តើព្រះមានគោលបំណងអ្វីសម្រាប់យើង?
ពេលអ្នកអានកាសែត មើលទូរទស្សន៍ ឬស្តាប់វិទ្យុ អ្នកនឹងឃើញហើយឮព័ត៌មានជាច្រើនអំពីឧក្រិដ្ឋកម្ម សង្គ្រាម និងភេរវកម្ម។ ម្យ៉ាងទៀត អ្នកផ្ទាល់ប្រហែលជាកំពុងរងការឈឺចាប់ដោយសារជំងឺ ឬដោយសារមនុស្សជាទីស្រឡាញ់បានស្លាប់។
សូមសួរខ្លួនអ្នកថា:
-
តើព្រះមានគោលបំណងឲ្យខ្ញុំនិងក្រុមគ្រួសារខ្ញុំទទួលរងការឈឺចាប់ដូច្នេះឬ?
-
តើខ្ញុំអាចរកជំនួយនៅឯណាដើម្បីស៊ូទ្រាំឬដោះស្រាយបញ្ហារបស់ខ្ញុំ?
-
តើនៅថ្ងៃមួយនឹងមានសេចក្ដីសុខសាន្ដដ៏ពិតប្រាកដឬទេ?
គម្ពីរមានចម្លើយដ៏គួរឲ្យគាប់ចិត្ដចំពោះសំណួរទាំងនេះ។
គម្ពីរបង្រៀនថាព្រះនឹងធ្វើអ្វីៗដ៏អស្ចារ្យជាច្រើននៅផែនដី។
-
មនុស្សនឹងលែងមានការឈឺចាប់ ភាពចាស់ជរា ឬសេចក្ដីស្លាប់ទៀត។—ការបើកបង្ហាញ ២១:៤
-
«មនុស្សខ្វិននឹងលោតដូចជាប្រើស»។—អេសាយ ៣៥:៦
-
«ភ្នែករបស់មនុស្សខ្វាក់ នឹងបានភ្លឺឡើង»។—អេសាយ ៣៥:៥
-
មនុស្សស្លាប់នឹងត្រូវប្រោសឲ្យរស់ឡើងវិញ។—យ៉ូហាន ៥:២៨, ២៩
-
គ្មានមនុស្សណានឹងឈឺទៀតទេ។—អេសាយ ៣៣:២៤
-
មនុស្សទាំងអស់នៅផែនដីនឹងមានអាហារជាបរិបូរ។—ទំនុកតម្កើង ៧២:១៦
ចូរទទួលប្រយោជន៍ពីសេចក្ដីបង្រៀនក្នុងគម្ពីរ
សូមកុំឆាប់សន្និដ្ឋានថាអ្វីដែលអ្នកទើបតែបានអាននៅទំព័រមុនៗជាការស្រមើស្រមៃនោះឡើយ។ ព្រះបានសន្យាថា មិនយូរទៀតលោកនឹងធ្វើឲ្យអ្វីៗទាំងនោះកើតឡើង ហើយគម្ពីរពន្យល់អំពីរបៀបដែលលោកនឹងធ្វើដូច្នេះ។
មិនត្រឹមតែប៉ុណ្ណោះ គម្ពីរក៏ផ្ដល់ប្រយោជន៍ថែមទៀតដែរ។ គម្ពីរប្រាប់អំពីវិធីដែលអ្នកអាចមានជីវិតដ៏គាប់ចិត្ដ សូម្បីតែនៅឥឡូវនេះ។ សូមគិតបន្ដិចអំពីទុក្ខលំបាកនិងកង្វល់កង្វាយរបស់អ្នកផ្ទាល់។ អ្នកប្រហែលជាមានបញ្ហាលុយកាក់ បញ្ហាក្រុមគ្រួសារ បញ្ហាសុខភាព ឬមានទុក្ខសោកដោយសារមនុស្សជាទីស្រឡាញ់បានស្លាប់។ គម្ពីរអាចជួយអ្នកឲ្យស៊ូទ្រាំនឹងបញ្ហាទាំងនេះ ហើយក៏អាចសម្រាលទុក្ខអ្នកដោយផ្ដល់ចម្លើយចំពោះសំណួរផ្សេងៗដូចតទៅនេះ៖
-
តើយើងអាចប្រឈមមុខនឹងកង្វល់កង្វាយនៃជីវិតយ៉ាងដូចម្ដេច?
-
តើយើងនឹងជួបមនុស្សជាទីស្រឡាញ់ដែលបានស្លាប់ទៅម្ដងទៀតឬ?
-
ហេតុអ្វីយើងអាចប្រាកដថានៅអនាគតព្រះនឹងធ្វើឲ្យសេចក្ដីសន្យារបស់លោកក្លាយជាការពិត?
ដោយសារអ្នកកំពុងតែអានសៀវភៅនេះ នោះបង្ហាញថាអ្នកចង់ដឹងអំពីអ្វីដែលគម្ពីរបង្រៀន។ សៀវភៅនេះនឹងជួយអ្នកឲ្យយល់អំពីគម្ពីរបាន។ មានសំណួរសម្រាប់វគ្គនីមួយៗដែលនឹងជួយអ្នកឲ្យយល់គម្ពីរច្បាស់ជាង។ មនុស្សរាប់លាននាក់ចូលចិត្ដរៀនគម្ពីរជាមួយនឹងសាក្សីព្រះយេហូវ៉ា។ យើងសង្ឃឹមថាអ្នកក៏នឹងចូលចិត្ដរៀនដែរ។ សូមឲ្យព្រះផ្ដល់ពរដល់អ្នក កាលដែលអ្នកស្វែងយល់អំពីអ្វីដែលគម្ពីរអាចបង្រៀនអ្នក!
លោកអ្នកក៏ប្រហែលជាចូលចិត្តដែរ
អំពីយើង
ហេតុអ្វីគួររៀនគម្ពីរ?
គម្ពីរផ្ដល់ចម្លើយចំពោះចម្ងល់អំពីជីវិតដល់មនុស្សរាប់លានអ្នកនៅទូទាំងពិភពលោក។ តើលោកអ្នកចង់បានចម្លើយដែរឬទេ?
អំពីយើង
តើកម្មវិធីរៀនគម្ពីរត្រូវធ្វើឡើងតាមរបៀបណា?
នៅទូទាំងពិភពលោក សាក្សីព្រះយេហូវ៉ាបានត្រូវគេស្គាល់ថា ជាអ្នកដែលស្នើសុំបង្រៀនគម្ពីរដោយឥតគិតថ្លៃ។ សូមមើលរបៀបដែលយើងបង្រៀនគម្ពីរ។
