LÓ PERIÓDICO, ló televisión, ló radio né ló Internet, ritlaa pór cós mal, guerr né grupo de buñ ni rac toibsi par gony cós mal. Sigory looy cadudylo ló galrrioʼob xtol galguitz o por ni goity toib buñ ni más nadxiʼlo.

Gonabdiitz ndeʼ looy:

• ¿Ndeʼ ni raniiny Dios par naʼ né par xfamila la?

• ¿Pu lagary labúu guidzela galrracné par guicalóya galnagan?

• ¿Sioʼ dzú sabanyno goxt ló Gudxlio la?

Labúu gapno confianz mod racapy la Biblia guirá galrranabdiitz reʼ.

• Buñ ma diti sadudy ló galrrioʼob, ma diti sioʼx nili saity (Apocalipsis 21:4).

• «Buñxot saxony xomod toib bidxin» (Isaías 35:6).

• «Bisaló guirá buñ ni diti rabiʼ saxalni» (Isaías 35:5).

•  Buñ ni ma goity siás (Juan 5:28, 29).

• Buñ ma diti saxoʼ (Isaías 33:24).

• Sioʼ galrro par guiráxadit buñ (Salmo 72:16).

Sigory ronylo pensary que ni sieed ló página ni ma bíilno nacni toib bacaʼal. Per Dios ma bidudy xtiitz que mápa mer guitnébu galnasác reʼ ló Gudxlio, né la Biblia rabexa ximod sonybu láani.

La Biblia láaca raibyni lóono xi raquiin gonyno par guibanyno nakit nigoreʼ. Buny pensary nigoreʼ xi cós ragoʼ looy ló galrrasaʼ. Sigory cacalólo galnagan lainy xfamilo, yadi bidxiich o noʼ ni caxoʼ. O sigory cadudylo ló galrrioʼob por ni goity toib buñ ni más nadxiʼlo. La Biblia labúu gacné looy par guicalólo guirá galnagan reʼ. Né láaca labúu guisialdóni xcalnabanylo, portín racapyni galrranabdiitz xomod ndeʼ:

• ¿Xigony radudyno ló galrrioʼob?

• ¿Ximod labúu guicalóno galnagan?

• ¿Xí labúu gonyno par guiguaʼno goxt né xfamilno?

• ¿Xí racno órni raityno?

• ¿Sadxin dzú sabiʼno buñ ni nadxiʼno ni ma goity la?

• ¿Xigony labúu gapno confianz que Dios sony cumplirbu guirá ni ma goniʼbu?

 Pal cayoʼol lo libro reʼ, nacni portín nainy ganlo xi rasuidy la Biblia. Libro reʼ sacné looy guienlo láani. Galrranabdiitz ni sitné párrafos reʼ sacné looy guientzaaylo la Biblia. Xidalguixo buñ rioladx guisuidy né testigos xtuny Jehová ni ná la Biblia. Láaca raniiny lóodo guisaclo modreʼ. ¡Dios guidudy xilaay looy por xtem ni ronylo guienlo xi rasuidy la Biblia!