Afa Mungu ni Le Amani ri A’duni?
MI KA gazeti la, tivi ne, kaniku redio eri, e’yo mini esu ri ni ovu adra, a’di ’diza, azini ’ba ’ba o’dipi e’yo kokoru ’diyi ma dria. Sa azini si, mi candi isu mini ovuzu azoru risi, kaniku ’ba azi mini lele tu ni ni drazu risi.
Mi zi nga mi ngulupi:
-
’Di afa Mungu ni le mani azini ’ba mavu akua ’diyi ni ri i ya?
-
Ma eco azakoma isu e’yo ewaru ’diyi ma ti tazu ngoa?
-
Asianzu ada ri eco nga ovu ci ’dini ra?
Biblia fe amani zita ’diyi ma omvita kililliru ri ra.
BIBLIA IMBA KINI MUNGU NI NGA E’YO ONYIRU ’DIYI ’YE NYAKUA ’DIA RA.
-
Rua suza, de, azini dra ngani ovu dika ku.—E’yo Eceza 21:4
-
“’Ba pa acozaru ’diyi nga ombu nyajole.”—Isaya 35:6
-
“’Ba mile odraza ’diyi ma mile yi nga yi ozi mgboru.”—Isaya 35:5
- ’Ba odrapi ’bo ’diyi nga enga ra.—
-
Azo ngani ’ba azi bi ku.—Isaya 33:24
-
Abiri ni nga ovu yo.—Zaburi 72:16
MI ISU ORODRI E’YO BIBLIA NI IMBA ’DIYI MA ALEA
Mi eco ega e’yo mini la buku ’di ni e’doria ’diyi inzo ni. Te di Mungu so oyo ojata ’diyi ejizu nyakua mbeleru, dika Biblia ece vini amani geri erini ngazu ’yezu ri ra.
E’yo Biblia ni nze ri ovuni lu dria ’di ku. Ece vini amani geri amani ecozu ovuzu ayikosi ewu ’di ma alea ri. Mi ega nga e’yo afa mini asi otiza fepi saaru ’diyi ma dria. Eco ovu alio ni, e’yo ewaru aku ma alea ri, azo ni, kaniku ’ba azi mini lele tuni ma drata ni. Biblia eco mi aza ko e’yo ewaru ’diyi ma ti tazu. Eco vini mini asi omiza fe zita osile eleleru ’diyi ma omvita si:
-
Ama eco ni ngoniru kini oyo soza dria Mungu ni ’diyi nga yi ’ye ra?
Mini buku ’di lazu ri e’da mi ava lezu e’yo Biblia ni imba ri onizu ri ci. Buku ’di ni nga mi aza ko ra. Paragrafu alu alu ovu zita ecopi mi aza kopi e’yo Biblia ni imbari vazu kilili ri be. ’Ba milioni milioni yi Biblia oniria ayikosi ’Ba Yehova ma E’yo Eti Nzepi ’Diyi pie. Ama asi ’baza be mi nga vini ovu ayikosi indi. Mini e’yo Biblia ni imba mini ri oni ria, tusu coza Mungu niri ma ovu mi be!