Hi Wahi Makungu ya Xikwembu hi Vanhu?
LOKO u lerha jornali, u hlalela televhizori kumbe kuyingisela radiyu, u vona ni kutwa mahungu ya wugevenga, tinyimpi ni terrorismo. Kumbexana na wena u li ka xiyimu xa kukarhata hi mhaka ya mavabyi kumbe kufeliwa hi munhu lweyi umu rhandzaka.
Ti vutisi:
-
Kunga va leswaku lawa i makungu ya Xikwembu hi mina ni ndjangu wa mina?
-
Ningawu kuma kwihi pfunu kuva ni kota kulangutana ni swakarhato swa mina?
-
Indje kuta va ni kurhula?
Bibele laswi hlamula swivutiso leswo.
BIBELE LI DJONDZISA LESWAKU XIKWEMBU XITA YENDLA SWILO SWOHLAMALISA LAHA MISAVENI.
-
Vanhu avangahata twa kuvava, kuguga kumbe kufa. — Nhlavutelo 21:4
-
“A xilima xitatlulatlula kufana ni mhunti”. — Esaya 35:6
-
“Matihlo ya lavangavoniki matapfuliwa”. — Esaya 35:5
- Lava feke vata pfuxiwa. —
-
Aku na munhu lweyi angata vabya. — Esaya 33:24
-
Vanhu hinkwavu amisaveni vata va ni swakudla swotala. — Tipisalema 72:16
PFUNEKA KA LESWI BIBELE LISWI DJONDZISAKA
Swinga vevuka kupimisa leswaku leswi se ungaswi lerha ka matluka yosungula kova norho ntsena. Kambe Xikwembu xi tshembisa leswaku xita yendla kucinca amisaveni hinkwayu, naswona Bibele li hlamusela ndlela leyi xingataswi yendla hi yona.
Bibele lihi hlamusela swin’wana. Lihi byela leswi hi lavaka kuswi tiva leswaku hi tshama hi tsakile. Yanakanya hi swilo leswiku karhataka. Leswo swingaha katsa male kumbe ndjangu, mavabyi kumbe lifu la munhu lweyi umu rhandzaka. Bibele lingaku pfuna leswaku u langutana ni swikarhato leswo naswona lingaku chavelela hi kuhlamula swivutiso swofana ni leswi:
-
Hinga yendla yini leswaku hi langutana ni swikarhato swa hina?
-
Hinga tiyisekisa kuyini leswaku Xikwembu xita hetisisa switshembiso hinkwaswu leswi xiswi yendleke?
Leswi u lerhaka buku leli, swi komba leswaku u lava kutiva leswi Bibele liswi djondzisaka. Buku leli litaku pfuna. A tindzimana ti ni swivutiso leswingataku pfuna leswaku u twisisa Bibele kuyampsa. Vanhu votala swinene va tikhorisile hi kudjondza Bibele ni Timboni ta Yehovha. Ha tshemba leswaku na wena uta tikhorisa. Hi navela leswaku Xikwembu xingaku katekisa loko u ya u tsumbula leswi ungaswi djondzaka Bibeleni!