KAPITLU SEBGĦA
Se jkun hemm irxoxt!
1-3. Taʼ xiex aħna priġunieri, u Ġeħova kif se jeħlisna?
IMMAĠINA li ġejt mibgħut il-ħabs għal għomrok għal xi ħaġa li m’għamiltx. M’għandek l-ebda ċans li se tiġi meħlus. Il-futur tiegħek jistaʼ jidher li hu bla tama, u ma tistaʼ tagħmel xejn dwaru. Imma eżatt kif tkun qtajt qalbek għalkollox, int issir taf li xi ħadd għandu l-qawwa biex jeħilsek u li hu wiegħed li se jgħinek! Kif kont tħossok?
2 Aħna lkoll priġunieri tal-mewt. Nagħmlu x’nagħmlu ma nistgħux naħarbuha. Imma Ġeħova għandu l-qawwa biex jeħlisna mill-mewt. Hu wiegħed li “l-aħħar għadu, il-mewt se tinġieb fix-xejn.”—1 Korintin 15:26.
3 Immaġina s-serħan li se tħoss meta ma jkollokx għalfejn tinkwieta dwar il-mewt! Imma Ġeħova mhux talli se jneħħi l-mewt imma talli se jerġaʼ jagħti l-ħajja lil dawk li mietu. Aħseb ftit dwar x’se jfisser dan għalik. Hu jwiegħed li dawk “bla qawwa fil-mewt” se jerġgħu jgħixu. (Isaija 26:19) Fil-Bibbja dan jissejjaħ l-irxoxt.
META JMUT XI ĦADD LI TĦOBB
4. (a) X’jistaʼ jfarraġna meta jmutilna xi membru tal-familja jew xi ħabib? (b) Min kienu wħud mill-ħbieb tal-qalb taʼ Ġesù?
4 Meta jmut xi membru tal-familja jew ħabib 2 Korintin 1:3, 4.) Ejja naraw eżempju wieħed li juri kemm Ġeħova u Ġesù jridu jġibu lill-għeżież tagħna lura għal ħajja. Meta Ġesù kien fuq l-art, hu spiss kien iżur lil Lazzru u lil ħutu, Marta u Marija. It-tlieta li huma kienu ħbieb tal-qalb taʼ Ġesù. Il-Bibbja tgħid: “Ġesù kien iħobbhom lil Marta u lil oħtha u lil Lazzru.” Imbagħad ġurnata minnhom Lazzru miet.—Ġwanni 11:3-5.
tal-qalb, forsi ma nkunux nifilħu għall-uġigħ u n-niket li nesperjenzaw. Inħossuna bla ħila għax ma nkunu nistgħu nagħmlu xejn biex inġibu lil dik il-persuna lura. Imma l-Bibbja tagħtina faraġ taʼ veru. (Aqra t-5, 6. (a) Ġesù x’għamel meta ra l-familja u l-ħbieb taʼ Lazzru mnikktin? (b) Għala hu taʼ faraġ li nkunu nafu kif ħassu Ġesù dwar il-mewt?
5 Ġesù mar biex ifarraġ lil Marta u Marija. Meta Marta saret taf li Ġesù kien sejjer ħdejhom, hi ħarġet barra l-belt biex tiltaqaʼ miegħu. Ħadet pjaċir meta rat lil Ġesù, imma qaltlu: “Mulej, kieku kont hawnhekk ħija ma kienx imut.” Marta ħasbet li Ġesù kien wasal tard wisq. Wara dan, Ġesù ra lil oħtha, Marija, tibki. Meta ra n-niket tagħhom, hu ħassu mweġġaʼ u qabiżlu d-dmugħ. (Ġwanni 11:21, 33, 35) Hu ħass l-uġigħ kbir li ngħaddu minnu meta nitilfu lil xi ħadd li nħobbu.
6 Kemm ifarraġna l-fatt li nafu li Ġesù jħossu bħalna dwar il-mewt! U Ġesù hu eżatt bħal Missieru. (Ġwanni 14:9) Ġeħova għandu l-qawwa biex ineħħi l-mewt għal dejjem, u dalwaqt se jagħmel hekk.
“LAZZRU, OĦROĠ!”
7, 8. Marta għala ma ridithomx ineħħu l-ġebla minn quddiem il-qabar taʼ Lazzru, imma Ġesù x’għamel?
7 Meta Ġesù wasal ħdejn il-qabar fejn kien tpoġġa l-ġisem taʼ Lazzru, quddiem id-daħla kien hemm ġebla kbira. Ġesù qal: “Neħħu l-ġebla.” Imma Marta ma ridithomx ineħħuha għax il-ġisem taʼ Lazzru kien diġà ilu erbat ijiem fil-qabar. (Ġwanni 11:39) Ma kinitx taf x’kien se jagħmel Ġesù biex jgħin lil ħuha.
