БАРОИ фаҳмидани хабарҳои нохуш дур рафтан даркор нест. Ин хабарҳоро мо аз газета, телевизор ва радио мефаҳмем. Дунё пур аз ҷангу ҷиноят ва терроризм аст! Ғайр аз ин «зоғе бе доғе нест», ҳар яки мо ғаму ташвиши худро дорад. Баъзеҳо аз касалии сахт азоб мекашад, дигарон аз марги шахси наздик.

Фикр кунед:

• Оё Худо мехоҳад, ки ману оилаам азоб кашем?

• Чӣ тавр ғаму ташвишҳоямонро паси сар кунем?

• Оё ягон вақт дар дунё сулҳу амонӣ пойдор мешавад?

Ҷавоби ин саволҳо дар Китоби Муқаддас мебошанд.

• Одамон аз дарду ранҷ, пирӣ ва марг халос мешаванд (Ваҳй 21:4)

• «Ланг мисли гавазн ҷастухез хоҳад кард» (Ишаъё 35:6)

• «Чашмони кӯрон кушода хоҳад шуд» (Ишаъё 35:5)

•  Мурдаҳо зинда мешаванд (Юҳанно 5:28, 29)

• Ҳеҷ кас касал намешавад (Ишаъё 33:24)

• Серию пурӣ мешавад (Забур 71:16)

Саросемавор хулоса набароред, ки ин чизҳо афсона ё фикру хаёли хоманд. Ин ваъдаҳои худи Худоянд ва Китоби Муқаддас мефаҳмонад, ки чӣ тавр Ӯ онҳоро иҷро мекунад.

Ҳамчунин дар Китоби Муқаддас гуфта мешавад, ки чӣ тавр мо худи ҳозир хушбахт буда метавонем. Мумкин шумо аз ягон касалӣ, аз душвории пулӣ, оилавӣ ё аз марги шахси наздикатон азоб мекашед. Бо ёрии Китоби Муқаддас шумо ба ин душвориҳо тоб оварда метавонед. Аз он шумо ба саволҳои бисёр, аз он ҷумла ба саволҳои зерин ҷавоб меёбед:

• Барои чӣ дунё пур аз бадӣ ва дарду азоб аст?

• Чӣ тавр душвориҳоро паси сар кунем?

• Чӣ кор кунем, ки оилаамон хушбахт шавад?

• Баъди мурдан бо одам чӣ мешавад?

• Оё ягон вақт мурдагонро медида бошем?

• Барои чӣ мо дилпур буда метавонем, ки Худо ваъдаҳояшро иҷро мекунад?

 Он ки шумо ин китобро хонда истодаед, нишон медиҳад, ки шумо бо таълимоти Китоби Муқаддас шинос шудан мехоҳед. Ин китоб ба шумо кӯмак мекунад. Дар ин китоб ба воситаи саволҳое, ки ҷавобашонро аз сархат ёфтан мумкин аст, таълимоти Китоби Муқаддас ба таври сода фаҳмонда шудааст. Ба миллионҳо одамоне, ки ба воситаи ин китоб Китоби Муқаддасро омӯхтанд, ин тарзи таълимгирӣ маъқул шуд. Мо умед дорем, ки ба шумо ҳам маъқул мешавад. Бигзор Худо кӯшишҳои шуморо дар ин кор баракат диҳад!