ГАЗЕТЫМ лудын, телевизорым ончен але радиом колыштын, те ужыда да колыда мыняр шуко осал ышталтеш. Уло тӱняште чот шуко сарым вӱдат, законым пудыртат да террорым ыштат! Тыгакак илышыште кажнынан шуко нелылык уло. Очыни, иктаж-кӧ неле черланымыж але лишыл еҥын колымыж верч тургыжлана.

Шоналтыза:

• Мыланем да мыйын ешемлан Юмо тыгай илышым шонен пыштен мо?

• Йӧсылыкым мый кузе сеҥен кертам?

• Мландыште тыныслык иктаж-кунам лиеш мо?

Нине йодышлан вашмут Библийыште уло.

• Еҥ-влак черланаш, шоҥгемаш да колаш огыт тӱҥал (Почмаш 21:4)

• «Окшак [еҥ] пӱчӧ семын тӧрштылаш тӱҥалеш» (Исаия 35:6)

• «Сокыр-влакын шинчашт почылтеш» (Исаия 35:5)

•  Колышо-влак угыч илаш тӱҥалыт (Иоаннын 5:28, 29)

• Ик айдемат огеш черлане (Исаия 33:24)

• Кажныжын шуко кочкыш лиеш (Псалом 71:16, У Сугынь, 1986)

Кӱшнӧ ончыктымо сӧрымашым йомаклан шотлаш ида вашке. Вет тиде Юмын сӧрымашыже. А кузе тудо шке мутшым шукта? Тидым Юмо Библий гоч умылтара.

Библий тыланда кызытат пиалан лияш полша. Тендам, очыни, окса, еш але тазалык ден кылдалтше нелылык тургыжландара. Але те лишыл еҥын колымашыж верч ойгыреда. Чыла тиде йӧсылыкым сеҥаш Библий тыланда полша. Тушто лыпландарымашым муаш лиеш. Библий тыгай кӱлешан йодыш-влаклан вашмутым пуа:

• Тӱняште молан тынар шуко осал ден орланымаш лиедат?

• Кузе йӧсылыкым сеҥаш лиеш?

• Еш пиалан лийже манын, мом ыштыман?

• Колымаш деч вара айдеме дене мо лиеш?

• Колышо лишыл-влак дене иктаж-кунам вашлийын кертына мо?

• Юмо чыла сӧрымашыжым шукта манын, молан ӱшанен кертына?

 Тиде книга тыланда Библийын туныктымашыжым пален налаш полша. Тыште кажне абзацлан йодыш пуалтеш. Тидлан кӧра те библийысе туныктымашым сайрак умыледа. Тиде метод почеш Иегован Таныкше-влак дене Библийым шымлаш миллионло еҥлан келша. Сандене тыгай шымлымаш тыландат келша манын ӱшанена. Библийын туныктымашыжым пален налаш тыршымашдам тек Юмо суапландара!