“Nzambi yi diyilu wela tula Kimfumu kimosi kioki kiela kambu bungua.”—Danieli 2:44, Traduction du monde nouveau.

“Nzambi wutu veni mwana bakala! Niandi wela kutuyadila.”—Yesaya 9:5, La Bible en Kituba (Kikongo ya Leta).

• Yidi ayi guvernema mosi yi busonga yilenda kutunatina mambote tona lumbu kiaki.—Yesaya 48:17, 18.

• Mu nza yi mona yoyi yilembo yizi, wela ba mu mavimpi mambote ayi mu kiese.—Tsongolo 21:3, 4.

Inga, tutadila bi bila biole kaka:

• Yesu wumonisa mambu momo Kimfumu ki Nzambi kiela vanga mu bilumbu binkuiza. Yesu wulongisa balonguki bandi basambilanga mu diambu di Kimfumu ki Nzambi kiza ayi luzolo luandi luvangama va ntoto. (Matayi 6:9, 10) Yesu wumonisa phila yoyi lusambulu beni luela vangimina.

  Mu thangu kaba va ntoto, Yesu wudikila baba mu nzala, wubelusa bambevo, ayi wufulukisa bafwa! (Matayi 15:29-38; Yowani 11:38-44) Bo kadi muntu wowo fueti ba Mfumu mu Kimfumu ki Nzambi, Yesu wumonisa mu bukhufi momo Kimfumu ki Nzambi kiela vanga mu diambu di batu.—Tsongolo 11:15.

• Mambu momo tulembu moni va nza malembu tumonisa ti fioti fisiedi, Kimfumu ki Nzambi nduka kuiza. Yesu wusamuna ti tekila Kimfumu beni kinata ndembama, ntoto wumvimba wufueti ba zi mvita, zi nzala, ayi nikuka ku ntoto.—Matayi 24:3, 7.

  Mawu tulembo moni mu bilumbu biabi. Diawu, tulenda tula vuvu ti fioti fisiedi, Kimfumu ki Nzambi kiela manisa ziphasi beni.