1, 2. (a) Mo motho a go neya selo, king so se napang se maka gore o se tseyele gedimo? (b) Ke ntaba go lepolla go le selo se segolo so Modimo a re neyyeng sona?

NJE se gona selo sa gore ba yye ba go neya sona, wa kwa o se jabolela ka matla? A yi taba tsa gore di nyaka go be se segolo gore se go jabodise. Mo selo so ba go neyyeng se maka gore o jabole kela go le selo sa gore ke botala o se nyaka, nnete o nyoko se tseyela hlogong.

² Ga dilo ka mokana ga tsona tso Modimo a re neyyeng tsona, go na le ka ssoši sa gore di nyaka re se tseyela hlogong ka matla. Ke selo se segolo ka matla so Modimo a se neyyeng batho. Ga tema yowa, re nyoko tšhuta gore Jehova o yye a roma morwayi wage Jeso Kreste ho lefaseng, gore rune re thogo kraya lephelo la go ya go yye. (Bala Matewu 20:28.) Mo Jehova a šinya a romela Jeso ho lefaseng gore a tle a lepolle batho, o napiye a šupetsa gabutši gore o re nyaka ka matla.

3. Anthe ke ntaba batho ba kgwa?

³ Mo Jehova a lepolla kela go tlemolla batho, ke mo a makela gore ba tšwe bobhantiting bya go fo dulela go sinya le bya likgu. (Maefeso 1:7) Mo re nyaka go yi kwisisa gabutši taba yowa ya gore ke ntaba re nyaka go tlemolliwa, di nyaka re tšibe so se yyeng sa makega botala ku tšhomong ya Edeni. Babelegi ba rune ba ku mathomisong, Adamo le Efa, ba yye ba sinya. Ba kgwile ka taba la go sinya mone ga bona. Le rune re kgwa ka taba la gore Adamo le Efa ba re tshiletsiye bothatha byowa bya gore re fo dulela go sinya.—Lebelela le Setwaba sa 9.

4. Adamo ke mo go le mang, fote ke mo a rufiwwe ka ying?

 ⁴ Mo Jehova a maka motho wa mathomo, Adamo, O yye a mo neya selo se sengwana sa gabutši ka matla. O yye a neya Adamo lephelo la go yenela kela go felegelela. Fote ke mo a felegelele ga dilo ka mokana ga tsona monaganong le mmeleng. Adamo ke mo a ka sa ro lwala, a ka sa tsofale kela gona go ro kgwa. Mo Adamo a lebelele Jehova ke mo a mo tseya go le papage ka taba la gore ke yene a mo makiyeng. (Luka 3:38) Jehova ke mo a fo dula a bolabola naye. Modimo o mmutsiye gabutši ga Adamo gore a make ying a sa make ying, a boya a mo neya le mmereko wa go jabodisa.—Genesi 1:28-30; 2:16, 17.

5. Baebele yi ra byang mo yi re Adamo o makiwwe ka “setshwano sa Modimo”?

⁵ Adamo ke mo a makiwwe ka “setshwano sa Modimo.” (Genesi 1:27) Jehova ke mo a mo makiye a tshwana naye, a di kgona go kwa a nyaka batho ba bangwana, a hlalefiye, a lukiye fote a na le matšhika. O makiye le gore Adamo a tikgetele tso a di nyakang. Adamo ke mo a sa tshwane le lebhara la go tšhofiwa. Modimo o mo makiye a kgona go tihlawolela go maka tsa go loka kela tsa go sa loka. Mola Adamo a yye a kgeta go theetsela Modimo, nke a phidiye go ya go yye Pharadeyising.

