SAK A NAASE
Yãmb mii a Zeezi Kiris sõma bɩ?
1, 2. a) F sã n mi ned yʋʋr sẽn yi, bõe yĩng tɩ pa rat n yeel tɩ f mii a soabã sõma? b) Bõe la nebã yet a Zeezi zugu?
RŨNDÃ-RŨNDÃ, neb wʋsg yʋy n yi. Tõe tɩ y mii kẽere. La pa y sẽn mi b yʋyã yĩng la y tõe n yeel tɩ y mi-b-la sõma ye. Bala, y pa mi b zʋgã la b vɩɩmã sẽn sɩd yaa to-to wã kɛpɩ ye.
2 Tõe tɩ y wʋmame tɩ b gomd a Zeezi Kiris yelle. A sẽn vɩɩmd tẽngã zugã yaool n kolga yʋʋm 2000 masã. La neb wʋsg pa mi a sẽn sɩd yɩ ned ningã ye. Kẽer yetame t’a ra yaa nin-sõng bala, tɩ taab yetẽ t’a ra yaa Wẽnnaam no-rɛɛsa, tɩ sãnda tolg n tẽed tɩ yẽ la Wẽnnaam. La yãmb yẽ?—Ges-y Vẽnegr 11 wã.
3. Bõe yĩng tɩ y tog n bao n bãng Wẽnnaam a Zeova ne a Zeezi Kirisi?
3 Yaa sõma tɩ yãmb mengã bao n bãng a Zeezi neere. Bõe yĩnga? Biiblã yetame: ‘Vɩɩm sẽn kõn sa wã yaa tɩ nebã na bãng yãmb sẽn yaa y yembre, n yaa sɩd Wẽnnaamã, la b bãng a Zeezi Kirisi, yãmb sẽn tʋm a soabã.’ (Zã 17:
TÕND BÃNGA MESI WÃ!
4. “Mesi” rat n yeelame tɩ bõe?
4 Yʋʋm wʋsg sẽn deng a Zeezi rogmã, a Zeova ra reng n togsa Biiblã pʋgẽ tɩ Mesi la a na n tʋm tẽngã zugu. “Mesi” rat n yeelame tɩ ned Wẽnnaam sẽn yãke, n kõ-a tʋʋmd sẽn tar ziiri. B boonda a Zeezi tɩ Mesi, bala Wẽnnaam yãk-a lame n kõ-a ziir la tʋʋmd sẽn yaa kãsenga. Yaa ne Mesi wã maasem la Wẽnnaam kãabsã fãa na n pidsi. Sẽn paase, a Zeezi tõe n sõnga yãmb rũndã-rũndã. La nand t’a Zeezi roge, neb wʋsg ra sokda b mens yaa: ‘Ãnd soab n na n yɩ Mesi wã?’
5. A Zeezi karen-biisã ra kɩsa sɩd t’a yaa Mesi wã bɩ?
5 A Zeezi karen-biisã ra kɩsa sɩd t’a yaa Mesi ning Wẽnnaam sẽn da reng n yeel t’a watame wã. (Zã 1:
6. Bõe la a Zeova maan n sõng nebã tɩ b bãng Mesi wã n welge?
6 Hal sẽn kaoos t’a Zeezi nan pa roge, Wẽnnaam no-rɛɛsdb togsa bũmb wʋsg Mesi wã zugu, sẽn na n sõng nebã tɩ b bãng-a n welge. D rɩk makr ne b sẽn na n yeel yãmb tɩ y kẽng gaarẽ n tɩ rɩk ned y sẽn zɩ n yã. B sã n bilg yãmb a soabã sõma, kõn sõng-y tɩ y bãng-a sɩda? Woto me, a Zeova kɩtame t’a no-rɛɛsdbã wilg Mesi wã sẽn na n wa maan bũmb ninsã, la bũmb ning sẽn da na n paam-a wã. Gom-kãens fãa pidsgã sõngda pʋ-peelem dãmbã tɩ b bãng Mesi wã n welge.
