“Juʼu Lioj teekau katekame yaʼurata witti yechane jakwo juniʼi ka wiutanaamta.”(Daniel 2:44, Traducción del Nuevo Mundo.)

“Inim bwiapo, siʼime jume yaʼuram, itom achai Liojtau into juʼu Krijto, a yoemiabeu emo suʼutojila.” (Apokalipsis 11:15, Yoʼowe Jesukrijtota betana juʼu tuʼi nok lutuʼuria, ian taapo jiʼojtewa benasia.)

• Iniʼi tuʼu yaʼura siʼimem itom weepuleim aniane (Isaías 48:17, 18).

• Lauti jeela, jum bemela aniapo, alleaka te jiapsine intok ka koʼokoekai (Revelación [Apocalipsis] 21:3, 4).

Woi wemta te bitne:

• Jesús yea bittuak jita yeu yumaatuane juʼu Liojta Yaʼura. Aapo a discipulowam majtak bem lionokpo a netanne juka Liojta Yaʼura inim itomaktuneepo intok inim Bwiapo a nesaweʼu yaatune (Mateo 6:9, 10). Intoket a bittebok jaisa wa bem aawaʼu yeo yumaane.

  Jesusta inim Bwiapo a jiapsao, tebaureme jiʼibwatuak, koʼokoeme jittok intoket kokolame jiabijtetuak (Mateo 15:29-38; Juan 11:38-44). Aapo a bittebok waka ujyolisi maachik itom mabetbaeʼu Liojta Yaʼura betana, bweʼituk aapo Liojta Yaʼurapo Yaʼuttubaeka weyen (Revelación 11:15).

• Juʼu inim aniapo weyeme itom a bittua juʼu Liojta Yaʼura tua lauti jeela yebijne. Jesús jaibu a teuwalatukan kee Liojta Yaʼura inim Bwiapo yantielwamta a nuupaneo, inim aniapo tua juebena nassuawame auʼean tebaa intok bwia au yoame (Mateo 24:3, 7).

  Ian taapo te junuka siʼimek bicha. Kialikun tua lutuʼuriapo te a suale juʼu Liojta Yaʼura a rutuktabae.