MATAUPU E FA
Ko oi a Iesu Keliso?
1, 2. (a) E mata, e iloa faka‵lei ne koe se tino lauiloa māfai fua e iloa ne koe tena igoa? Fakamatala mai. (e) Ne a talitonuga o tino e uiga ki a Iesu?
E TOKOUKE a tino lauiloa i te lalolagi. Kāti e iloa ne koe te igoa o se tino lauiloa e tokotasi. Kae ona ko te mea ko iloa ne koe tena igoa, e se fakauiga i ei me ko iloa faka‵lei ne koe te tino tenā. E se ko tena uiga me ko iloa ne koe a fakamatalaga likiliki ki tena olaga kae ko ia foki se tino pefea.
2 Kāti ko oti ne logo koe e uiga ki a Iesu Keliso, faitalia me ne ola a ia i te lalolagi i se 2,000 tupu tausaga ko ‵teka. Kae e se iloa ne te tokoukega o tino me ko Iesu se vaegā tino pefea. E fai mai nisi tino i a ia se tagata ‵lei, nisi tino e fai mai i a ia se pelofeta, kae tali‵tonu nisi tino me i a ia ko te Atua. Se a tau faka‵tau?—Onoono ki te Fakamatalaga Fakaopoopo i te 12.
3. Kaia e tāua ei ke iloa ne koe a Ieova te Atua mo Iesu Keliso?
3 E tāua ‵ki ke iloa ne koe te munatonu e uiga ki a Iesu. Kaia? E fai mai te Tusi Tapu ki a tatou: “Tenei te uiga o te ola se-gata-mai, ke iloa tonu ne latou a koe, ko te Atua tonu e tokotasi, e penā foki loa mo te tino telā ne uga mai ne koe, ko Iesu Keliso.” (Ioane 17:3) Ao, kafai ko iloa ne koe te munatonu e uiga ki a Ieova mo Iesu, ko mafai ei o ola koe ki te se-gata-mai i te lalolagi palataiso. (Ioane 14:6) E se gata i ei, e aoga ‵ki ke iloa ne koe a mea e uiga ki a Iesu me ne tuku mai ne ia te ‵toe fakaakoakoga ‵lei ki te auala ke ola ei mo faifaiga e ‵tau o fai ki nisi tino. (Ioane 13:34, 35) I te Mataupu 1, ne tauloto tatou ki te munatonu e uiga ki te Atua. Nei la, ka tauloto tatou ki mea e akoako mai i te Tusi Tapu e uiga ki a Iesu.
KO OTI NE MAUA NE MĀUA TE MESIA!
4. Se a te uiga o te pati “Mesia” mo “Keliso”?
4 I tausaga e uke kae koi tuai o fanau Iesu, ne folafola mai ne Ieova i te Tusi Tapu me ka uga mai ne ia te Mesia, io me ko te Keliso. A te pati “Mesia” ne vau mai te ‵gana Epelu, kae ko te pati “Keliso” ne vau mai te ‵gana Eleni. E fakasino atu a te avā tofi konei ki te tino telā ko oti ne filifili ne te Atua ke tuku atu ki ei se tulaga fakapito. Ka fakataunu ne te Mesia a folafolaga katoa a te Atua. E mafai foki o fesoasoani atu a Iesu ki a koe i te taimi nei. Kae koi tuai o fanau Iesu, ne ma‵natu aka a tino e tokouke, ‘Ko oi la ka fai mo fai te Mesia?’
5. E mata, ne tali‵tonu a soko o Iesu me i a ia ko te Mesia?
5 Ne seki fakalotolotolua a soko o Iesu me i a ia ko te Mesia telā ne folafola mai. (Ioane 1:41) E pelā me se fakaakoakoga, ne fai atu a Simona Petelu ki a Iesu: “A koe ko te Keliso.” (Mataio 16:16) E mafai pefea o mautinoa i a tatou me i a Iesu ko te Mesia?
