NGANO zurnale ntia misamu zizonzelaka? Ntia misamu lutalaka mu tele mpe luwâka mu radio? Misamu mia mbi, mia mizingu na mia miangu. Kampe nge beni mpe mpasi tamona mu bungu dia timbevo peleko mu bungu dia lufwa lwa muntu wu zololo.

Banza’eti biyuvu ebi:

• Ngano Nzambi ni bo kawaya mu bungu dia meno na kanda diani?

• Kwe ndendi bakila lubakusu mu telamana mpasi zani?

• Ngano lumbu tie kô mbo kubâ tidzunu ha mutoto?

Bibila mvutu za fwanakana dihanaka mu biyuvu bio.

• Bantu ka bavutu â mona mpasi ko, ka bavutu â nuna ko mpe ka bavutu â fwa ko.​—Nzabukusu 21:4

• “Wa fwa malu mbo kadumuzuka ntiana ntiesie.”​—Izaya 35:6

• Ba fwa meso mbo bamona.​—Izaya 35:5

•  Bantu ba fwa mbo bavumbuka.​—Za 5:28, 29

• Ka kwena muntu ko wuvutu bela.​—Izaya 33:24

• Bantu babansoni mbo baba na bidia ntangu zazansoni.​—Mikunga 72:16

Lendi banza ti makani ma bazonzele mu tinima tia 4 na tia 5 mu buku di, mena ntiana ndozi. Kâ, Nzambi tu kanisini ti ntamana mbo kalungisa makani mo. Bibila mbo ditubangurilaka ka bwe Nzambi kalungisila mo.

Kâ, Bibila misamu miakaka ditutelaka: mbo ditubangurilaka bwe tulendi bela mu nsayi bwawu bu na mu bilumbu bita kwiza. Banza’eti misamu mita ku kwamisa. Ngano nitu ka yena ya wasa ko? Misamu mia kanda? Misamu mia mbongo? Ngano muntu wu zololo wufwiri? Bibila dilendi ku bakisa mu telamana nkwamusu zo. Bibila mbo dihanaka mvutu zibombaka mu biyuvu ebi:

• Mu bungu dia nti tumwinaka mpasi?

• Ngano bwe lendi telamana mpasi zaku?

• Bwe kanda diaku dilendi bela mu nsayi?

• Bantu bu bafwaka kwe bakwendaka?

• Ngano lumbu tie kô mbo tuvutu monana na bantu ba tuzololo bafwa?

• Mu bungu dia nti tulendi bela na lukwikulu ti Nzambi mbo kalungisa makani mandi mamansoni?

 Tala ti buku di tatanga, ni mu songela ti zololo wazaba misamu mi longesaka Bibila. Buku di mbo dikubakisa. Muna paragrafe ye na biyuvu bikubakisa mu tomo bakula Bibila. Bantu babingi bazoloko mu zonzelaka Bibila na Mbangi za Yehova. Tuta banza ti ndongokolo yo, mbo yikutâ nsayi mpe. Bika Nzambi kasakumuna ngolo zi tasarila mu longoka mio mi longesaka Bibila!