خدا انساناں لئی کیہہ کجھ کرن والا اے؟
جدوں تُسی اخبار پڑھدے، ٹیوی ویکھدے یاں ریڈیو سُن دے او تے توانوں جنگ، جُرم تے دہشتگردی بارے بوہت ساریاں خبراں ویکھن تے سُنن نُوں مِلدیاں نیں۔ ایہہ وی ہو سکدا اے کہ تُسی لمے عرصے توں بیمار او یاں فیر کسے اپنے دی موت دی وجہ توں دُکھی او۔
اپنے آپ کولوں پچھو:
-
کیہہ خدا ایہہ چاہندا اے کہ مَیں تے میرے گھر والے تکلیفاں چُکیے؟
-
مَیں اپنے مسئلیاں نُوں حل کرن لئی مدد کتھوں لے سکنا واں؟
-
کیہہ زمین تے کدی امن قائم ہوئے گا؟
پاک کلام چ ایہناں سوالاں دے تسلیبخش جواب دِتے گئے نیں۔
پاک کلام دَسدا اے کہ خدا زمین تے ایہو جہے کم کرن والا اے جیہڑے ساڈی سوچ توں وی باہر نیں۔
-
انساناں دِیاں ساریاں تکلیفاں مُک جان گیاں۔ اوہ نہ تے کدی بُڈھے ہون گے تے نہ ای کدی مرن گے۔—مکاشفہ 21:4۔
-
لنگڑے ہِرن وانگوں دوڑن گے۔—یسعیاہ 35:6۔
-
انھے ویکھ سکن گے۔—یسعیاہ 35:5۔
- مُردے زندہ کیتے جان گے۔—
-
کوئی وی انسان بیمار نئیں ہوئے گا۔—یسعیاہ 33:24۔
-
کھانپِین دی کوئی تھوڑ نئیں ہوئے گی۔—زبور 72:16۔
پاک کلام دی تلیم توں فائدہ حاصل کرو
شاید توانوں لگے کہ جیہڑیاں گلاں تُسی پچھلے ورقیاں تے پڑھیاں نیں اوہ تے صرف خواب چ ای ہو سکدیاں نیں۔ پر خدا نے وعدہ کیتا اے کہ اوہ ایہہ سب کجھ بوہت چھیتی کرے گا تے پاک کلام چ دَسیا گیا اے کہ اوہ اِنج کیویں کرے گا۔
پاک کلام چ ایہہ وی دَسیا گیا اے کہ اَسی سچی خوشی کیویں پا سکنے آں تے ودھیا زندگی کیویں گزار سکنے آں۔ ذرا اوہناں گلاں بارے سوچو جیہڑیاں توانوں پریشان کردیاں نیں۔ ہو سکدا اے کہ تُسی مالی مسئلیاں، گھریلو مسئلیاں، صحت دے مسئلیاں یاں کسے اپنے دی موت دی وجہ توں پریشان او۔ پاک کلام چ دَسیا گیا اے کہ تُسی ایہو جہیاں پریشانیاں نال کیویں نبڑ سکدے او۔ ایہدے چ ایہناں سوالاں دے تسلیبخش جواب دِتے گئے نیں:
-
کیہہ اَسی اپنے اوہناں عزیزاں نُوں دُبارہ مِل سکاں گے جیہڑے فوت ہو گئے نیں؟
-
اَسی ایس گل تے یقین کیوں رکھ سکنے آں کہ خدا اپنے ہر وعدے نُوں پورا کرے گا؟
تُسی ایس کتاب نُوں پڑھن توں ظاہر کر رہے او کہ تُسی پاک کلام دی تلیم حاصل کرنا چاہندے او۔ اصل چ ایس کتاب نُوں ایسے مقصد لئی تیار کیتا گیا اے۔ پیراگرافاں دے نال سوال دِتے گئے نیں جنہاں دے ذریعے تُسی پاک کلام نُوں چنگی طرحاں سمجھ سکدے او۔ پوری دُنیا چ لکھاں لوکاں نُوں یہوواہ دے گواہواں نال پاک کلام چوں گل بات کرنا چنگا لگا اے۔ سانوں پوری امید اے کہ توانوں وی اِنج کرنا چنگا لگے گا۔ ساڈی دُعا اے کہ جدوں تُسی پاک کلام دی تلیم حاصل کرو تے خدا تواڈی مدد کرے۔