ТУННЭ урод иворъёсты кылон понна кыдёке ветлоно ӧвӧл: тырмыт луэ газет лыдӟыны, телевизор учкыны яке радио кылзыны. Котыр дуннеын йыружъёс, ожъёс но терроризм! Со сяна, котькудмылы асьмелэн шуг-секытъёсмы тырмо. Кин ке но секыт висе, кинлэн ке но матысь адямиосыз кулӥзы.

Малпаське:

• Потэ-а Инмарлэн, мон яке мынам семьяе мед курадӟомы шуыса?

• Мар кароно, шуг-секытъёсме вормон понна?

• Музъем вылын куке тупаса улон луоз-а?

Та юанъёслы валэктонъёс вань Библиын.

• Адямиос уз висе, уз пересьме но уз кулэ ни (Усьтӥськон 21:4)

• «Чут мурт пужей кадь тэтчоз» (Исаия 35:6)

• «Синтэмъёслэн синъёссы усьтӥськозы» (Исаия 35:5)

•  Кулэмъёс выльысь улозы (Иоанн 5:28, 29)

• Нокин уз висьы ни (Исаия 33:24)

• Ваньмызлэн тырмыт сиёнзы луоз (Псалтирь 71:16)

Эн дыртэ вераны, ваньмыз, мар сярысь талэсь азьло верамын вал, ноку но уз быдэсмы шуыса. Со Инмарлэн кыл сётонъёсыз. Библиын валэктэмын, кызьы со сётэм кылзэ быдэстоз.

Библия али ик ини тӥледлы юрттыны быгатэ шудо луыны. Оло нош, тӥляд мылкыдды куашкамын, малы ке шуоно коньдонды уг тырмы яке семьяяды шуг-секытъёс кылдӥзы, тазалыкты лябӟиз яке кин ке матысь адямиосты пӧлысь кулӥз. Библия юрттоз тӥледлы со шуг-секытъёстэс сэрттыны-пертчыны. Со тӥледыз буйгатыны быгатоз, малы ке шуоно со трос юанъёслы валэктонъёс сётэ, кылсярысь:

• Малы дуннеын сомында лек ужъёс но курадӟонъёс?

• Мар кароно, шуг-секытъёсты сэрттон-пертчон понна?

• Мар кулэ, семьяын шудо луон понна?

• Мар луэ адямиен кулэм бераз?

• Быгатомы-а ми выльысь пумиськыны кулэм матысь адямиосынымы?

• Малы ми оскыны быгатӥськомы, Инмар котькуд сётэм кылзэ быдэстоз шуыса?

 Та книгаез лыдӟемды возьматэ, тӥляд тодэмды потэ шуыса, малы дышетыны быгатэ тӥледыз Библия. Та книга юрттоз тӥледлы. Книгаын абзацъёслы юанъёс сётэмын. Соос юрттозы тӥледлы Библиысь дышетонъёсты умойгес валаны. Трос миллион адямиос, Иеговалэн Адӟись-Ивортӥсьёсыныз Библиез дышетыса, бадӟым шумпотон басьтӥзы. Ми оскиськомы, тӥ но шумпотон басьтоды шуыса. Библиез тодыны тыршемдэс Инмар бакель мед кароз!