Xoossaa Kawotettay Aybee?
Ne zaaroy awugee?
-
Asa wozanan deꞌiyaaba.
-
Leemiso haasaya.
-
Saluwaa haaro.
GEESHSHA MAXAAFAY YOOTIYOOBAA
“Saluwaa Xoossai mulekka kunddenna . . . kawotettaa essana.”— Daaneela 2:44.
“Attuma na7i nuuyyo imettiis! Kawotettai a hashiyan wodhdhana.” —Isiyaasa 9:6.
HEGAA AMMANIYOOGEE NENA WAATI GOꞌꞌII?
-
He xillo haaroy nena keehi maaddana.—Isiyaasa 48:17, 18.
-
Yiya ooratta alamiyan asay payyatettaaninne ufayssan deꞌana. —Ajjuutaa 21:3, 4.
GEESHSHA MAXAAFAY YOOTIYOOBAA AMMANANA DANDDAYIYOO?
Ee, hegawu guuxxiis giishshin naaꞌꞌu gaasoy deꞌees:
-
Yesuusi Xoossaa Kawotettay polanabaa bessiis. Yesuusi bana kaalliyaageeti Xoossaa Kawotettay yaanaadaaninne Xoossaa shenee saꞌan hananaadan woossana mala tamaarissiis. (Maatiyoosa 6:9, 10) Yesuusi he woosaa Xoossay waati zaaranaakko bessiis.
Yesuusi saꞌan deꞌiyo wode namisettidaageeta miziis, harggidaageeta pattiisinne hayqqidaageeta denttiis! (Maatiyoosa 15:29-38; Yohaannisa 11:38-44) Yesuusi Xoossaa Kawotettaa Kawo; haarettiyaageetuyyo he Kawotettay ay oottanaakko i he wode xeeraa bessiis.—Ajjuutaa 11:15.
-
Alamiyaa hanotay Xoossaa Kawotettay matan yaanaagaa bessees. Xoossaa Kawotettay saꞌan sarotettaa ehaanaappe kase olay, koshaynne biittaa qaattay alamiyan ubbasan deꞌanaagaa Yesuusi kasetidi yootiis.—Maatiyoosa 24:3, 7.
Ha wodiyan hegee polettiiddi deꞌees. Hegaa gishshawu, Xoossaa Kawotettay mata wode he meto ubbaa xayssanaagaa ammanettana danddayoos.
QOPPANA KOSHSHIYAABAA
Xoossaa Kawotettay haariyo wode asay ay mala deꞌo deꞌanee?
Geeshsha Maxaafan MAZAMURE 37:29ninne ISIYAASA 65:21-23n ha oyshaa zaaroy deꞌees.
Hageeta Beꞌadii?
WOCHCHIYO KEELAA
Xoossaa Kawotettay Ay Oottanee?
Xoossaa Kawotettaa xallay ha saˈaa metuwaa giigissana danddayiyoogaa Yesuusi erees. Nu ammanuwaa minttanawu he Kawotettay ay oottidee?
GEESHSHA MAXAAFAABAA OYCHCHIYOOBATU ZAARUWAA
Saꞌan Sarotettay Deꞌanay Ayba Ogiyaanee?
Xoossay ba Kawotettaa baggaara saꞌan sarotettay deꞌanaadan oottanawu qaalaa gelidoy ayba ogiyaanakko akeeka.
NUBAA
Geeshsha Maxaafaa Xannaꞌana Koshshiyoy Aybissee?
kumetta saꞌan deꞌiya miilooniyan qoodettiya asay oychchiyo gita oyshatu zaaruwaa Geeshsha Maxaafay yootees. Neenikka etaagaadan zaaruwaa demmana koyay?
GEESHSHA MAXAAFAA TIMIRTTETA
Geeshsha Maxaafaa xannaꞌiyo prograamiyaa
Issi uraara Geeshsha Maxaafaa xannaꞌa.
