“An Dios han langit mag-iestablisar hin ginhadian nga diri gud mabubungkag.”​—Daniel 2:44, Bag-o nga Kalibotan nga Hubad.

“Usa nga anak nga lalaki an iginhatag ha aton; ngan an gobyerno ibubutang ha iya sugbong.”​—Isaias 9:6; footnote.

• Inin matadong nga gobyerno makakagtagana han imo mga panginahanglan.​—Isaias 48:17, 18.

• Ha tiarabot nga bag-o nga kalibotan, perpekto na an imo kahimsog ngan magigin malipayon ka gud.​—Pahayag 21:3, 4.

Oo, ha diri maminos duha nga hinungdan:

• Iginpakita ni Jesus kon ano an bubuhaton han Ginhadian han Dios. Gintutdoan ni Jesus an iya mga sumurunod nga ig-ampo nga kumanhi an Ginhadian han Dios ngan matuman an kaburut-on han Dios dinhi ha tuna. (Mateo 6:9, 10) Iginpakita ni Jesus kon paonan-o babatunon ito nga pag-ampo.

  Han nakanhi hi Jesus ha tuna, nagpakaon hiya ha mga nagugutom, nagtambal hin mga may sakit, ngan nagbanhaw hin mga patay! (Mateo 15:29-38; Juan 11:38-44) Sugad nga Magmarando han Ginhadian han Dios ha tiarabot, abanse nga iginpakita ni Jesus an magpakaruruyag nga bubuhaton hito nga Ginhadian para ha mga sakop hito.​—Pahayag 11:15.

• Ginpapamatud-an han mga panhitabo ha kalibotan nga hirani na umabot an Ginhadian han Dios. Igintagna ni Jesus nga antes gud pahinaboon han Ginhadian an kamurayawan ha tuna, magkakaada mga girra, gutom, ngan linog.​—Mateo 24:3, 7.

  Ito mismo nga mga panhitabo an aton nakikita yana. Salit makakasarig kita nga hirani na tapuson han Ginhadian han Dios an ngatanan nga problema.