6. Ke ntaba re re Adamo o psyile ka taba la go sa theetsele Modimo? Rune re kena kaye gana hone?

⁶ Mo Adamo a sa theetsele Modimo ke mokane a fetsa a kgwile, o yye a patela sekoloto se sengwana se segolo ka matla. Ke mo a na le senghana sa thina ka matla le Jehova, a na le lephelo la go felegelela fote a na le mutši wage wa go tshwana le Pharadeyisi, mara dilo tsone ka mokana ga tsona di yye tsa šaša. (Genesi 3:17-19) Adamo le Efa ba psyile, akere ba yye ba kgeta go sa theetsele Modimo. Ka taba la so Adamo a se makiyeng, “go sinya go kenne lefaseng ka motho ka wwoši ke mokane likgu la kena ka taba la go sinya, byalo likgu le kogetsiye batho ka mokana ga bona ka taba la gore ka mokana ga bona ba sinnye.” (Maroma 5:12) Mo Adamo a sinya, o ‘rekisiye yene mong’ a boya a rekisa le rune, ra ba mabhantiti ya go fo dulela  go sinya le ya likgu. (Maroma 7:14) Ayitsano go na le so re tshepisiwang sona? Eya, se gona.

7, 8. Anthe go lepolla king?

⁷ Mo ba re go lepolla, ba bolabola ka ying? Ga taba yowa ya go lepolla gabutšibutši go kena dilo ka dipedi. Sa mathomo, go lepolla kela go tlemolla, ke patela yo yi ntshiwang gore motho a tšwe jele kela go reka selo sa gore ke mo se rekisiwwe. Sa bobedi, go lepolla ba ra tšheleta yo yi ntshiwang, kela yi patediwang, ya selo se sengwana.

⁸ Ke mo go se na motho le ka wweši ye ne a ka potolla mo Adamo a potannyeng gona nakwela a sinya ke mokane a re leyela likgu. Mara Jehova o thudiye lešuba la gore re thogo khwanyoga mone bothatheng bya go fo dulela go sinya le bya likgu. Yema re bone gore go lepolla go bereka byang le gore sosone se re tikisa mo se tla kaye.

9. Ke mo go nyakega ying gore batho ba lepolliwe?

⁹ Aa šiyo le ka wweši ho ga rune wa gore ne a ka buyisa lephelo la go felegelela lela Adamo a le lahliyeng. Ke ntaba? Ka taba la gore ka mokana ga rune a ra yenela gabutši ho mmeleng. (Pisalema 49:7, 8) Sekoloto sone sa go lepolla ke mo se tshwanele se patele ke motho wa gore le yene o felegelele mmeleng. Ke yona taba yo yi makang gore ba šinye ba re ke “go lepolla ga go lekanana.” (1 Thimothi 2:6) Go lepolla hone ne di nyaka go lekanane le lephelo la gore le yenele lo Adamo a le sinyannyeng.

10. Jehova o makiye ying gore a tlemolle batho?

¹⁰ Jehova o lepolliye batho byang? Jehova o romele Morwayi wage ye a mo nyakang ka matla ho lefaseng. Nakwela a maka dilo, o thomisiye ka yene Morwayi yewa wage ye ba reng ke Jeso. (1 Johane 4:9, 10) Jeso a sanka a tšhofa ke motho gore a šiye Papage ku legedimong a tle ho lefaseng, o di makiye ka go di nyaka. (Mafilipi 2:7) Jehova o romele Jeso ho lefaseng, ke mokane  a belegiwa go le motho wa go yenela gabutši fote yene ke mo a dula a maka dilo tsa go wolologa.—Luka 1:35.

11. Di kgonega byang tsa gore motho ka wwoši a lepolle batho ka moka?

¹¹ Nakwela motho wa mathomo, Adamo, a sa theetsele Jehova, o yye a lahla lephelo la go bafala ka matla la gore batho ke mo ba nyoko le jabolela. Nje ne di ka kgonega tsa gore motho ye mongwana a tlose likgu ga bana ba Adamo ka mokana ga bona? Eya. (Bala Maroma 5:19.) Jeso, wa gore a sanka a sinya, o kgwele batho gore a ba lepolle ka taba la gore lephelo lage ke mo le yenele kela le felegelele gabutši. (1 Makorente 15:45) Lephelo lage la go yenela le ko thogo berekisiwa go tlosa likgu ga bana ba Adamo ka mokana ga bona.—1 Makorente 15:21, 22.

