KAPITE VALU
Kotea Te Puleʼaga ʼo Te ʼAtua?
1. Ko te faikole iloa fea ʼae ka tou vakaʼi anai?
KO TE toko lauʼi miliona hahaʼi ʼe natou iloʼi te faikole iloa ʼae ko Tamatou Tamai ʼe ʼi selo. Neʼe fakaʼaogaʼi e Sesu te faikole ʼaia moʼo akoʼi ki ʼana tisipulo pe ʼe feafeaʼi hanatou faikole. Kaʼe kotea ʼae ʼe talanoa ki ai Sesu ʼi te faikole ʼaia? Pea he koʼe ʼe maʼuhiga te faikole ʼaia kia tatou?
2. Kotea te ʼu faʼahi ʼe tolu neʼe akoʼi mai e Sesu ke tou kole?
2 Neʼe ui fenei e Sesu: “Koia, ʼe tonu ke kotou faikole fenei: ‘Ko tamatou Tamai ʼae ʼe ʼi selo, ke tapuha [peʼe fakamaʼoniʼoni] tou huafa. Ke hoko mai tou Puleʼaga. Ke fai tou finegalo ʼi te kele ohage ko selo.’ ” (Lau ia Mateo 6:9-13.) He koʼe neʼe akoʼi mai e Sesu ke tou kole te ʼu faʼahi ʼaia ʼe tolu?—Vakaʼi te Fakamahino 20.
3. Kotea ʼae ʼe tonu ke tou iloʼi ʼo ʼuhiga mo te Puleʼaga ʼo te ʼAtua?
3 Neʼe tou ako ko te huafa ʼo te ʼAtua ʼe ko Sehova. Pea neʼe tou toe vakaʼi pe kotea te fakatuʼutuʼu ʼa te ʼAtua ʼo ʼuhiga mo te tagata pea mo te kele. Kaʼe, kotea te fakaʼuhiga ʼo te ʼu palalau ʼaeni neʼe ui e Sesu: “Ke hoko mai tou puleʼaga”? ʼI te kapite ʼaeni, ʼe tou vakaʼi ai anai te ʼu aluʼaga ʼaeni ʼe tolu: ʼUluaki, kotea te Puleʼaga ʼo te ʼAtua. Lua, kotea ʼae ka fai anai e te Puleʼaga ʼaia. Pea tolu, ʼe fakatapuha feafeaʼi anai e te Puleʼaga ʼaia ia te huafa ʼo te ʼAtua.
KOTEA TE PULEʼAGA ʼO TE ʼATUA?
4. Kotea ia te Puleʼaga ʼo te ʼAtua? Pea ko ai te Hau ʼo te Puleʼaga ʼaia?
4 Neʼe fakatuʼu e Sehova ia he puleʼaga ʼi selo. ʼE fakahigoaʼi ʼi te Tohi-Tapu te puleʼaga ʼaia ko te Puleʼaga ʼo te 1 Timoteo 6:15) ʼE ina maʼu te malohi ʼae moʼo fai he ʼu gaue ʼe lahi age ʼi te ʼu gaue ʼe lava fai e te ʼu tagata faipolitike fuli. Pea ʼe malohi ʼaupito age ia ʼi te kau takitaki politike fuli ʼo te kele.
ʼAtua. Pea neʼe filifili e Sehova ke Hau ia Sesu ʼi te Puleʼaga ʼaia. Ko Sesu ʼe ko “te Hau ʼo te ʼu hau pea mo te ʼAliki ʼo te ʼu ʼaliki.” (5. ʼE tuʼu ʼifea te puleʼaga ʼo te ʼAtua? Pea kotea ʼae ka puleʼi anai e te Puleʼaga ʼo te ʼAtua?
