АБОНИ лӕгъуз хабӕрттӕ фегъосунмӕ идардмӕ цӕун нӕ гъӕуй. Фӕнди газзет райгон кӕнай, фӕнди телевизор кенӕ радио бакӕнай, алкӕмидӕр фудракӕндтӕ, тугъдтитӕ ӕма террактти хабӕрттӕ. Уомӕй уӕлдай ба ма алкедӕр ӕхе зиндзийнӕдтӕ ӕвзаруй, зӕгъӕн, нези хӕццӕ тох кӕнуй, кенӕ ба ибӕл зиан ӕрцудӕй.

Расагъӕс кӕнай аци фарстатӕбӕл:

• Цума Хуцауи фӕндуй, цӕмӕй ӕз ӕма мӕ бийнонтӕ уӕхӕн цард кӕнӕн?

• Ци мин банхус кӕндзӕй мӕ зиндзийнӕдти хӕццӕ тох кӕнун?

• Ескӕд зӕнхӕбӕл сабур цард уодзӕй?

Аци фарстатӕбӕл дзуапп базонӕн ес Библийӕй.

• Адӕн, рист ци ӕй, уой байронх уодзӕнцӕ, удта нӕдӕр зӕронд кӕндзӕнцӕ, нӕдӕр мӕлгӕ (Раргомадӕ 21:4)

• «Къулух ка ӕй, е саги хузӕн тъӕбӕртт кӕндзӕй» (Исай 35:6)

• «Хъӕрӕутӕ цӕстӕй ракӕсдзӕнцӕ» (Исай 35:5)

•  Ка рамардӕй, етӕ райгас уодзӕнцӕ (Иоанни 5:28, 29)

• Сӕйгӕ некебал кӕндзӕй (Исай 33:24)

• Зӕнхӕбӕл хуӕруйнаг уодзӕй фӕндон (Псалом 72:16)

Ка ’й зонуй дӕмӕ уотӕ кӕсуй, ӕма, аци киунуги райдайӕни ци дессаги царди кой цӕуй, е аргъау ӕй. Фал Хуцау зӕрдӕ байвардта, хъӕбӕр тагъд зӕнхӕбӕл ӕцӕгӕйдӕр уӕхӕн цард ке искӕндзӕй. Ӕма ’й куд искӕндзӕй, е ба финст ӕй Библий.

Уомӕй уӕлдай ма Библий финст ес, абони дӕр ӕцӕг амондгун ӕма зӕрдӕрохс цард кӕнунмӕ ци зонун гъӕуй, е. Еу минкъий расагъӕс кӕнай, ци дӕ тухсун кӕнуй, уобӕл. Ка ’й зонуй, ӕхцайӕй нӕ хъӕртис кенӕ хӕдзари мӕститӕ ӕвзарис, цӕхуӕндӕр нез дӕ тухсун кӕнуй кенӕ ба дин кадӕр рамардӕй. Библи дин банхус кӕндзӕй, цӕмӕй дӕ зиндзийнӕдтӕ исфӕразай. Удта дин уодӕнцойнӕ ӕрхӕсдзӕй, уомӕн ӕма си иссердзӕнӕ дзуапп аци фарстатӕбӕл:

• Гъезӕмӕрттӕ цӕмӕн ӕвзарӕн?

• Нӕ зиндзийнӕдти нин ци банхус кӕндзӕй?

• Нӕ бийнонтӕ амондгун цӕй фӕрци уодзӕнцӕ?

• Мӕрдти ести ес?

• Ка нин рамардӕй, уони ма ескӕд фӕууиндзиан?

• Хуцау зӕрдӕ цӕмӕй байвардта, уони еугурейдӕр ке исӕнхӕст кӕндзӕй, уобӕл федарӕй ӕууӕндӕн цӕмӕн ес?

 Аци киунугӕ ке кӕсис, е уобӕл дзорӕг ӕй, ӕма дӕ фӕндуй, Библий ци финст ес, уой базонун. Абзацтӕмӕ си ес фарстатӕ. Ӕма уони фӕрци Библи хуӕздӕр балӕдӕрдзӕнӕ. Милиуангай адӕнӕн ӕхцӕуӕн фӕууй Йегови Ӕвдесӕнти хӕццӕ Библибӕл дзорун. Нифс нӕ ес, е дӕу зӕрдӕмӕ дӕр ке фӕццӕудзӕй. Мадта дин Хуцау уӕхӕн арфӕ ракӕнӕд, цӕмӕй Библи ци дзоруй, уой базонай!