8 Ġesù qal lil Lazzru: “Oħroġ!” Dak li ġara wara għaġġibhom lil Marta u Marija. “Dak li qabel kien mejjet ħareġ b’saqajh u b’idejh infaxxati.” (Ġwanni 11:43, 44) Lazzru kien ġie rxoxtat u setaʼ jerġaʼ jingħaqad maʼ ħbiebu u familtu. Huma setgħu jħaddnuh magħhom, imissuh, u jkellmuh. X’miraklu! Ġesù kien qajjem lil Lazzru mill-mewt.
“TFAJLA, NGĦIDLEK, QUM!”
9, 10. (a) Min ta l-qawwa lil Ġesù biex jirxoxta lin-nies? (b) Ir-rakkonti tal-irxoxt għala huma prezzjużi għalina?
9 Kien Ġesù jirxoxta lin-nies bil-qawwa tiegħu stess? Le. Qabel ma rxoxta lil Lazzru, Ġesù talab lil Ġeħova, u Ġeħova tah il-qawwa biex jirxoxtah. (Aqra Ġwanni 11:41, 42.) Lazzru ma kienx l-uniku wieħed li ġie mqajjem mill-mewt. Il-Bibbja tgħidilna dwar tfajla taʼ 12-il sena li kienet marida ferm. Missierha, Ġajru, ma kienx jaf x’se jaqbad jagħmel u talab lil Ġesù bil-ħniena biex ifejjaqha. Ma kellux tfal ħliefha. Waqt li kien qed ikellem lil Ġesù, ġew xi rġiel u qalu: “Bintek mietet! Għala tibqaʼ tħabbat lill-għalliem?” Imma Ġesù qal lil Ġajru: “Tibżax, biss uri l-fidi, u hi tiġi salvata.” Imbagħad flimkien irħewlha lejn id-dar taʼ Ġajru. Hekk kif resqu viċin id-dar, Ġesù setaʼ jara u jismaʼ lin-nies jibku. Ġesù qalilhom: “Tibqgħux tibku, għax mhix mejta imma rieqda.” Missierha u ommha żgur li bdew jitħassbu dwar x’ried ifisser Ġesù. Ġesù talab lil kulħadd biex joħroġ mid-dar u ħa lil missierha u lil ommha fil-kamra fejn kienet mimduda ċ-ċkejkna binthom. Ġesù bil-ġentilezza qabdilha idha u qalilha: “Tfajla, ngħidlek, Qum!” Immaġina l-ferħ li ħassew il-ġenituri tagħha meta hi minnufih qamet u bdiet timxi! Ġesù kien irxoxta lil binthom. (Marku 5:22-24, 35-42; Luqa 8:49-56) Minn dakinhar ’il quddiem, meta kienu jaraw lil binthom, huma kienu se jiftakru dak li Ġeħova kien għamel għalihom permezz taʼ Ġesù. *
10 Dawk li Ġesù qajjimhom mill-mewt maż-żmien reġgħu mietu. Imma dak li naqraw dwar dawn in-nies hu prezzjuż għax jagħtina tama reali. Ġeħova jrid jirxoxta lin-nies, u hekk se jagħmel.
DAK LI NITGĦALLMU MIR-RAKKONTI TAL-IRXOXT
11. Ekkleżjasti 9:5 x’jgħallimna dwar Lazzru?
11 Il-Bibbja tgħid ċar u tond li “l-mejtin ma jafu assolutament xejn.” Dan kien minnu fil-każ taʼ Lazzru. (Ekkleżjasti 9:5) Bħalma qal Ġesù, kien bħallikieku Lazzru kien rieqed. (Ġwanni 11:11) Waqt li kien fil-qabar, Lazzru ma kien jaf “assolutament xejn.”
12. Kif nafu li Lazzru verament ġie rxoxtat?
Ġwanni 11:47) Ukoll, ħafna nies marru jżuru lil Lazzru, u minħabba f’hekk, huma bdew jemmnu li Ġesù kien intbagħat minn Alla. L-għedewwa taʼ Ġesù xejn ma ħadu pjaċir b’dan, allura fasslu pjan biex joqtlu kemm lil Ġesù kif ukoll lil Lazzru.—Ġwanni 11:53; 12:9-11.
12 Ħafna nies raw lil Ġesù jirxoxta lil Lazzru. Anki l-għedewwa taʼ Ġesù kienu jafu li kien wettaq dan il-miraklu. Lazzru kien ħaj, u dan ta prova li l-irxoxt verament kien seħħ. (13. Għala nistgħu nkunu ċerti li Ġeħova se jirxoxta lill-mejtin?