5 Hili ʼaho ʼe fagofulu ki tona fakatuʼuake, neʼe toe liliu ia Sesu ki selo. Ki muli age, neʼe fakanofo ia ia e Sehova ko te Hau ʼo te Puleʼaga ʼo te ʼAtua. (Gaue 2:33) Mai te lagi, ʼe puleʼi anai e te Puleʼaga ʼo te ʼAtua te kele. (Fakaha 11:15) Ko te tupuʼaga la ʼaia ʼo te ui ʼi te Tohi-Tapu ko te Puleʼaga ʼo te ʼAtua ʼe ko he “Puleʼaga . . . ʼi selo.”—2 Timoteo 4:18.
6, 7. He koʼe ʼe maʼoluga age ia Sesu ʼi te ʼu hau ʼo te kele?
6 ʼE ui ʼi te Tohi-Tapu ko Sesu ʼe maʼoluga age ʼi te ʼu hau ʼo te kele. Kotea tona tupuʼaga? Koteʼuhi ʼe ko ia “tokotahi ʼae ʼe ina maʼu te maʼuli tuputupua.” (1 Timoteo 6:16) ʼEi, ko te kau takitaki politike fuli ʼe natou mamate anai ʼi he ʼaho, kaʼe ʼe mole mate anai ia Sesu. Koia, ko te ʼu meʼa fuli ka ina fai maʼa tatou ʼe tologa anai ʼo heʼe gata.
7 ʼE ui ʼi te lea fakapolofeta ʼo te Tohi-Tapu ko Sesu ʼe ko te Hau faitotonu anai pea mo fonu ʼi te ʼofa. ʼE ui fenei: “ ʼE nofo anai te laumalie ʼo Sehova ia te ia, te laumalie ʼo te poto pea mo te ʼatamai, te laumalie ʼo te tokoni pea mo te malohi, te laumalie ʼo te malama pea mo te manavasiʼi kia Sehova; pea ʼe fiafia anai ʼi te manavasiʼi kia Sehova. Pea ʼe mole ina fakamauʼi anai ʼaki te meʼa ʼae neʼe ha ki ʼona mata, pea ʼe mole ina fai anai tana fakatonutonu ʼaki pe te meʼa ʼae neʼe fagono ki ai ʼona taliga. Pea ʼe ina fakamauʼi moʼoni anai ia natou liliki [peʼe masisiva] Isaia 11:2-4, MN) ʼE mole koa la ke fia fai ki he hau feia?
ʼaki te faitotonu.” (8. ʼE tou iloʼi feafeaʼi ʼe mole hau tokotahi anai ia Sesu?
8 Neʼe filifili e te ʼAtua ʼihi tagata ke natou hau fakatahi mo Sesu ʼi selo. Ohage la, neʼe ui fenei e te apositolo ko Paulo kia Timoteo: “Kapau ʼe tou haga kataki, pea ʼe tou kaugā hau anai mo ia.” (2 Timoteo 2:12) Ko te toko fia ʼae ka hau fakatahi anai mo Sesu?
9. Ko te toko fia ʼae ka hau fakatahi anai mo Sesu? Pea neʼe kamata ʼanafea te filifili e te ʼAtua ia natou ʼaia?
9 ʼI te Kapite 7, ʼo te tohi ʼaeni, neʼe tou talanoa ai ki he meʼa neʼe ha ki te apositolo ko Soane. Neʼe sio ki te Hau ko Sesu pea mo te toko 144 000 ʼi selo. Ko ai te toko 144 000 ʼaia? ʼE fakamahino e Soane “neʼe tohi ʼi ʼonatou laʼe [te] huafa [ʼo Sesu] pea mo te huafa ʼo tana Tamai.” Pea ʼe ina toe ui fenei: “Ko natou ʼaia ʼe natou mulimuli ʼi te Akeno [ʼae ko Sesu] ʼi te ʼu potu fuli ʼae ʼe alu ki ai. Ko natou ʼaia neʼe totogi mai te malamanei.” (Lau ia Fakaha 14:1, 4.) ʼEi, ko te toko 144 000 ʼe ko he kau Kilisitiano agatonu neʼe filifili e te ʼAtua “ke natou hau ki te kele” fakatahi mo Sesu. Ka natou mamate, ʼe fakatuʼuake anai natou ki selo. (Fakaha 5:10) Talu mai te temi ʼo te kau apositolo, neʼe filifili ai e Sehova te kau Kilisitiano agatonu ke natou kau ki te toko 144 000.
