ASEEZĮ́ naaltsoos yíníłtaʼgo, níłchʼi naalkidí níníłʼı̨́įgo, doodaiiʼ níłchʼi bee haneʼii biiʼdę́ę́ʼ dinitsʼaʼgo yééʼ yee atídaʼałʼı̨́įgo baa dahaneʼ. Naałniih ádaatʼéii doodaiiʼ kʼé bił daʼahidiʼnínę́ę ádingo biniinaa nichʼįʼ nahwiiʼná.

Díí baa nitsíníkees:

• Kótʼéego iináa doogoósh God iiná nihainílá?

• Áchʼįʼ anídahaztʼiʼ bichʼįʼ haʼííníshníi dooígi, háadi lá hólǫ́?

• Hodéezyéelgo kʼéísh dahólǫ́ǫ doogo átʼé?

Diyin Bizaad díí yee ił hodoolnih.

• Ádiiʼniih, są́ dóó anoonééł ádin doo.​—Revelation 21:4

• “Naaljı̨́ı̨́d nilíinii bįįh nahalingo dah náníljı̨́įh doo.”​—Isaiah 35:6

• “Doo daʼooʼíinii éí daʼooʼı̨́į dooleeł.”​—Isaiah 35:5

•  Ádaadinę́ę iiná baa nídadoolyééł.​—John 5:​28, 29

• Doo łaʼ bitah honeezgai da doo.​—Isaiah 33:24

• Nahasdzáán bikááʼ tʼáá ałtso chʼiyáán bá dahólǫ́ǫ doo.​—Psalm 72:16

Díí yeeʼ doo ádahodoonííł da shı̨́ı̨́ nínízin. God éí tʼáá íídą́ą́ʼ yee ádeehaadzííʼ, áko tʼáá aaníí áhodooníiłgo bichʼįʼ hoolzhish. God áʼdoolíłígi átʼéego éí Diyin Bizaad yaa halneʼ.

Diyin Bizaad éí kótʼéego kʼad nił hózhǫ́ dóó iiná bee níʼdííldįįł ní. Idaʼdiiłʼáhígíí łaʼ baa nitsíníkees: béeso, nighan hazʼą́ągi, nitsʼíís, doodaiiʼ kʼé bił daʼahidiʼnínę́ę ádaadinígíí. Díí haitʼéego bichʼįʼ haʼahóní dooígi Diyin Bizaad yee áká análwoʼ. Áádóó díí bíndaʼídíkidígíí ił chohooʼı̨́įgo ííłʼı̨́:

• Haʼátʼíí biniyé nihichʼįʼ nidahwiiʼná?

• Bee áchʼįʼ anídahaztʼiʼii haitʼéego bichʼįʼ hadaʼííníilníi doo?

• Nighan hazʼą́ągiísh ił dahózhǫ́ǫ doogo átʼé?

• Deetsaahgo haa yiitʼįįh?

• Kʼé bił daʼahidiiʼnínę́ę ádaadinígíí, tʼáásh nídeidiiltsééł?

• God ádeeshnííł nínígíí haitʼéego tʼáá aaníí yiniidlą́ą doo?

 Díí naaltsoos yíníłtaʼgo bééhózinígo éí Diyin Bizaad yee naʼnitingi nił bééhodoozįįł nínízin. Díí naaltsoos níká adoolwoł. Diyin Bizaad hazhóʼó bikʼiʼdidiitı̨́ı̨́ł biniyé wóltaʼgo dahnaazhjaaʼígíí bitsʼą́ą́dóó bąąh naʼídíkidgo ádaalyaa. Ląʼí diné éí Jiihóvah Yá Dahalneʼii Diyin Bizaad yee nidabinitingo yaa bił dahózhó. Ni ałdóʼ nił hózhǫ́ǫ doo daniidzin. Diyin Bizaad yee nanitingi, baa íhoołʼaahgo God nikʼihadlíi doo!