Eaha te Basileia o te Atua?
E parau anei oe . . .
-
e mea i roto i te aau?
-
e faaauraa parau?
-
e faatereraa i te raˈi?
TA TE BIBILIA E PARAU RA
“E haamau te Atua o te raˈi i te hoê faatereraa arii, o te ore roa e haamouhia.”—Daniela 2:44, Huriraa o te ao apî.
“Ua horoahia mai te hoê tamaiti na tatou. E e vai noa te faatereraa i nia i to ˈna tapono.”—Isaia 9:6.
EAHA TE AURAA NO OE?
-
Te hoê faatereraa parau-tia o ta oe e fanaˈo.—Isaia 48:17, 18.
-
I roto i te ao apî i mua nei, te ora ma te ea tia roa e ma te oaoa.—Apokalupo 21:3, 4.
E NEHENEHE ANEI E TIATURI I TA TE BIBILIA E PARAU RA?
E. Teie e piti tumu:
-
Ua faaite Iesu i ta te Basileia o te Atua aore ra Faatereraa arii a te Atua, e rave. Ua haapii Iesu i ta ˈna mau pǐpǐ ia pure ia tae mai te Faatereraa arii a te Atua e ia tupu to ˈna hinaaro i nia i te fenua nei. (Mataio 6:9, 10) Ua faataa Iesu e nafea taua pure ra e pahonohia ˈi.
A ora ai Iesu i nia i te fenua, ua faatamaa oia i tei poia, ua faaora i te feia maˈi e ua faatia faahou mai i tei pohe! (Mataio 15:29-38; Ioane 11:38-44) No te mea e riro Iesu ei arii o te Faatereraa arii a te Atua, ua horoa oia i te hoê faaiteraa nehenehe mau o ta teie Faatereraa e rave no ta ˈna mau tavini.—Apokalupo 11:15.
-
Te haapapu ra te mau tupuraa na te ao nei, fatata roa mai ra te Faatereraa arii a te Atua. Ua tohu Iesu hou te Faatereraa arii a te Atua e hopoi mai ai i te hau i nia i te fenua, e faaruru te taata i te tamaˈi, te oˈe e te aueueraa fenua.—Mataio 24:3, 7.
Tera iho â ta tatou e ite ra i teie mahana. Papu maitai ïa fatata roa te Faatereraa arii a te Atua i te faaore i te mau fifi atoa.
A FERURI NA
Mai te aha te huru o te oraraa i raro aˈe i te Faatereraa arii a te Atua?
Tei roto te pahonoraa i te SALAMO 37:29 e te ISAIA 65:21-23.
E au atoa outou . . .
HAAPIIRAA TUMU
Eaha te Basileia o te Atua?
O te Basileia o te Atua te tumu parau faufaa roa ˈˈe ta Iesu i haapii. E rave rahi matahiti ua pure ta ˈna mau pǐpǐ ia tae mai taua Basileia ra.
TE PARE TIAIRAA
Eaha ta te Faatereraa arii a te Atua e rave?
Ua ite Iesu o te Faatereraa arii a te Atua anaˈe te nehenehe e faatitiaifaro i te mau fifi atoa. Eaha ta te reira i rave aˈena ia puai atu â ta tatou tiaturiraa?
TE PAHONO RA TE BIBILIA
Na vai e haamau i te hau i nia i te fenua?
Te fafau ra te Atua e haamau o ˈna i te hau na te ao nei maoti to ˈna Basileia.
TE PARE TIAIRAA
Te Basileia o te Atua: Hoê faatereraa aita e ohipa petaraa
Ono tuhaa e haapapu e faaore roa te Basileia i te ohipa petaraa.
NO NIA IA MATOU
No te aha e haapii ai i te Bibilia?
E horoa te Bibilia i te mau pahonoraa i te mau uiraa faufaa o te oraraa i te mau mirioni taata na te ao nei. E hinaaro anei oe e ite i tera mau pahonoraa?
HAAPIIRAA BIBILIA
Tamata i te haapiiraa Bibilia
A ani te hoê haapiiraa Bibilia e te hoê taata haapii.