10. He koʼe ʼe ko he fakatuʼutuʼu ʼofa ʼae neʼe fai e Sehova ke kaugā hau te toko 144 000 mo Sesu?
10 ʼE ʼofa mamahi ia Sehova ia tatou he neʼe ina fakatuʼutuʼu ke ʼi ai niʼihi ʼe kaugā hau mo Sesu. Ko Sesu ʼe ko he takitaki agalelei koteʼuhi ʼe lotomahino kia tatou. ʼE ina iloʼi te ʼuhiga ʼo te tagata pea mo te maʼuli mamahi. Neʼe ui e Paulo ʼe ʼofa mamahi ia Sesu ia tatou. ʼE feala ke “lotomahino ki ʼotatou vaivaiʼaga” pea neʼe “ ʼahiʼahiʼi ʼi te ʼu faʼahi fuli pe, ohage ko tatou.” (Hepeleo 4:15; 5:8) ʼE toe iloʼi e te toko 144 000 ia te ʼuhiga ʼo te tagata. He neʼe tauʼi pe la e natou tonatou ʼuhiga agahala pea mo katakiʼi ʼonatou mahaki. Koia, ʼe tou tui papau ʼe lotomahino ia Sesu mo te toko 144 000 ki te ʼu meʼa ʼae ʼe tou logoʼi ʼi ʼotatou loto pea mo ʼotatou fihifihia.
KOTEA KA FAI ANAI E TE PULEʼAGA ʼO TE ʼATUA?
11. He koʼe neʼe akoʼi e Sesu ki ʼana tisipulo ke natou faikole ke fai te finegalo ʼo te ʼAtua ʼi selo?
11 Neʼe akoʼi e Sesu ki ʼana tisipulo ke natou faikole ke fai te finegalo ʼo te ʼAtua ʼi selo. Kotea tona tupuʼaga? Neʼe tou ako ʼi te Kapite 3 ko Satana te Tevolo neʼe agatuʼu kia Sehova. Hili tana agatuʼu ʼaia, neʼe fakagafua e Sehova kia Satana mo ʼana ʼaselo heʼe agatonu peʼe kau temonio, ke natou nonofo ʼi selo ʼi he kiʼi temi. Koia, neʼe mole ko natou fuli ʼae neʼe natou fai te finegalo ʼo te ʼAtua ʼi selo. ʼI te Kapite 10, ʼe lahi ai anai te ʼu faʼahi ka tou ako ʼo ʼuhiga mo Satana mo ʼana temonio.
12. Kotea te ʼu aluʼaga maʼuhiga ʼe lua ʼae neʼe talanoa ki ai ia Fakaha 12:10?
12 ʼE ui ʼi te Tohi-Tapu hili pe te fakanofo Hau ʼo Sesu ʼi te Puleʼaga ʼo te ʼAtua, ʼe ina tauʼi anai ia Satana. (Lau ia Fakaha 12:7-10.) Ia Fakaha 12:10, ʼe talanoa ai ki te ʼu aluʼaga maʼuhiga ʼe lua. ʼUluaki, kua pule te Puleʼaga ʼo te ʼAtua ʼae ʼe takitaki e Sesu Kilisito ʼi tona ʼuhiga Hau. Lua, kua kapu ifo ia Satana mai selo pea neʼe li ifo ki te kele. ʼEi, ʼe kua ʼosi hoko te ʼu aluʼaga ʼaia. Kaʼe ʼe hoki tou talanoa anai ki ai ki ʼamuli.