7. Togs-y bãngr-goam a yiib sẽn wilgd t’a Zeezi n yaa Mesi wã.
Miise 5:
A Zeezi sẽn deeg lisgã, a lebga Mesi bɩ Kiris
8, 9. Bõe n maan a Zeezi lisgẽ wã, tɩ wilgdẽ t’a yaa Mesi wã?
8 Bũmb la a Zeova maan n wilg vẽeneg t’a Zeezi la Mesi wã. A ra yeela a Zãmbatiis t’a na n wilg-a-la bãnd sẽn na n kɩt t’a bãng Mesi wã. Yʋʋmd 29 wã, a Zeezi kẽnga a Zãmbatiis nengẽ Zʋrdẽ kʋɩlgẽ wã, n na n tɩ reeg lisgu. Baraarã, a Zãmbatiis yãa bãndã. A yeelame: “Mam yãnda Sɩɩg-sõng sẽn yi arzãn [“saasẽ,” MN] n sig wa wall n pa bãmb zugu. . . . La sẽn tʋm-a maam tɩ m wa n lis nebã koomẽ wã yeela maam yaa: ‘Fo sẽn na n yãnd ned ning tɩ Sɩɩg-sõng sig n pa a soab zugã, bɩ f bãng tɩ yaa yẽnda n lisd nebã Sɩɩg-sõng pʋgẽ.’ Maam, mam yãame, la mam kɩsa kaset tɩ yaa bãmb la Wẽnnaam Bi-riblã.” (Zã 1:
9 Biiblã bãngr-goamã, ne a Zeova mengã sẽn yeelã, la bãndã a sẽn kõ wã wilgdame t’a Zeezi sɩd yaa Mesi wã. La a Zeezi yii yɛ? A yɩɩ nin-
A ZEEZI YII YƐ?
10. Kaset bʋs n be Biiblã pʋgẽ, n wilgdẽ t’a Zeezi zĩnda saasẽ n yaool n na n wa tẽng zugu?
10 Biiblã wilgdame t’a Zeezi reng n zĩnda saasẽ n kaoose, n yaool n na n wa tẽngã zugu. A Miise yeelame tɩ Mesi wã sɩng n bee “hal pĩnda.” (Miise 5:1) A Zeezi mengã yeela naoor wʋsg tɩ yẽ reng n zĩnda saasẽ nand t’a wa tẽngã zugu. (Karm-y Zã 3:
11. Bõe yĩng t’a Zeova nong a Zeezi wʋsgo?
11 A Zeova nonga a Zeezi wʋsgo. Bõe yĩnga? Bala yẽ la a naan pipi, n yaool n naan bũmb fãa. Rẽ n so tɩ b boond-a tɩ ‘bũmb nins fãa a Zeova sẽn naanã dẽenem soaba.’ * (Koloos-rãmbã 1:
12. Wãn to la d mi t’a Zeezi ne Wẽnnaam pa a ye?
12 Neb n tẽed t’a Zeezi ne Wẽnnaam yaa a ye. La pa woto la Biiblã yet ye. Biiblã yetame tɩ Wẽnnaam n naan a Zeezi. Dẽnd a Zeezi talla sɩngre. A Zeova, Yɩɩn-sõamyã 90:
13. Bõe yĩng tɩ Biiblã yetẽ t’a Zeezi yaa ‘soab ning ned sẽn ka tõe n yãndã wẽnego’?
13 A Zeova ne a Zeezi zĩnda ne taab la b tʋm ne taab yʋʋm milyaar dãmba, sẽn deng meng tɩ b naan saasã la tẽngã. Ad b sɩd segd n nonga taab wʋsgo! (Zã 3:35; 14:31) A Zeezi rɩkda a Ba wã togs-n-taar kɛpɩ. Rẽ n so tɩ Biiblã yet tɩ Bi-riblã yaa “soab ning ned sẽn ka tõe n yãnda wã wẽnego.”—Koloos-rãmbã 1:
14. Maana wãn tɩ b rog a Zeova Bi-riblã t’a yaa ninsaala?
14 A Zeova Bi-riblã a sẽn nong wʋsgã sakame n yi saasẽ, tɩ b rog-a t’a yɩ ninsaala, n zĩnd tẽngã zugu. La maana wãn tɩ rẽ tõoge? A Zeova maana yel-solemde. A rɩka a Bi-riblã vɩɩm n ning zʋɩf-poak a Maari sẽn da pa mi raoã pʋgẽ. Rẽ n so t’a Maari rog bi-ribl sẽn pa tar yel-wẽnd ye. A pʋda biigã yʋʋr t’a Zeezi.—Luke 1:30-35.
