Extëm tyam njukyˈäjtëm, ¿duˈunë Dios xytyukmëtsojkëm?
XËMË nˈijxëm mä telebisionk, Internet, nmëdoˈowëm mä raadyë, o nmëdoyˈäjtëm ko jäˈäy tsyiptundë, tkutëjtë ley ets ko jyaˈˈatyë terroristë. Ets waˈan myaˈˈayoyëtyë yuu päˈäm o ko të yˈooky mjiiky mëguˈuk.
Oknayajtëwëdë:
-
¿Yëˈëtsë tyäˈädë Dios xytyukmëtsojk mëdëtsë nfamilyë?
-
¿Mäts mbäät nbäätyë naybyudëkë etsëts nmëmadäˈägëdë jotmay?
-
¿Waˈandaa näˈä jyaˈˈatëdë jotkujkˈäjtën yä Naxwiiny?
Mbäät ndukjotkujkˈäjtëm extëmë Biiblyë tˈatsoowëmbity.
BIIBLYË TYUKNIˈˈIXË KO DIOS TYUKMËDUNAAMBYË OYˈÄJTËNË NAXWINYËDË JÄˈÄY
-
“Kyaj yˈokˈijnët ja oˈkën, jëˈëy yaxën o ja pëjk adoˈonën” (Diˈibʉ Jatanʉp o Apocalipsis 21:4).
-
“Ja tekymyäˈät kyëxpatäˈäny mumaty extëmë jatsyuˈu” (Isaías 35:6).
-
“Ja wiints yˈijxpëkäˈäny” (Isaías 35:5).
- Jyukypyëkäˈändë oˈkpë (
-
Kyaj nyekyjyaˈˈatäˈänyë yuu päˈäm (Isaías 33:24).
-
Kyaj nyekyˈamääytyäˈägäˈänyë jeˈxy pëky (Salmo 72:16).
BIIBLYË MBÄÄT MBUDËKËTY
Mbäät mwinmay ko diˈib yaptsoo të xykyajpxy, duˈun yëˈë extëmë tsuu kumäˈäy. Perë Dios të twandaˈaky ko tim tsojk dyaˈoyëyaˈany ja amay jotmay yä Naxwiiny etsë Biiblyë nyimaytyakypy wiˈix dyaˈˈadëwäˈäny.
Biiblyë nan xyˈanmäˈäyëm ti mbäät nduˈunëm parë tyam njukyˈäjtëm agujk jotkujk. Okwinmay tijaty tyam mjotmaytyuunëp. Waˈan xymyëdatyë jotmay mä mfamilyë, mjotmaytyunyëtyë meeny sentääbë o mët ko mbëky mˈixyëty. O waˈan xynyimay xynyidäjy ja mjiiky mëguˈuk diˈib të yˈooky. Perë Biiblyë mbäät mbudëkëty ets xymyëmadäˈägëdë tyäˈädë jotmay. Ets nan mbäät mjotkujkmoˈoyëty mët ko yˈatsoowëmbijtypy tijaty nnayajtëˈëwëm, extëm:
-
¿Waˈandaa näˈä jatëgok nˈijxëmë nmëguˈukˈäjtëm diˈib të yˈoˈknëdë?
-
¿Tiko mbäät nˈijtëm seguurë ko Dios kyuytyunaampy tijaty të twandaˈaky?
Ko xykyajpxyë tyäˈädë liibrë, yëˈë myaˈijxëp ko mnijawëyaampy tidënë Biiblyë tukniˈˈijxëp. Tyäˈädë liibrë yëˈë mbudëkëyanëp ets xynyijawët. Miimbë yajtëˈëwën diˈib yaˈˈatsoowëmbijtp mä tuˈuk tuˈugë parrafo diˈib mbudëkëyanëp parë xyjaygyukëdë Biiblyë. Miyonkˈamë jäˈäy tˈoyˈixtë ko duˈun yˈëxpëktë mëdë Jyobaa tyestiigëty. Nˈawijxtëbëts ets nanduˈun xyˈoyˈixët. ¡Dios mgunuˈkxëdëp parë xynyijawët ja tëyˈäjtën diˈibë Biiblyë tukniˈˈijxëp!