13. Kotea ʼae neʼe hoko ʼi te temi ʼae neʼe kapu ifo ai ia Satana mai selo?
13 ʼE ui ʼi te Tohi-Tapu, ʼi te temi ʼae neʼe kapu ifo ai ia Satana mo ʼana temonio ki te kele, neʼe fiafia lahi te kau ʼaselo agatonu. ʼE tou lau fenei: “Ke kotou fiafia ia koutou ʼae ʼe nonofo ʼi selo.” (Fakaha 12:12) ʼI te temi nei, kua maʼuli tokalelei mo logo tahi ia natou ʼae ʼi selo koteʼuhi kua natou fai fuli te finegalo ʼo te ʼAtua.
14. ʼI te kapu ifo ʼo Satana mai selo, kotea ʼae kua hoko ʼi te kele?
14 Kaʼe, ʼe kehe leva te maʼuli ʼae ʼi te kele. Kotea tona tupuʼaga? ʼE hoko te ʼu aluʼaga fakamataku ki te hahaʼi “koteʼuhi kua hifo atu . . . te Tevolo” ki te kele pea ʼe “ita lahi, ʼi tana iloʼi ʼae kua nounou tona temi.” (Fakaha 12:12) ʼEi, ʼe ita lahi ia Satana. Neʼe kapu ifo mai selo pea ʼe ina iloʼi ʼe kua vave pulihi pe ia ia. Koia, ʼe ina fai ai ia meʼa fuli ʼe ina lavaʼi ke tau te hahaʼi mo he ʼu fihifihia pea ke natou maʼuli mamahi.
15. Kotea te finegalo ʼo te ʼAtua ʼo ʼuhiga mo te kele?
15 Kaʼe, ʼe heʼeki fetogi te fakatuʼutuʼu ʼa te ʼAtua ʼo ʼuhiga mo te kele. He ʼe kei loto pe ia e te ʼAtua ke maʼuʼuli haohaoa te hahaʼi ʼi te palatiso ʼi te kele ʼo heʼe gata. (Pesalemo 37:29) Kaʼe kotea ʼae ka fai anai e te Puleʼaga ke fakahoko ai te fakatuʼutuʼu ʼa te ʼAtua?
16, 17. Kotea ʼae ʼe ui ia Taniela 2:44 ʼo ʼuhiga mo te Puleʼaga ʼo te ʼAtua?
16 ʼE ui fenei ʼi te lea fakapolofeta ʼa Taniela 2:44: “I te temi o te u hau aia, e fakatupu anai e te Atua o te atu lagi he puleaga ae e mole toe maumaui anai i he aho, pea e mole toe tuku anai ki te pule a he tahi age puleaga; e ina fasifasii anai, pea e ina maumaui anai te u puleaga fuli ake ae, kae e tuu anai ia ia totonu, o heegata.” Kotea ʼae ʼe tou iloʼi ʼaki te lea fakapolofeta ʼaia ʼo ʼuhiga mo te Puleʼaga ʼo te ʼAtua?
17 ʼUluaki, ʼe kamata pule anai te Puleʼaga ʼo te ʼAtua “i te temi o te u hau aia.” Ko tona fakaʼuhiga, ka kamata pule te Puleʼaga ʼo te ʼAtua, ko ʼihi puleʼaga ʼe kei tuʼu pe anai. Lua, ʼe tuʼu anai te Puleʼaga ʼo te ʼAtua ʼo talu ai pea ʼe mole fetogi anai ia e he tahi age puleʼaga. Pea tolu, ʼe tau anai te Puleʼaga ʼo te ʼAtua mo te ʼu puleʼaga ʼo te malama
ʼaeni. Kaʼe ʼe malo anai te Puleʼaga ʼo te ʼAtua, pea ʼe takitaki anai te kele e te puleʼaga pe ʼaia. ʼEi, ʼe maʼu anai e te tagata te puleʼaga ʼae ʼe lelei tokotahi.18. Kotea te higoa ʼo te tau ʼae ʼe fetauʼaki ai te Puleʼaga ʼo te ʼAtua mo te ʼu puleʼaga fakatagata?