13 Ġesù qal li “dawk kollha li qegħdin fl-oqbra tat-tifkira” se jiġu rxoxtati. (Ġwanni 5:28) Dan ifisser li dawk kollha li huma fil-memorja taʼ Ġeħova se jerġgħu jingħataw il-ħajja. Imma biex Ġeħova jirxoxta lil xi ħadd, irid jiftakar kull dettall dwar dik il-persuna. Jistaʼ verament jagħmel dan? Kif nafu, hemm biljuni taʼ stilel fl-univers, iżda l-Bibbja tgħid li Ġeħova jaf l-isem taʼ kull stilla. (Aqra Isaija 40:26.) Jekk jistaʼ jiftakar l-isem taʼ kull stilla, mela żgur li jistaʼ jiftakar faċilment kull dettall dwar dawk li se jirxoxta. Iktar importanti minn hekk, Ġeħova ħalaq kollox, allura nafu li hu għandu l-qawwa biex iqajjem lin-nies mill-mewt.
14, 15. Il-kliem taʼ Ġob x’jgħallimna dwar l-irxoxt?
14 Ir-raġel leali Ġob kien jemmen fl-irxoxt. Hu staqsa: “Jekk raġel b’saħħtu jmut jistaʼ jerġaʼ jgħix?” Imbagħad qal lil Ġeħova: “Int issejjaħli, u jien inwieġbek. Għal xogħol idejk int tixxennaq.” Iva, Ġob kien jaf li Ġeħova qed iħares ’il quddiem għal dak iż-żmien Ġob 14:13-15.
meta se jirxoxta lil dawk li mietu.—15 Int kif tħossok dwar it-tama tal-irxoxt? Forsi bejnek u bejn ruħek taħseb, ‘Xi ngħidu għall-membri tal-familja tiegħi u sħabi li mietu, se jiġu huma rxoxtati?’ Ifarraġna l-fatt li nafu li Ġeħova verament irid iqajjem lil dawk li mietu. Ejja naraw x’tgħid il-Bibbja dwar fejn se jgħixu dawn l-uħud u dwar min se jiġi rxoxtat.
SE “JISIMGĦU LEĦNU U JOĦORĠU”
16. Dawk li jiġu rxoxtati x’tip taʼ ħajja se jgawdu fuq l-art?
16 Fil-passat, dawk li ġew irxoxtati reġgħu ngħaqdu mal-familja u l-ħbieb tagħhom hawnhekk fuq l-art. Dan se jkun l-istess fil-futur, imma se jkun ħafna aħjar. Għala? Għaliex dawk li jerġgħu jingħataw il-ħajja hawnhekk fuq l-art se jkollhom l-opportunità li jgħixu għal dejjem u ma jmutu qatt. U dawn se jgħixu f’dinja differenti ferm minn dik li ngħixu fiha llum. Mhux se jkun hawn gwerer, kriminalità, u mard.
17. Min se jiġi rxoxtat?
17 Min se jiġi rxoxtat? Ġesù qal li “dawk kollha li qegħdin fl-oqbra tat-tifkira jisimgħu leħnu u joħorġu.” (Ġwanni 5:28, 29) U Rivelazzjoni 20:13 jgħidilna: “Il-baħar radd il-mejtin li kienu fih, u l-mewt u l-Qabar raddew il-mejtin li kienu fihom.” Iva, biljuni taʼ nies se jerġgħu jgħixu. L-appostlu Pawlu qal ukoll li ‘kemm in-nies sewwa u kemm dawk li m’humiex sewwa’ se jiġu rxoxtati. (Aqra Atti 24:15.) Dan xi jfisser?
18. Min huma “n-nies sewwa” li se jiġu rxoxtati?
Ebrej kapitlu 11. Xi ngħidu għall-qaddejja leali taʼ Ġeħova li jmutu fi żmienna? Dawn ukoll huma “nies sewwa,” allura anki huma se jiġu rxoxtati.
18 “In-nies sewwa” jinkludu qaddejja leali taʼ Ġeħova li għexu qabel ma Ġesù ġie fuq l-art. Nies bħal Noè, Abraham, Sara, Mosè, Rut, u Ester se jiġu rxoxtati hawnhekk fuq l-art. Int tistaʼ taqra dwar uħud minn dawn l-irġiel u n-nisa f’19. (a) Min huma “dawk li m’humiex sewwa”? (b) Ġeħova x’opportunità se jagħtihom lil dawn l-uħud?
19 “Dawk li m’humiex sewwa” jinkludu biljuni taʼ nies li ma kellhomx l-opportunità li jsiru jafu lil Ġeħova. Għalkemm mietu, Ġeħova ma nsihomx. Hu se jirxoxtahom, u se jkollhom l-opportunità li jitgħallmu dwaru u jaqduh.
