“Ndi hone Mudzimu wa ṱaḓulu a tshi ḓo vusa muvhuso une wa sa ḓo tshinyala lini na Iini.”—Daniele 2:44, Bivhili ya Ṱhalutshedzelo Ya Shango Ḽiswa.

“Ro bebelwa ṅwana, ro ṋewa murwa. Vhuhosi vhu kha shaḓa ḽawe.” —Yesaya 9:5.

• Hu ḓo vha na muvhuso wo lugaho une wa ḓo ni ḓisela zwivhuya. —Yesaya 48:17, 18.

• Shangoni ḽiswa ḽine ḽa ḓo ḓa, ni ḓo vha na mutakalo wo fhelelaho na dakalo.—Nzumbululo 21:3, 4.

Ee, ri nga zwi tenda nga nṱhani ha zwiitisi zwivhili:

• Yesu o sumbedza zwine Muvhuso wa Mudzimu wa ḓo zwi ita. Yesu o funza vhatevheli vhawe uri vha rabele uri Muvhuso wa Mudzimu u ḓe nahone zwine Mudzimu a funa zwi itwe fhano kha ḽifhasi vhunga zwi tshi itwa ngei ṱaḓulu. (Mateo 6:9, 10) Yesu o sumbedza nḓila ine yeneyo thabelo ya ḓo fhindulwa ngayo.

  Musi Yesu e fhano ḽifhasini, o kanzwa vha re na nḓala, a fhodza vhalwadze, na u vusa vhafu! (Mateo 15:29-38; Yohane 11:38-44) Samusi Yesu e Muvhusi wa tshifhingani tshi ḓaho wa Muvhuso wa Mudzimu, o sumbedza zwine wa ḓo zwi ita.—Nzumbululo 11:15.

• Zwine zwa khou itea shangoni zwi ri fha vhuṱanzi ha uri Muvhuso wa Mudzimu u ḓo ḓa hu si kale. Yesu o amba hu tshee nga phanḓa uri musi Muvhuso wa Mudzimu u sa athu u vhusa kha ḽifhasi hu ḓo vha na dzinndwa, nḓala na midzinginyo.—Mateo 24:3, 7.

  Zwenezwo zwithu ri a zwi vhona ṋamusi. Nga zwenezwo, ri nga vha na vhungoho ha uri hu si kale Muvhuso wa Mudzimu u ḓo fhelisa dzenedzo thaidzo dzoṱhe.