EYI wasoma ebitabu, n’okuyunviriza emyazi oku televiziyo n’oku radiyo, onazigana kubona n’okuyunva eby’obunizi, amavita n’obubandi. Nkabaga nawe wenyine oherhe ebikubabeze nk’amalwala, changwa nkabaga hali omuzigirwa wawe w’afire.

Obe nkawawaza kw’ebila bibazo:

• Ebyola si bi Mungu alindonzeze n’omulala gwani?

• Ngahe nakabona oburhabale b’okulwisa ebibazo byani?

• Hali olusiku omurhula nji gwashuba kuba oku gulu si?

Ebiblia eshubize kw’ebyola bibazo omu njira yakarhuyemeza bwinja.

• Abantu barhakachilibuka, barhakachishaja, chiro barhakanachifa.​—Ufunuo 21:4

• “Ebilema nji byabalala kuguma n’akashovu.”​—Isaya 35:6

• Empumi nji zabona.​—Isaya 35:5

•  Abafire nji bafuka.​—Yohana 5:28, 29

• Nta muntu nji wachilwala.​—Isaya 33:24

• Abantu boshi nji bagwarha ebilyo binene.​—Zaburi 72:16

Hali amango wakawaza oku ebilagane bili oku bukurasa bwa 4 n’obwa 5 bwa chinola chitabu bili bilorho binja konyine. S’aliko Mungu alaganyize oku abiyeneza hanola hofi. Ebiblia ederhere gurhe nj’abiyeneza.

S’aliko, eshubire kurhubwira gurhe rhwakagwarha obusime kurhondera zene. Obe nka wawaza oku bili byakulibuza zene. Bulwala si? Bibazo by’omulala si? Bukene si? Omuzigirwa wawe afire si? Ebiblia yakakurhabala olwise amola malibuko, yakanakuha ebishubizo birhulirize kw’ebila bibazo:

• Bulagurhe rhuli rhwalibuka?

• Gurhe rhwakalwisa ebibazo byerhu?

• Gurhe omulala gwerhu gwakagwarha obusime?

• Gurhe binaba ey’omuntu amala kufa?

• Hali olusiku nji rhwanachibona abazigirwa berhu bafire si?

• Bichi byakarhuyemeza oku Mungu nj’ayeneza ebilagane byage byoshi?

 Okasoma echila chitabu, byayerekana oku osimire omenye ebye Biblia eyigirize. Echila chitabu chakurhabala. Buli chifungo chiherhe ebibazo byakurhabala omenyerere Ebiblia bwinja. Bantu banene banasima okuyiga Ebiblia haguma n’Abahamirizi ba Yehova. Rhuherhe obunihire oku nawe byakusimisa. Yehova agishe omwete (omwito) ogwerhe omu kulonza omenye ebye Biblia eyigirize!