hi nyikiwe n’wana wa djaha; A ta nyikiwa wuhosi.” — Esaya 9:6.

• N’wana lweyi a nga langiwa, ku nga Yesu hi yena a nga ta yendla swaku ku va ni ku rhula misaveni leswaku wena u ta kota ku pfuneka. — Esaya 48:17, 18.

• U nga ha ta vabya naswona u ta tsaka hilaha ku nga heliki ka nkama lowu taka. — Nhlawutelo 21:3, 4.

Ina, vona swivangelo swimbirhi:

• Yesu a swi kombisile leswi Mfumu wa Xikwembu wu nga ta swi yendlela vanhu. Yesu a djondzise vadjondzisiwa va yena swaku va khongelela Mfumu wa Xikwembu swaku wu ta, ni leswaku ku rhandza ka Xikwembu ku yendleka lani misaveni. (Matewu 6:9, 10) A tlhele a kombisa swaku xikhongelo lexi xi ta hlamulisiwa ku yini.

  Nkama Yesu na a li misaveni a phamele xitshungu, a hanyise va ku vabya a tlhela a pfuxa vafi! (Matewu 15:29-38; Yohani 11:38-44) Leswi Yesu a nga swi yendla nkama na a li lani misaveni swi kombisa leswi Mfumu wa Xikwembu wu nga ta swi yendlela vanhu lava nga ta fumiwa hi wona. — Nhlawutelo 11:15.

• Leswi swi yendlekaka swoswi swi kombisa swaku Mfumu wa Xikwembu se wu kusuhi ni ku ta fuma lani misaveni. Yesu a vule swaku loko Mfumu wa Xikwembu wu li kusuhi ni ku ta, lani misaveni a ku ta tala hi tinyimpi, tindlala ni ku tsekatseka ka misava. — Matewu 24:3, 7.

  Hinkwaswu leswi Yesu a nga swi vula swa yendleka namuntlha. Se leswo swi kombisa swaku Mfumu wa Xikwembu wu le kusuhi ni ku ta wu ta helisa swikarhatu hinkwaswu lani misaveni.