18 ʼE tau anai te Puleʼaga ʼo te ʼAtua mo te ʼu puleʼaga fakatagata. Pea ʼe fakahigoaʼi te tau ʼaia ko Alamaketone. Kotea ʼae ka hoko anai ʼi muʼa ʼo te tau ʼaia? ʼE fakahalaʼi anai e te kau temonio ia ‘te ʼu hau ʼo te kele katoa, ke natou fakatahitahi ki te tau ʼo te ʼaho lahi ʼo te ʼAtua te Mafimafi.’ ʼEi, ʼe fetauʼaki anai te ʼu puleʼaga fakatagata mo te Puleʼaga ʼo te ʼAtua.—Fakaha 16:14, 16; vakaʼi te Fakamahino 10.
19, 20. He koʼe ʼe ʼaoga kia tatou te Puleʼaga ʼo te ʼAtua?
19 He koʼe ʼe ʼaoga kia tatou te Puleʼaga ʼo te ʼAtua? ʼE ʼi ai ʼona tupuʼaga ʼe tolu. ʼUluaki, ʼe tou agahala fuli ʼo tupu ai tatatou mahahaki mo mamate. Kaʼe, ʼe ui ʼi te Tohi-Tapu ka takitaki anai e te Puleʼaga ʼo te ʼAtua ia te kele, ʼe tou maʼuʼuli anai ʼo heʼe gata. ʼE ui fenei ia Soane 3:16: “Neʼe ʼofa mamahi te ʼAtua ki te malamanei ʼo ina foaki ai tona ʼAlo ʼulu tokotahi, pea ko ʼae ʼe tui kia te ia ʼe mole mate anai kaʼe ʼe ina maʼu anai te maʼuli heʼe gata.”
20 Lua, ʼe ʼaoga kia tatou te Puleʼaga ʼo te ʼAtua koteʼuhi ʼe tou maʼuʼuli fakatahi nei mo te hahaʼi ʼe agakovi. Tokolahi te hahaʼi ʼe natou gutuloi mo aga fakakaka. Ko ʼihi ʼe natou fai ni aga heʼe ʼaoga. ʼE mole feala ke tou taʼofi tanatou fai te ʼu aga ʼaia ʼe kovi. Kaʼe, ʼe fakaʼauha anai e te ʼAtua ia natou ʼae ʼe mole natou fia fetogi tanatou aga ʼi Alamaketone. (Lau ia Pesalemo 37:10.) Pea tolu leva, ʼe ʼaoga kia tatou te Puleʼaga ʼo te ʼAtua koteʼuhi ko te ʼu puleʼaga fakatagata ʼe natou agakovi peʼe aga fakakaka. ʼE mole natou fakalotomalohiʼi te hahaʼi ke natou fakalogo ki te ʼAtua. ʼE ui ʼi te Tohi-Tapu “ko te tagata ʼe ina puleʼi te tagata ki tona malaʼia.”—Tagata Tanaki 8:9, MN.
21. Kotea ka fai anai e te Puleʼaga ʼo te ʼAtua moʼo fakahoko ia tona finegalo ʼi te kele?
21 Hili ia Alamaketone, ʼe fakahoko anai e te Puleʼaga ʼo te ʼAtua ia tona finegalo ʼi te kele. Ohage la, ʼe ina pulihi anai ia Satana mo ʼana temonio. (Fakaha 20:1-3) Ki muli age, ʼe mole toe mahaki anai he tahi peʼe mate. ʼE maʼuʼuli anai te hahaʼi fuli ʼae ʼe agatonu ki te ʼAtua ʼi te Palatiso ʼo heʼe gata ʼuhi ko te totogi. (Fakaha 22:1-3) Pea ʼe fakatapuha anai e te Puleʼaga ia te huafa ʼo te ʼAtua. Kotea tona fakaʼuhiga? Ko tona fakaʼuhiga, ka takitaki anai e te Puleʼaga ia te kele, ʼe fakaʼapaʼapa anai te hahaʼi fuli ki te huafa ʼo te ʼAtua.—Vakaʼi te Fakamahino 21.