12. Ke ntaba Jeso a yye a fo di yemela le mo a hlopegisiwa go baba?

¹² Baebele ya hlatolla gore Jeso o yye a hlopegisiwa ka matla mo a soko kgwa. Ba mo teyye go baba, ba mo kokotela phateng, ba boya ba maka gore a kgwe ka gonyana ka gonyana a kene a kwa go sasamela ga go sa hlayisege. (Johane 19:1, 16-18, 30) Ke ntaba Jeso a yye a fo di yemela le mo di na di baba ka mokgo? Ka taba la gore Sathane o yitseri a go na motho wa gore a ka dula a tshepegela Modimo mo a šele a kwa di mmuyela. Jeso o šupetsiye gabutši gore le mo motho di ka mmuyela go segela kaye, a ka di kgona go dula a tshepega ga Modimo. Nje a o bone nkare Jehova o yye a kwa tso Jeso a di makiyeng di mo jabodisa?—Diyema 27:11; lebelela Setwaba sa 15.

13. Patela yowa ya go re lepolla yi patediwwe byang?

¹³ Patela yowa ya go re lepolla yi patediwwe byang? Jeso o yye a neya Papage patela ya go lekana le lephelo lage ka mokana ga lona. Ka mongwaga wa bo-33, ka kgwedi ya Nisani 14 ga khalenda ya Sejuda, Jehova o yye a lesetsa Jeso a bolaya ke manaba yage. (Maheberu 10:10) Ka nthago ga matšatši ka mararo, Jehova o yye a mo tsosa ga Jeso, mara aa mo tsosa go le motho wa nama le madi, o mo tsusiye go le motho wa moya gore a thogo phela legedimong. Mo Jeso a boyela ku legedimong ga Papage, o segele a šupetsa Jehova gore o patele ka lephelo lage la go felegelela gore a thogo lepolla batho. (Maheberu 9:24) Ka  taba la gore go ntshiwwe patela yone, ne di ka kgonega tsa gore re tšwe ga bolwele byowa bya go fo dulela go sinya le bya likgu.—Bala Maroma 3:23, 24.

14, 15. Di nyaka re make ying gore re tshwarediwe ga tso re di sinnyeng?

¹⁴ Re šele re na re thomme go thušega ka selo sowa se segolo sa gore Modimo o re neyye sona. Tla re boneneng gore re thušega byang gana byalo le gore re nyoko thušega byang ku mahlong.

¹⁵ Re tshwarediwa ga tso re di sinnyeng. A di lola gore motho a dule a maka tsa gabutši. Re fela re phikega fote re fela re bolabola tsa go sa yi ka tsela kela re maka dilo tsa go tšwa pateng. (Makolosi 1:13, 14) Re ka maka byang gore re tshwarediwe? Mo nkare go gongwana re kekemisiye, di nyaka re tisole tsa mannete ke mokane re tinyanafatse, re kgopele Jehova gore a re tshwarele. Sosone se nyoko maka gore re tshepe gore Modimo o re tshwarele ga tso re sinnyeng.—1 Johane 1:8, 9.

16. Re ka maka byang gore re be le lekwalo la go yela?

¹⁶ Re ba le lekwalo la go yela. Mo lekwalo lago le go teya le go botsa gore go na le tso o sa di makeng gabutši, o kwa go baba, wa kwa o kgongwela kela wa kwa nkare le mo o ka maka ying, go fo tshwana. Mara a di nyake re šepisa. Mo ga Jehova re mo kgopela di re baba gore a re tshwarele, o nyoko re theetsela ke mokane a re tshwarela. (Maheberu 9:13, 14) Jehova o nyaka re mmotsa se sengwana le se sengwana so se re hlupang le tso di re šitang. (Maheberu 4:14-16) Maphomela ya gona ke gore senghana sa rune le Modimo se nyoko ba gabutši ka matla.

17. Ke dilo difeng tsa gore re ka tla ra rufiwa ka tsona ka taba la gore Jeso o yye a re kgwela?

¹⁷ Re tshepa gore re nyoko kraya lephelo la go ya go yye. “Mo re sinya, patela ya gona ke likgu, mara Modimo o re neya lephelo la go ya go yye ka Morena wa rune Kreste Jeso.” (Maroma 6:23) Jeso o yye a re kgwela, sosone se nyoko maka gore re  kraye lephelo la go ya go yye la gore le yenele gabutši. (Kutullo 21:3, 4) Mara re ka maka byang gore re tle re rufiwe ka mokgonone?