6. Ne fesoasoani atu pefea a Ieova ki tino loto ‵lei ke iloa ne latou te Mesia?
6 I se taimi leva mai mua o fanau mai a Iesu, ne tusi ne pelofeta a te Atua a fakamatalaga e uke kolā ka fesoasoani atu ki tino ke iloa ne latou te Mesia. Se a te aoga o fakamatalaga konā? Mafaufau la me ne fai atu ki a koe ke fano ki te malae vakalele o fakafetaui ki se tino telā e seki fetaui aka eiloa koulua. Kafai e fai atu ne se tino ne fakamatalaga e uiga ki te tino tenā, ka mafai eiloa o iloa ne koe a ia. I se auala tai ‵pau, ne fakaaoga ne Ieova ana pelofeta ke fakamatala mai ki a tatou a mea e uiga ki mea ka fai ne te Mesia
mo mea ka ‵tupu ki a ia. A te fakataunuga o valoaga katoa konā ka fesoasoani atu ki tino loto ‵lei ke iloa ne latou me i a Iesu ko te Mesia.7. Ne a valoaga e lua kolā e fakamaoni mai i ei me i a Iesu ko te Mesia?
7 Konei a valoaga e lua mai valoaga konā. Muamua la, i se 700 tausaga mai mua o fanau a Iesu, ne ‵valo mai a Mika me ka fanau te Mesia i se tamā fakai o Peteleema. (Mika 5:2) Kae tenā loa te koga ne fanau ei a Iesu! (Mataio 2:1, 3-9) Te lua, ne ‵valo mai a Tanielu me i te Mesia ka sae mai i te tausaga ko te 29 T.A. (Tanielu 9:25) E lua fua valoaga konei mai te fia o valoaga kolā e fakamaoni mai i ei me i a Iesu ko te Mesia telā ne folafola mai.—Onoono ki te Fakamatalaga Fakaopoopo i te 13.
I tena papatisoga, ne fai a Iesu mo fai te Mesia, io me ko te Keliso
8, 9. Ne a mea ne ‵tupu i te papatisoga o Iesu e fakamaoni mai ei i a ia ko te Mesia?
8 E manino ‵lei te fakaasimaiga ne Ieova me i a Iesu ko te Mesia. Ne tauto a te Atua ke tuku atu ki a Ioane te Papatiso se fakailoga ko te mea ke iloa ne ia me ko oi te Mesia. I te fanatuga a Iesu ki a Ioane ke papatiso a ia i te Vaitafe ko te Iolitana i te tausaga ko te 29 T.A., ne lavea ne Ioane te fakailoga tenā. E fai mai i te Tusi Tapu a te mea ne tupu: “I tena otiga ne papatiso ne fanaka eiloa a Iesu mai te vai, kae kiloke! ne matala te lagi, kae ne matea ne Ioane a te agaga o te Atua e fanaifo e pelā me se lupe i luga i a Iesu. Kae kiloke! E isi foki se leo mai te lagi e fai mai penei: ‘Tenei eiloa taku Tama, ko taku fagasele telā ko oti ne talia ne au.’” (Mataio 3:16, 17) I te taimi ne lavea kae lagona ei ne Ioane te fakailoga tenei, ne iloa ei ne ia i a Iesu ko te Mesia. (Ioane 1:32-34) I te aso tenā, i te taimi ne ‵ligi ifo ei ne Ieova tena agaga ki luga i a ia, ne fai ei a Iesu mo fai te Mesia. Ko ia te tino ne filifili ne te Atua ke fai mo Takitaki mo Tupu.—Isaia 55:4.
9 Ne fakamaoni mai i valoaga i te Tusi Tapu, i pati a Ieova, mo te fakailoga ne tuku mai ne Ia i te taimi o te papatisoga o Iesu me i a Iesu ko te Mesia. Kae ko Iesu ne vau
mai fea, kae ko ia se tino pefea? Ke onoono tatou ki pati mai te Tusi Tapu.A IESU NE VAU MAI FEA?
