Oityi Huku Etuhandela?
TYINA utanga o jornale, na tyina utala o televisau ine okutehelela olaliu, motale nokuiva ovanthu veliipaa noungangala, novita, no makongo-mbanda. Hamwe ove ukahi nokumona ononkhumbi mokonda youvela ine mokonda wankhisa omunthu umwe uhole.
Lipula okuti:
-
Okuti ankho otyetyi Huku ahandela ame nombunga yange?
-
Opi mandyikavasa ekuateso opo ndyityivile okulwisa ovitateka viange?
-
Okuti nthiki imwe makukakala ombembwa yotyotyili?
Ombimbiliya yaava omakumbululo ayandyuluka konthele yomapulo oo.
OMBIMBILIYA ILONGESA OKUTI HUKU MAKALINGA OMAPILULUKO AHUVISA PANO POHI.
-
Ovanthu kamavakakala vali noluihamo, kavakakulupa vali, nokunkhia.—Revelação 21:4
-
“Otyilema matyikalombauka ngombambi.”—Isaías 35:6
-
“Omaiho ovamphoki maakapatuka.”—Isaías 35:5
- Vokuankhia mavakala vali nomuenyo.—
-
Petupu omunthu makavela.—Isaías 33:24
-
Ovanthu aveho kombanda yohi mavakakala nokulia okunyingi.—Salmo 72:16
OUWA UTUNDILILA KOMALONGESO OMBIMBILIYA
Uhasoke okuti etyi ukahi nokutanga pomafo otete momukanda ou onondyoi vala. Mahi Huku walaa okulinga omapiluluko aa pano pohi apa katutu, iya Ombimbiliya ihangununa oñgeni Huku meketyilinga.
Ombimbiliya kaipopi vala otyipuka otyo. Itupopila oityi tuna okunoñgonoka opo tukale nehambu liotyotyili nomuenyo omuwa pehepano. Soka katutu kovipuka vikusukalalesa. Ovipuka ovio hamwe muakutikinya onombongo ine omasuka ombunga, nokuhena ekongoko, ine ononkhia mbomunthu uhole. Ombimbiliya ipondola okutukuatesako okulamba ovitateka ovio, iya omakumbululo omapulo aa apondola okukupameka:
-
Omokonda yatyi tuna onthumbi yokuti Huku malingi atyiho opo afuisepo omilao viae??
Mokonda ukahi nokutanga omukanda ou, otyo tyilekesa okuti uhanda okunoñgonoka oityi Ombimbiliya ilongesa. Omukanda ou maukukuatesako. Omapulo ono palagrafu maekukuatesako okunoñgonoka nawa Ombimbiliya. Ovanthu ovanyingi velilongesa Ombimbiliya no Nombangi mba Jeova. Tukevelela okuti nove molilongesa navo. Huku mekuyambe tyina monoñgonoka etyi Ombimbiliya ikulongesa!