18. Re tšiba ka ying gore Jehova o re nyaka ka matla?

¹⁸ Akere wa jabola mo motho a go neya selo sa go bafala. Taba yowa ya gore Jehova o re tlemolliye kela go re lepolla yi gabutši ka matla, byalo di nyaka re mo leboge gore o re makele selo sone. Ga Johane 3:16 re kwa gore “Modimo o yye a kwa a le nyaka ka matla lefase, a šinya a neyela ka Morwayi wage wa gore o makiwwe a ntoši.” Ke nnete gore Jehova o re nyaka ka matla fote o re neyye le Morwayi wage wa gabutši ka matla, Jeso. Re ya di tšiba tsa gore Jeso le yene o re nyaka ka matla, o yye a re kgwela ka go di nyaka. (Johane 15:13) Mo o lebelela taba yowa ya go lepolliwa, di nyaka o nape o di tshepa tsa gore Jehova le Jeso ba go nyaka ka matla.—Magalata 2:20.

19, 20. (a) O ka maka byang gore o be monghana wa Jehova? (b) O ka šupetsa ka ying gore o yamogela patela yo Jeso a go lepolliyeng ka yona?

¹⁹ Gana byalo o šele o tšhutiye gore Modimo o re nyaka ka matla, byalo o ka maka byang gore o be monghanage? A di lola tsa gore o kwane le motho mara o sa mo tšibi. Johane 17:3 yi re di ka kgonega tsa gore re mo tšibe ga Jehova. Mo o kene o maka tsotsone, o ko di kweng le wene gore o thomisa go mo nyaka ka matla, o nyoko kwa di go tšhofa gore o leketse go mo jabodisa, wa feleletsa o le monghanage. Byalo, ariye mahlong o kene o berekisa Baebele gore o tšhute ka Jehova.—1 Johane 5:3.

²⁰ Yamogela patela yo Jeso a go lepolliyeng ka yona. Baebele yi re “ye a šupetsang gore o na le tumelo ga Morwayi, o nyoko kraya lephelo la go ya go yye.” (Johane 3:36) Motho o maka byang go šupetsa gore o na le tumelo? Di nyaka a make tso Jeso a re tšhutisiyeng gore re di make. (Johane 13:15) Re ka sa fo hlaya ka molomo gore re dumela ga Jeso. Mo re nyaka di šupetsa  gore patela yowa ya go lepolliwa re ya yi yamogela, di nyaka re make selo se sengwana ka tumelo ya rune. Ga Jakobo 2:26, re bala gore: “Tumelo mo yi hloka mebereko, yi kgwile.”

21, 22. (a) Ke ntaba di nyaka mongwaga wo mongwana le wo mongwana re ye Segopotsong sa likgu la Kreste? (b) Re nyoko bolabola ka ying ga Tema 6 le Tema 7?

²¹ O sa šale mo go yiwa Segopotsong sa likgu la Kreste. Ka malobana ya mo Jeso a šele a le thina le go bolayiwa, o yye a tšhutisa gore di nyaka re gopole likgu lage. Re maka tsotsone mongwaga wo mongwana le wo mongwana, fote re re selo sowa ke Segopotso kela “Selalelo sa Morena.” (1 Makorente 11:20; Matewu 26:26-28) Jeso aa nyake re di lebala tsa gore o neyele ka lephelo lage la go felegelela gore a re lepolle. O yitseri: “Le duleneng le maka tsotso gore le n’gopole.” (Bala Luka 22:19.) Mo o tla Segopotsong, o šupetsa gore o yi tseyela gedimo taba yowa ya go lepolliwa le ya gore Jehova le Jeso ba šupetsiye gore ba re nyaka ka matla.—Lebelela Setwaba sa 16.

²² Taba yowa ya go lepolliwa ke ye kgolo ka matla. (2 Makorente 9:14, 15) Yi nyoko bereka le ga batho ba go teya ka ku ga dimiliyoni ba gore gana byalo ba hlokofele. Go nyoko bolabodiwa ga Tema 6 le ga Tema 7 gore tsotsone di nyoko makega byang.