10. Ne a mea e akoako mai i te Tusi Tapu e uiga ki a Iesu kae koi tuai o vau ki te lalolagi?
10 E akoako mai te Tusi Tapu me ne nofo a Iesu i te lagi i se taimi leva ‵ki kae koi tuai o vau ki te lalolagi. E fai mai a Mika me i te Mesia ne vau “mai i aso mua.” (Mika 5:2) E uke taimi ne fai mai Iesu me ne ola a ia i te lagi kae koi tuai o fanau mai pelā me se tino. (Faitau te Ioane 3:13; 6:38, 62; 17:4, 5.) Koi tuai foki eiloa o vau a ia ki te lalolagi, ne maua ne Iesu se fesokotakiga ‵pili ‵ki mo Ieova.
11. Kaia e tāua ‵ki ei a Iesu ki a Ieova?
11 E tāua ‵ki a Iesu ki a Ieova. Kaia? Me ne faite a ia ne te Atua mai mua o faite a nisi mea katoa mo tino katoa. Tela la, ne taku a Iesu ko “te uluaki o mea katoa ne faite.” * (Kolose 1:15) E tāua foki a Iesu ki a Ieova me ko ia fua te tino ne faite ne Ieova tokotasi. Tenā te pogai e taku ei a ia ko te “Tama fagasele e tokotasi.” (Ioane 3:16) Ko Iesu tokotasi fua ne fakaaoga ne Ieova ke faite ne ia a nisi mea katoa. (Kolose 1:16) Kae ko Iesu fua ne taku ko “te Muna,” me ne fakaaoga ne Ieova a ia ke fakaoko atu ana fekau mo fakatonuga ki agelu mo tino.—Ioane 1:14.
12. E iloa pefea ne tatou i a Iesu mo te Atua e sē se tino e tokotasi?
12 E tali‵tonu a nisi tino i a Iesu mo te Atua se tino e tokotasi. Kae e se akoako mai ne te Tusi Tapu te mea tenā. E fai mai te Tusi Tapu i a Iesu ne faite, ko tena uiga e isi se kamataga o Iesu. Kae ko Ieova telā ne faite ne ia a mea katoa, Salamo 90:2) E pelā me ko te Tama a te Atua, ne seki mafaufau eiloa a Iesu ke fai a ia pelā mo te Atua. E manino ‵lei te akoakoga a te Tusi Tapu me i te Tamana e sili atu i te Tama. (Faitau te Ioane 14:28; 1 Kolinito 11:3.) Ko Ieova fua te “Atua Malosi Katoatoa.” (Kenese 17:1) Ko ia te ‵toe tino sili kae malosi i te iunivesi.—Onoono ki te Fakamatalaga Fakaopoopo i te 14.
e seai sena kamataga. (13. Kaia e fai mai ei te Tusi Tapu i a Iesu ko “te fakatusa o te Atua telā e se lavea”?
13 A Ieova mo tena Tama, ko Iesu, ne ga‵lue fakatasi i te fia piliona o tausaga kae koi tuai o faite te lagi mo te lalolagi. Ne fakatau a‵lofa eiloa lāua te suā tino ki te suā tino! (Ioane 3:35; 14:31) Ne fakaakoako faka‵lei eiloa a Iesu ki uiga o tena tamana tenā ne taku ei ne te Tusi Tapu a ia ko “te fakatusa o te Atua telā e se lavea.”—Kolose 1:15.
14. Ne mafai pefea o fanau mai te Tama pele a Ieova e pelā me se tino?
14 Ne loto fiafia te Tama pele a Ieova ke tiakina ne ia te lagi kae ke fanau mai ki te lalolagi e pelā me se tino. Ne mafai pefea o tupu te mea tenā? E auala i se vavega ne tuku ne Ieova te ola o tena Tama mai te lagi ki te moegatama o se tamafine e igoa ki a Malia. I te auala tenei, ne seki manakogina ke isi se tamana faka-te-foitino o Iesu. Tenā ne fanau mai ei ne Malia se tamaliki tagata ‵lei katoatoa, kae fakaigoa ne ia ki a Iesu.—Luka 1:30-35.
A IESU SE TINO PEFEA?