20. Għala mhux kulħadd se jiġi rxoxtat?
20 Ifisser dan li kull min miet se jiġi rxoxtat? Le. Ġesù qal li xi wħud mhumiex se jerġgħu jingħataw il-ħajja. (Luqa 12:5) Min se jiddeċiedi jekk individwu hux se jiġi rxoxtat jew le? Ġeħova hu l-Imħallef finali, imma hu ta wkoll lil Ġesù l-awtorità “biex ikun imħallef tal-ħajjin u tal-mejtin.” (Atti 10:42) Kull min jiġi ġudikat bħala li hu mill-agħar u li ma jridx jinbidel mhux se jiġi rxoxtat.—Ara n-Nota fl-aħħar numru 19.
L-IRXOXT TAʼ DAWK LI SE JMORRU FIS-SEMA
21, 22. (a) Dawk li se jgħixu fis-sema kif se jiġu rxoxtati? (b) Min kien l-ewwel wieħed li ġie rxoxtat bħala spirtu?
21 Il-Bibbja tgħidilna wkoll li xi wħud se jgħixu fis-sema. Meta jiġi rxoxtat xi ħadd minn dawn, hu ma jiġix imqajjem mill-mewt bħala bniedem b’ġisem uman. Hu jiġi rxoxtat bħala spirtu u jgħix fis-sema.
22 Ġesù kien l-ewwel wieħed li ġie mqajjem b’dan il-mod. (Ġwanni 3:13) Tlett ijiem wara li Ġesù ġie maqtul, Ġeħova rxoxtah. (Salm 16:10; Atti 13:34, 35) Ġesù ma ġiex irxoxtat b’ġisem uman. L-appostlu Pietru jispjega li Ġesù “ngħata l-mewt fil-laħam [jiġifieri, bħala bniedem], imma ngħata l-ħajja fl-ispirtu.” (1 Pietru 3:18) Ġesù reġaʼ rċieva l-ħajja bħala spirtu setgħan! (1 Korintin 15:3-6) Imma l-Bibbja tgħid li hu ma kienx se jkun l-uniku wieħed.
23, 24. Min huma dawk li jifformaw il-“merħla żgħira” li semma Ġesù, u kemm se jkunu b’kollox?
23 Ftit qabel ma miet, Ġesù qal lid-dixxipli leali tiegħu: “Sejjer inħejji post għalikom.” (Ġwanni 14:2) Dan ifisser li wħud mis-segwaċi tiegħu kienu se jiġu rxoxtati biex jgħixu miegħu fis-sema. Dawn kemm kellhom ikunu? Ġesù qal li kienu se jkunu ftit, “merħla żgħira.” (Luqa 12:32) L-appostlu Ġwanni ta n-numru preċiż meta ra lil Ġesù “wieqaf fuq il-Muntanja Sijon [tas-sema], u miegħu kien hemm mija u erbgħa u erbgħin elf.”—Rivelazzjoni 14:1.
24 Il-144,000 Kristjan meta kellhom jiġu rxoxtati? Il-Bibbja tgħidilna li dan kellu jsir wara li Kristu jibda jsaltan fis-sema. (1 Korintin 15:23) Aħna qed ngħixu f’dak iż-żmien issa stess, u l-biċċa l-kbira mill-144,000 diġà ġew irxoxtati u qegħdin fis-sema. Dawk li għadhom fuq l-art u li jmutu fi żmienna se jiġu rxoxtati mill-ewwel għal ħajja fis-sema. Madankollu, il-maġġuranza tan-nies se jiġu rxoxtati fil-futur u se jgawdu l-ħajja hawnhekk fuq art magħmula Ġenna.
25. Dwar xiex se nitgħallmu fil-kapitlu li jmiss?
25 Ġeħova dalwaqt se jeħles lill-bnedmin kollha mill-mewt, u l-mewt se tispiċċa darba għal dejjem! (Aqra Isaija 25:8.) Imma dawk li jmorru fis-sema x’se jagħmlu hemmhekk? Il-Bibbja tispjega li se jsaltnu maʼ Ġesù fis-Saltna t’Alla. Se nitgħallmu iktar dwar din is-Saltna, jew gvern, fil-kapitlu li jmiss.
^ par. 9 F’rakkonti oħra, il-Bibbja tgħidilna dwar l-irxoxt taʼ wħud kbar u żgħar, irġiel u nisa, u Iżraelin u barranin. Tistaʼ taqra dwar dawn fl-1 Slaten 17:17-24; 2 Slaten 4:32-37; 13:20, 21; Mattew 28:5-7; Luqa 7:11-17; 8:40-56; Atti 9:36-42; 20:7-12.