KO ʼANAFEA ʼAE NEʼE FAKANOFO HAU AI IA SESU?
22. ʼE tou iloʼi feafeaʼi neʼe mole fakanofo Hau ia Sesu ʼi tana kei nofo ʼi te kele peʼe ʼi te hili pe ʼo tona fakatuʼuake?
22 Neʼe akoʼi e Sesu ki ʼana tisipulo ke natou faikole fenei: “Ke hoko mai tou Puleʼaga.” Koia, neʼe mole heʼeki tonu ke hoko mai te Puleʼaga ʼo te ʼAtua ʼi te temi ʼaia. ʼUluaki, neʼe tonu ke fakatuʼu muʼa e Sehova tona Puleʼaga pea mo fakanofo ia Sesu ke Hau ʼi te Puleʼaga ʼaia. ʼI te toe liliu ʼa Sesu ki selo, neʼe fakanofo atu aipe koa ke Pesalemo 110:1, ʼe fakaʼuhiga kia Sesu. ʼI te lea fakapolofeta ʼaia, ʼe ui fenei e Sehova kia Sesu: “Heka ʼi toku toʼomataʼu ʼo kaku ki taku tuku ʼou fili ki ʼou lalo vaʼe.” (Gaue 2:32-35; Hepeleo 10:12, 13) Ko temi ʼe fia neʼe tonu ke fakaatalitali ai ia Sesu?
Hau? Kailoa. Neʼe fakaatalitali muʼa. ʼE tou iloʼi feafeaʼi te faʼahi ʼaia? Hili he ʼu kiʼi temi ki te fakatuʼuake ʼo Sesu, neʼe ui e Petelo mo Paulo ko te lea fakapolofeta ʼae ʼe tuʼu iaʼE fakahoko anai e te ʼAtua tona finegalo ʼuhi ko tona Puleʼaga
23. (1) Ko ʼanafea ʼae neʼe fakanofo ai ia Sesu ko te Hau ʼo te Puleʼaga ʼo te ʼAtua? (2) Kotea ʼae ka tou vakaʼi anai ʼi te kapite ka hoa mai?
23 ʼI ni lauʼi taʼu ʼi muʼa ʼo te taʼu 1914, ko he kiʼi kutuga Kilisitiano neʼe natou ako fakamalotoloto te ʼu lea fakapolofeta ʼo te Tohi-Tapu pea neʼe natou mahino ai, ko te taʼu 1914 ʼe ko he taʼu maʼuhiga. Talu mai te taʼu 1914, ko te ʼu aluʼaga ʼae ʼe hoko ʼi te malama ʼaeni ʼe fakamoʼoni ai ki te ʼu faʼahi ʼae neʼe natou ako. Pea ko te taʼu ʼaia neʼe kamata ʼafio ai ia Sesu. (Pesalemo 110:2) ʼE mole faʼa fualoa ki ai, neʼe li ifo ia Satana ki te kele. Pea ia ʼaho nei, ʼe “kua nounou tona temi.” (Fakaha 12:12) ʼI te kapite ka hoa mai, ʼe tou vakaʼi ai te ʼu fakamoʼoni ʼe tou maʼuʼuli nei ʼi te ‘temi nounou’ ʼaia. ʼE tou toe ako ai anai kua vave fakahoko e te ʼAtua tona finegalo ʼi te kele ʼuhi ko tona Puleʼaga.—Vakaʼi te Fakamahino 22.