15. E mafai pefea o iloa faka‵lei ne koe a Ieova?
15 E uke a mea e mafai o tauloto ne koe e uiga ki a Iesu, tena olaga mo ana uiga māfai e faitau koe ki tusi o te Tusi Tapu ko Mataio, Maleko, Luka mo Ioane. A tusi konā e fakaigoa ko tusi Evagelia. Ona ko Iesu e pelā eiloa mo tena Tamana, a mea e faitau ne koe ka fesoasoani atu ke iloa Ioane 14:9.
faka‵lei ne koe a Ieova. Tenā te pogai ne mafai ei o fai mai a Iesu: “So se tino e kilo mai ki a au ko kilo foki ki te Tamana.”—16. Ne a mea ne akoako mai ne Iesu? Ne aumai i fea a akoakoga a Iesu?
16 E tokouke a tino ne taku ne latou a Iesu ko te “Faiakoga.” (Ioane 1:38; 13:13) A te mea tāua e tasi ne akoako atu ne ia ko “te tala ‵lei o te Malo.” Se a te Malo tenei? Ko te Malo o te Atua telā ka pule ki luga i te lalolagi kātoa mai te lagi kae aumai ne ia fakamanuiaga ki tino kolā e faka‵logo ki te Atua. (Mataio 4:23) A mea katoa ne akoako ne Iesu ne aumai mai i a Ieova. Muna a Iesu: “A mea kolā e akoako atu ne au e se i a aku, kae i a te tino telā ne uga mai ne ia au.” (Ioane 7:16) Ne iloa ne Iesu me manako a Ieova ke lagona ne tino a te tala ‵lei me i te Malo o te Atua ka pule ki luga i te lalolagi.
17. Ne akoako atu a Iesu i fea? Kaia ne galue malosi ei a ia o akoako a nisi tino?
17 Ne akoako atu a Iesu i fea? I so se koga ne maua ne ia a tino i ei. Ne akoako atu a ia i te vao e pelā foki mo fakai ‵lasi, fakai fo‵liki, maketi, koga tapuaki mo fale o tino. Ne seki fakamoemoe a ia ke olo atu a tino ki a ia. Ko ia eiloa ne fano ki a latou. (Maleko 6:56; Luka 19:5, 6) Ne galue malosi a Iesu kae fakaaoga a taimi e uke mo tena malosi o akoako a tino. Kaia? Me e iloa ne ia me manako te Atua ke fai ne ia te mea tenā kae ko ia foki e fakalogo faeloa ki tena Tamana. (Ioane 8:28, 29) Ne talai atu foki a Iesu ona ko tena alofa atafai ki tino. (Faitau te Mataio 9:35, 36.) Ne lavea ne ia me i takitaki lotu e se akoako atu ne latou te munatonu e uiga ki te Atua mo tena Malo. Tenā ne manako ei a ia ke fesoasoani atu ki tino e tokouke ke lagona ne latou te tala ‵lei.
18. Ne a uiga o Iesu e fiafia malosi koe ki ei?
Maleko 10:13-16) Ne ‵lei faeloa a mea e fai ne Iesu. Ne takalialia a ia ki amioga ma‵sei mo faifaiga sē fakamaoni. (Mataio 21:12, 13) Ne ola a ia i te vaitaimi telā e se lasi te saolotoga e maua ne fāfine kae e se āva foki a tino ki a latou. Kae ne āva faeloa kae fakaaloalo a Iesu ki fāfine. (Ioane 4:9, 27) A Iesu ne loto maulalo tonu. E pelā me se fakakoakoga, i se afiafi e tasi ne mulumulu ne ia a vae o ana apositolo, se faifaiga telā e masani o fai ne se tavini.—Ioane 13:2-5, 12-17.
18 A Iesu se tagata telā ne alofa ki tino kae atafai ki a latou. A ia e atafai kae faigofie ke fai‵pati atu ki a ia. Ke oko ki tama‵liki ne fia‵fia ke olo atu ki a ia. (Ne talai atu a Iesu i so se koga ne maua ei ne ia a tino
19. Se a te fakaakoakoga e fakaasi mai ei me iloa ne Iesu a manakoga o tino kae e manako foki a ia o fesoasoani ki a latou?
19 Ne iloa ne Iesu a manakoga o tino, kae ne manako a ia o fesoasoani ki a latou. Ne manino ‵lei te mea tenei i te taimi ne fakaaoga ei ne ia te ‵mana o te Atua ke faka‵lei fakavavega ei a tino. (Mataio 14:14) E pelā me se fakaakoakoga, ne vau se tagata lepela ki a Iesu kae fai atu: “Kafai e manako koe ki ei, e mafai o fai ne koe au ke ‵ma.” Ne otia te loto o Iesu i te kilo atu ki te tigaina mo te logo‵mae o te tagata tenei. Ne alofa a ia ki tou tagata kae manako o fesoasoani atu ki a ia. Tenā ne ‵kapa atu te lima o Iesu, fakapatele atu ki a ia kae fai atu: “Au e manako ki ei! Ke ‵ma koe.” Kae ne ‵lei ei te tagata masaki tenā! (Maleko 1:40-42) E a, e mafai o fakaataata ne koe a lagonaga o te tagata tenā?
E FAKAMAONI FAELOA KI TENA TAMANA
20, 21. E fai pefea a Iesu mo fai te ‵toe fakaakoakoga ‵lei o te fakalogo ki te Atua?
20 A Iesu ko te ‵toe fakaakoakoga ‵lei o te fakalogo ki te Atua. Faitalia me ne a mea ne ‵tupu io me ko mea ne fai ne ana fili ki a ia, ne fakamaoni eiloa a ia ki tena Tamana. E pelā me se fakaakoakoga, a Iesu ne seki agasala i te taimi Mataio 4:1-11) Ne seki tali‵tonu a nisi tino i te kāiga o Iesu me i a ia ko te Mesia kae fai atu i a ia “ko masei tena ulu,” kae ne tumau eiloa a Iesu i te faiga o te galuega a te Atua. (Maleko 3:21) I te taimi ne fai atu ei ne ana fili a mea ma‵sei ki a ia, ne tumau a Iesu i te fakamaoni ki te Atua kae ne seki taumafai a ia o fai se mea masei ki a latou.—1 Petelu 2:21-23.
ne tofotofo ei ne Satani. (21 Ke oko foki ki te taimi ne logo‵mae ei a Iesu i se mate fakatigaina, ne tumau eiloa a ia i te fakamaoni ki a Ieova. (Faitau te Filipi 2:8.) Ke fakaataata i tou mafaufau a te uke o mea ne ‵tau o fa‵ki ne ia i te aso ne mate ei a ia. Ne puke fakapagota a ia, ne fai atu a ‵losiga a molimau ‵pelo me ne pati masei a ia ki te Atua, ne takalia‵lia a famasino sē fakamaoni ki a ia, ne ‵kata a potukau o tino amio ma‵sei ki a ia, kae ne ta a ia ne sotia kae ‵tuki atu ki te pou. I te taimi ko pili ei a ia o mate ne kalaga atu a ia: “Ko oti ne fakataunu!” (Ioane 19:30) E tolu aso mai tua o te matega a Iesu, kae ne fakatu aka a ia ne Ieova i se foitino faka-te-agaga. (1 Petelu 3:18) I se fia vaiaso mai tua ifo, ne foki atu a Iesu ki te lagi, “sagasaga ifo i te feitu fakaatamai o te Atua,” kae fakatalitali ki te taimi ka fai ei ne te Atua a ia mo fai te Tupu.—Epelu 10:12, 13.
22. Se a te avanoaga ko maua nei ne tatou ona ko te fakamaoni o Iesu ki tena Tamana?
22 Ona ko te tumau o Iesu i te fakamaoni ki tena Tamana, ko maua nei ne tatou te avanoaga ke ola ki te se-gata-mai i te lalolagi palataiso, e pelā eiloa mo te fuafuaga a Ieova. I te suā mataupu, ka sau‵tala tatou ki te auala ne fai ei te mate o Iesu ke mafai o maua ne tatou te ola se-gata-mai.
^ pala. 11 E taku a Ieova ko te Tamana me i a ia ko te Mafuaga. (Isaia 64:8) Ne taku a Iesu ko te Tama a te Atua me ne faite ne Ieova a ia. A agelu, pelā foki mo te tagata ko Atamu ne taku foki me ko tama a te Atua.—Iopu 1:6; Luka 3:38.