«Te yorahil te ajwaliletic ini te Dios ta chʼulchan ya me shach jchahp ban cʼalal ya scuentahin jtuhl ajwalil te mayuc bin ora ya xlaj.» (Daniel 2:44, Scʼop Dios Tzeltal.)

«Aʼbilotic jtuhl nichʼanil, ha ya xcʼoht ta stojol te cuentahinwanej.» (Isaías 9:6.)

• Jaʼ jun wentainel te toj spisil te bin ya spase, melel ya yakʼbotik koltayel ta jujuntul ta pajel chaʼbej (Isaías 48:17, 18).

• Nopolme ya xkuxinotik ta yachʼil balumilal te banti ya x-ayin tseʼel oʼtanil soknix te banti maʼyukix chamel (Apocalipsis 21:3, 4).

Yak, ay chaʼchajp te bin yuʼune:

• Te Jesuse la yakʼ ta ilel te bin ya spas te Wentainel yuʼun te Diose. Te kʼalal la snojptes te jnopojeletik yuʼun ta skʼoponel te Diose, la yal te akʼa skʼanik te Wentainel yuʼun te Diose sok te akʼa yichʼ pasel te skʼanojel yoʼtan liʼ ta Balumilale (Mateo 6:9, 10). Jaʼnix jich la yakʼ ta ilel te bin utʼil ya xkʼot ta pasel te bin ya yichʼ kʼanel ta skʼoponel te Diose.

  Te kʼalal ay ta Balumilal-a te Jesuse, la smakʼlin ants winiketik te ayik ta wiʼnal-ae, la slekubtes jchameletik soknix la schaʼkuxajtes te machʼatik lajemikixe (Mateo 15:29-38; Juan 11:38-44). Jich bitʼil te jaʼ tsabil yuʼun Dios te ya x-och ta Ajwalil te Jesuse, juʼ yuʼun yakʼel ta ilel te bintik kʼax tʼujbil ya xbajtʼ spas ta stojol te machʼatik ya swentaine (Apocalipsis 11:15).

• Te bintik yak ta kʼoel ta pasel ta Balumilale ya yakʼ ta ilel te nopolix te Wentainel yuʼun te Diose. Te Jesuse la yalbey jilel skʼoplal te kʼalal nopol ya yakʼix lamal kʼinal ta swolol Balumilal-a te Wentainel yuʼun te Diose, yame xnoj ta guerra te Balumilale, yame xtal tulan wiʼnal, sok tulan nijkʼel (Mateo 24:3, 7).

  Yakotikix ta yilel te jich yak ta kʼoel ta pasel spisil ini. Jich yuʼun ya yakʼ smukʼul kʼinal kaʼiytik ta swenta te Wentainel yuʼun te Diose, melel nopol ya yakʼbey schajpajibal spisil te wokoliletike.