A ZEEZI YƖƖ NIN- BƲG BUUDU?
15. Bõe la y tõe n maan n bãng a Zeova sõma?
15 Yãmb sã n karem a Matye, a Mark, a Luk la a Zã Evãnzill-dãmbã sẽn be Biiblã pʋgẽ wã, y na n bãnga bũmb wʋsg a Zeezi zugu. Sẽn mik t’a Zeezi rɩka a Ba wã togs-n-taar kɛpɩ wã, Evãnzill-dãmbã kareng Zã 14:
16. Bõe la a Zeezi zãms nebã? A sẽn da zãmsd nebã bũmb ningã yita yɛɛnẽ?
16 Neb wʋsg ra boonda a Zeezi tɩ “karen-saamba.” (Zã 1:
17. Yɛ la a Zeezi moon koɛɛgã? Bõe yĩng t’a modg wʋsg n taas nebã koɛɛgã?
17 Yɛ la a Zeezi ra taasd nebã koɛɛgã? Yaa zĩig ning fãa a sẽn yãẽ neba. A saaga tẽn-bɛdẽ, tẽn-bõonesẽ, raasẽ, wẽnd-dotẽ, karen-dotẽ, la nebã yiya. A Zeezi ra pa gũud tɩ nebã wa yẽ nengẽ ye. Yẽ n bʋʋgd-ba. (Mark 6:
18. Bõe la Biiblã yet a Zeezi zug tɩ noom yãmba?
18 A Zeezi ra yaa ned sẽn nong nebã, n dat b neere. A ra yaa nin-sõngo, t’a pẽnegr yaa nana. Kamb meng ra nonga a zĩigẽ. (Mark 10:
A Zeezi moona koɛɛgã zĩig ning fãa a sẽn yãẽ neba
19. Rɩk-y makr sẽn wilgd t’a Zeezi ra mii nebã sẽn sɩd ratã, la t’a tʋll n sõng-b lame.
19 A Zeezi ra mii nebã sẽn sɩd ratã, n da tʋll n sõng-ba. Bũmb sẽn wilgd rẽ vẽeneg yaa a sẽn tũnug ne vʋʋsem sõngã pãng n sãoog nebã bãasã. (Matye 14:
A KELL N SAKA WẼNNAAM WAKAT FÃA
20, 21. Bõe yĩng tɩ d yetẽ tɩ wẽn-sakrã wɛɛngẽ, a Zeezi mak-sõngã ka to?
20 A Zeezi kõo mak-sõng sẽn ka to Wẽnnaam sakrã wɛɛngẽ. A kell n saka a Ba wã, baa ne a bɛɛbã Matye 4:
21 A Zeezi yɩɩ wẽn-sakd n tãag a kũumã sẽn yɩ kũ-toaagã. (Karm-y Filip-rãmb 2:
22. A Zeezi sẽn yɩ wẽn-sakdã kɩtame tɩ d tõe n wa paam bõe?
22 A Zeezi sẽn yɩ wẽn-sakd hal n tãag a kũumã kɩtame tɩ tõnd tõe n wa paam n vɩɩmd tẽngã zugu, arzãnã pʋgẽ wakat sẽn kõn sa, wa a Zeova sẽn da sɩng n datã. Sak ning sẽn pʋgdã pʋgẽ, d na n bãnga wãn to la a Zeezi kũumã kɩt tɩ rẽ na n tõoge.
^ sull 11 B boonda a Zeova tɩ Ba, bala yaa yẽ la Naandã. (Ezayi 64: