توعىزىنشى تاراۋ
دۇنيەنىڭ سوڭى جاقىن با؟
1. بولاشاق تۋرالى قايدان بىلۋگە بولادى؟
ٴسىز جاڭالىقتار كورگەن كەزدە «بۇل زامان ٶزى نە بولىپ بارادى؟» دەپ ۋايىمدايتىن شىعارسىز. بۇگىندە قايعىلى جاعدايلار مەن قاتىگەزدىك كوپتەپ ورىن الىپ جاتقاندىقتان، كەيبىرەۋلەر زاماننىڭ اقىرى كەلىپ قالدى دەپ ويلايدى. بۇل راس پا؟ بولاشاقتا نە بولاتىنىن بىلۋگە بولا ما؟ ٴيا، مۇنى بىزگە ەحوبا قۇداي ايتا الادى. ادامداردان ەرەكشەلىگى — ول ادامزاتتى جانە جەر بەتىن قانداي بولاشاق كۇتىپ تۇرعانىن بىلەدى. ول بۇنى كيەلى كىتاپقا جازدىرىپ قويعان (يشايا 46:10؛ جاقىپ 4:14).
2، 3. يسانىڭ شاكىرتتەرى نە تۋرالى بىلگىسى كەلگەن؟ يسا ولارعا نە دەپ جاۋاپ بەردى؟
2 كيەلى كىتاپتا دۇنيەنىڭ سوڭى كەلەتىنى ايتىلعان. ٴبىراق بۇل جەر پلانەتاسىنىڭ ەمەس، زۇلىمدىقتىڭ سوڭى كەلەتىنىن بىلدىرەدى. سول كەزدە يسا ايتقانداي، جەر بەتىنە قۇداي پاتشالىعى بيلىك ەتەدى (لۇقا 4:43). يسانىڭ شاكىرتتەرى وسى پاتشالىقتىڭ قاشان ورنايتىنىن بىلگىسى كەلىپ: «بۇل قاشان بولادى؟ ٴسىزدىڭ وسىندا بولۋىڭىز بەن وسى زاماننىڭ اياقتالىپ قالعانىن قانداي بەلگى بىلدىرمەك؟»— دەپ سۇراعان (ماتاي 24:3). يسا ولارعا دۇنيەنىڭ سوڭى ناقتى قاي كۇنى كەلەتىنىن ايتقان جوق. دەسە دە سونىڭ الدىندا قانداي وقيعالار بولاتىنىن ايتىپ كەتتى. سول وقيعالار ٴدال ٴبىزدىڭ كۇندەرىمىزدە ورىندالىپ جاتىر.
3 وسى تاراۋدا ٴبىز دۇنيەنىڭ سوڭى جاقىنداپ قالعان ۋاقىتتا ٶمىر ٴسۇرىپ جاتقانىمىزعا كوز جەتكىزەتىن بولامىز. بۇل ٷشىن الدىمەن كوكتە بولعان سوعىس جايلى ٴبىلۋىمىز كەرەك. سوندا جەر بەتىندەگى جاعدايدىڭ نە سەبەپتى ناشارلاپ كەتكەنىن تۇسىنەمىز.
كوكتەگى سوعىس
4، 5. ا) يسا پاتشا بولعان سوڭ، كوكتە نە بولدى؟ ٵ) ايان 12:12 گە ساي، شايتاننىڭ قۋىلعانى جەردەگىلەرگە قالاي اسەر ەتپەك ەدى؟
4 8-تاراۋدا ٴبىز يسانىڭ 1914-جىلى كوكتە پاتشا بولعانىن بىلدىك (دانيال 7:13، 14). سول ۋاقىتتا كوكتە نە بولعانى ايان كىتابىندا بىلاي سۋرەتتەلەدى: «كوكتە سوعىس بۇرق ەتە ٴتۇستى: ميكايل [ياعني يسا] مەن پەرىشتەلەرى ايداھارمەن [شايتانمەن] سوعىستى. ايداھار دا ٶز پەرىشتەلەرىمەن بىرگە ولارمەن سوعىستى» *. بۇل شايقاستا شايتان مەن جىن-پەرىلەر جەڭىلىسكە ۇشىراپ، جەرگە لاقتىرىلدى. سوندا كوكتەگى ادال پەرىشتەلەردىڭ قۋانىشىندا شەك بولمادى! شايتاننىڭ قۋىلعانى جەردەگىلەرگە قالاي اسەر ەتتى؟ كيەلى كىتاپتا ولاردىڭ قيىن كەزەڭدى باستان وتكىزەتىنى ايتىلعان. سەبەبى ٸبىلىس «ٶز ۋاقىتىنىڭ از قالعانىن بىلگەندىكتەن قاتتى اشۋلى» (ايان 12:7، 9، 12).
5 ٸبىلىس جەر بەتىن ازاپقا تولتىرۋ ٷشىن بار كۇشىن سالۋدا. قۇداي جاقىندا ونىڭ بارلىق ارەكەتىن توقتاتاتىندىقتان، شايتان ابدەن قاھارىنا مىنگەن. ونىڭ جەر بەتىن بيلەپ-توستەيتىن ۋاقىتى كيەلى كىتاپتا «سوڭعى كۇندەر» دەپ اتالادى. قازىر سوڭعى كۇندەردە ورىن الاتىن جايتتارعا قاتىستى يسانىڭ ايتقاندارىنا توقتالىپ وتەيىك (24-تۇسىندىرمەنى قاراڭىز).
سوڭعى كۇندەر
6، 7. يسانىڭ سوعىس پەن اشارشىلىققا قاتىستى سوزدەرى بۇگىندە قالاي ورىندالىپ جاتىر؟
6 سوعىس. يسا: «ۇلت ۇلتقا قارسى، مەملەكەت مەملەكەتكە قارسى اتتانادى»،— دەگەن (ماتاي ). 1914-جىلدان بەرگى سوعىستاردا بۇرىن-سوڭدى بولماعانداي كوپ ادام قازا تاپتى. الەمدىك وقيعالاردى زەرتتەيتىن ٴبىر ۇيىمنىڭ ەسەبىنە ساي، قازا تاپقانداردىڭ سانى 100 ميلليوننان اسادى. ال 1900—2000 جىلدار ارالىعىنداعى سوعىستاردا قايتىس بولعانداردىڭ سانى 1900-جىلعا دەيىنگى سوعىستاردا قازا بولعانداردىڭ سانىنان ٷش ەسە كوپ. ٴيا، سوعىستىڭ قانشاما ادامعا قاسىرەت اكەلگەنىن سوزبەن ايتىپ جەتكىزۋ مۇمكىن ەمەس. 24:7
7 اشارشىلىق. يسا: «ٴتۇرلى جەرلەردە اشارشىلىق پەن جەر سىلكىنىستەرى بولادى»،— دەپ ايتقان (ماتاي 24:7). بۇگىندە ازىق-تۇلىك مولىنان ٶندىرىلىپ جاتسا دا، كوپ ادام تاماققا جارىماي ٴجۇر. نەگە؟ سەبەبى ولاردىڭ ازىق-تۇلىك ساتىپ الاتىن قاراجاتتارى نە ەگىن ەگەتىن جەرلەرى جوق. جەر تۇرعىندارىنىڭ شامامەن 10 پايىزى تاقىر كەدەيلىكتىڭ زاردابىن تارتۋدا. دۇنيەجۇزىلىك دەنساۋلىق ساقتاۋ ۇيىمىنىڭ مالىمدەۋىنشە، جەيتىن تاماقتارى بولماي، اۋرۋعا شالدىققاندىقتان، جىل سايىن ميلليونداعان بالا ولەدى ەكەن.
8، 9. يسانىڭ جەر سىلكىنىستەرى مەن اۋرۋلار تۋرالى ايتقاندارى قالاي ورىندالىپ جاتىر؟
لۇقا 21:11). ٵر جىلدا جويقىن جەر سىلكىنىستەرى بولادى دەپ كۇتىلەدى. 1900-جىلدان بەرى جەر سىلكىنىسىنىڭ كەسىرىنەن ەكى ميلليوننان اسا ادام قازا بولعان. بۇگىندە جاڭا تەحنولوگيانىڭ كومەگىمەن جەر سىلكىنىسىن الدىن الا بولجاۋ مۇمكىن بولىپ وتىرعانمەن، ودان ٵلى دە كوپ ادام قازا تابۋدا.
8 جەر سىلكىنىستەرى. يسا: «قاتتى جەر سىلكىنىستەرى بولادى»،— دەپ ايتىپ كەتكەن (9 اۋرۋ-ىندەت. يسا ٴتۇرلى جەرلەردە ىندەتتەر بولاتىنىن ايتقان. ياعني تەز تاراپ، كوپ ادامنىڭ ٶمىرىن جالماپ كەتەتىن قاۋىپتى اۋرۋلار شىقپاق ەدى (لۇقا 21:11). دارىگەرلەر ٴبىرشاما اۋرۋعا ەم تاپقانمەن، ەمى جوق اۋرۋلار ٵلى دە كوپ. تۋبەركۋليوز، بەزگەك، قاتەرلى ىسىك سياقتى اۋرۋلاردان جىل سايىن كوپ ادام كوز جۇمادى. بۇعان قوسا، دارىگەرلەر سوڭعى 40 جىلدا اۋرۋدىڭ تاعى 30 دان اسا ٴتۇرى تابىلعانىن جانە ولاردىڭ كەيبىرى ەش ەمدەلمەيتىنىن مالىمدەيدى.
سوڭعى كۇندەردەگى ادامدار
10. تىموتەگە 2-حات 3:1—5 تارماقتارداعى سوزدەر بۇگىندە قالاي ورىندالۋدا؟
10 تىموتەگە 2-حات 3:1—5 تارماقتاردا: «سوڭعى كۇندەرى ەرەكشە قيىن ۋاقىت بولادى»،— دەلىنگەن. ەلشى پاۋىل بۇل كەزەڭدە كوپ ادامنىڭ مىنەز-قۇلقى كەلەسىدەي بولاتىنىن ايتىپ كەتتى:
-
ٶزىمشىل
-
اقشاقۇمار
-
اتا-اناسىنا باعىنبايتىن
-
ساتقىن
-
باۋىرمالدىقتان جۇرداي
-
ۇستامسىز
-
قاتىگەز، دورەكى
-
قۇدايدان گورى ٴلاززات-ەرمەكتى جاقسى كورەتىن
-
قۇدايدى سۇيەتىندەي كورىنگەنمەن، وعان مويىنسۇنبايتىن.
11. ٴزابۇر 92:7 گە ساي، جامان ادامدارمەن نە بولادى؟
11 ٴسىز تۇراتىن جەردە ادامدار وسىنداي ما؟ دۇنيەجۇزى بويىنشا كوپ ادام وسىنداي مىنەز-قۇلىق تانىتادى. ٴبىراق قۇداي بۇعان جاي قاراپ وتىرا بەرمەيدى. كيەلى كىتاپتا: «زۇلىمدار شوپتەي ٴزابۇر 92:7).
قاۋلايدى، كۇناكارلار وركەندەيدى، اقىرىندا ولار ماڭگىگە قۇريدى»،— دەلىنگەن (سوڭعى كۇندەردەگى جاقسى حابار
12، 13. سوڭعى كۇندەرى ەحوبا بىزگە قانداي جايتتاردى اشتى؟
12 راس، كيەلى كىتاپتا سوڭعى كۇندەرى دۇنيەنىڭ ازاپ پەن قاسىرەتكە تولاتىنى ايتىلعان. ٴبىراق وندا جاقسى حابار دا بار.
13 كيەلى كىتاپتى ٴتۇسىنۋ. سوڭعى كۇندەر جايىندا ايتا كەلە دانيال پايعامبار: «شىنايى ٴبىلىم مولايا تۇسەدى»،— دەگەن (دانيال 12:4). دەمەك، قۇداي ٶز حالقىنا كيەلى كىتاپتى بۇرىنعىدان دا جاقسى تۇسىنەتىن قابىلەت بەرمەك ەدى. 1914-جىلدان بەرى ەحوبا وسىلاي ەتىپ كەلەدى. مىسالى، ول بىزگە ٶز ەسىمىنىڭ ماعىناسىن جانە جەرگە قاتىستى نيەتىن اشتى. سونداي-اق تولەم تۋرالى، ولگەن سوڭ اداممەن نە بولاتىنىن، قايتىس بولعان ادامداردىڭ بولاشاقتا تىرىلەتىنىن ايتتى. ٴبىز قيىندىقتارىمىزدىڭ ٴبارىن قۇداي پاتشالىعى عانا شەشە الاتىنىن بىلدىك. باقىتتى بولۋ ٷشىن، قۇدايعا ۇنامدى ٶمىر ٴسۇرۋ ٷشىن نە ىستەي الاتىنىمىزدى بىلدىك. قازىر قۇدايدىڭ قىزمەتشىلەرى العان بىلىمدەرىن قالاي قولداناتىنىنا قاتىستى ٴبىر پايعامبارلىقتا نە دەلىنگەنىن كورەيىك (21 جانە 25-تۇسىندىرمەلەردى قاراڭىز).
14. پاتشالىق تۋرالى ىزگى حابار قانداي كولەمدە ۋاعىزدالۋدا؟ ونى كىمدەر ۋاعىزداپ جاتىر؟
14 دۇنيەجۇزى بويىنشا ۋاعىزداۋ ٸسى. يسا سوڭعى كۇندەر تۋرالى ايتقاندا: «پاتشالىق جايلى وسى ىزگى حابار بارلىق حالىقتار ەستۋ ٷشىن بۇكىل جەر بەتىندە ۋاعىزدالادى»،— دەگەن (ماتاي 24:3، 14). پاتشالىق تۋرالى ىزگى حابار بۇگىندە 240 ەلدە 900 دەن اسا تىلدە ۋاعىزدالىپ جاتىر. بۇل حاباردى «ٵربىر ۇلتتان، رۋدان» شىققان ەحوبا كۋاگەرلەرى ايتىپ ٴجۇر. ولار جەردىڭ تۇكپىر-تۇكپىرىندەگى ادامدارعا پاتشالىقتىڭ نە ەكەنىن، ونىڭ ادامزات ٷشىن نە ىستەيتىنىن ۋاعىزدايدى (ايان 7:9). ولار بۇل ٸستى تەگىن اتقارادى. يسا الدىن الا ايتىپ كەتكەندەي، ولاردى كوپ ادام جەك كورىپ، قۋدالاسا دا، ۋاعىز ٸسىن ەشتەڭە توقتاتىپ جاتقان جوق (لۇقا 21:17).
ٴسىز نە ىستەيسىز؟
15. ا) ٴسىز سوڭعى كۇندەرى ٶمىر ٴسۇرىپ جاتقانىمىزعا نەلىكتەن سەنىمدىسىز؟ ٵ) ەحوباعا مويىنسۇنبايتىن ادامداردى نە كۇتىپ تۇر؟ ال مويىنسۇناتىنداردى شە؟
15 ٴسىز سوڭعى كۇندەرى ٶمىر ٴسۇرىپ جاتقانىمىزعا سەنەسىز بە؟ كيەلى كىتاپتا بۇل كەزەڭگە قاتىستى ايتىلعان كوپ پايعامبارلىق بۇگىندە ورىندالىپ جاتىر. جاقىندا ەحوبا ىزگى حاباردى ۋاعىزداۋ ٸسىن توقتاتادى. «سودان كەيىن وسى زاماننىڭ سوڭى كەلەدى» (ماتاي 24:14). بۇل قۇداي زۇلىمدىقتى تۇپتامىرىمەن جوق قىلاتىن ارماگەددون شايقاسى بولاتىنىن بىلدىرەدى. ەحوبا يسا مەن كۇشتى پەرىشتەلەرى ارقىلى وزىنە جانە ۇلىنا مويىنسۇنباعانداردى جويادى (سالونيكالىقتارعا 2-حات 1:6—9). شايتان مەن جىن-پەرىلەر بۇدان بىلاي حالىقتاردى اداستىرا المايدى. قۇدايدىڭ ٴتىلىن الاتىندار مەن ونىڭ پاتشالىعىن مويىندايتىندار بولسا قۇدايدىڭ بارلىق ۋادەلەرى جۇزەگە اسقان كەزدى كورەدى (ايان 20:1—3؛ 21:3—5).
16. دۇنيەنىڭ سوڭى جاقىنداپ قالعاندىقتان، سىزدىڭ نە ىستەگەنىڭىز ٴجون؟
16 جاقىندا شايتان بيلەگەن مىنا زاماننىڭ سوڭى كەلەدى. سوندىقتان «مەنىڭ نە ىستەگەنىم ٴجون؟» دەپ ويلانعانىڭىز وتە ماڭىزدى. ەحوبا ٴسىزدىڭ كيەلى كىتاپتان بارىنشا كوپ ٴبىلىم العانىڭىزدى قالايدى. سوندىقتان كيەلى كىتاپتى زەرتتەۋگە شىنداپ كىرىسىڭىز (جوحان 17:3). ادامدارعا قۇداي ٴسوزىن تۇسىنۋگە كومەكتەسۋ ٷشىن ەحوبا كۋاگەرلەرى اپتا سايىن جينالىستار وتكىزەدى. سولارعا ۇنەمى بارۋعا تىرىسىڭىز (ەۆرەيلەرگە 10:24، 25 وقىڭىز). ەگەر ومىرىڭىزدە قانداي دا ٴبىر وزگەرىس جاساۋ كەرەكتىگىن تۇسىنسەڭىز، مۇنى كەيىنگە قالدىرماڭىز. سوندا ەحوبامەن دوستىعىڭىز بەرىك بولا تۇسەدى (جاقىپ 4:8).
17. دۇنيەنىڭ سوڭى كوپشىلىك ٷشىن نەگە كۇتپەگەن جايت بولادى؟
17 ەلشى پاۋىل زۇلىمدىقتىڭ جويىلۋى كوپشىلىك كۇتپەگەن ۋاقىتتا ورىن الاتىنىن ايتتى. ول مۇنى «ۇرىنىڭ تۇندە تۇسەتىن» كەزىمەن سالىستىردى (سالونيكالىقتارعا 1-حات 5:2). يسا ادامداردىڭ باسىم بولىگى سوڭعى كۇندەردىڭ بەلگىسىن ەلەمەيتىنىن ايتىپ كەتكەن. ول بىلاي دەدى: «نۇح پايعامباردىڭ زامانىندا جاعداي قانداي بولعان بولسا، ادام ۇلى وسىندا بولعان كەزدە دە [ياعني سوڭعى كۇندەرى] سونداي بولادى. توپان سۋدان بۇرىن، نۇح كەمەگە كىرگەن كۇنگە دەيىن، ادامدار ٸشىپ-جەپ، ايەل الىپ، قىز ۇزاتىپ ٶمىر كەشىپ جاتتى. توپان سۋ باسىپ، ٴبارىن الىپ كەتكەنشە، ولار ەش ويلانبادى» (ماتاي 24:37—39).
18. يسا قانداي ەسكەرتۋ ايتتى؟
18 يسا: «مەشكەيلىك (ياعني قوماعايلىق)، ىشىمدىككە سالىنۋ جانە كۇندەلىكتى تۇرمىس ۋايىمى جۇرەكتەرىڭدى جاۋلاپ الماسىن»،— دەپ ەسكەرتكەن. ويتكەنى دۇنيەنىڭ سوڭى تور تۇسكەندەي كەنەتتەن كەلمەك ەدى. ول: «بۇل كۇن بۇكىل جەر بەتىنىڭ تۇرعىندارىنىڭ باسىنا تۋادى. سوندىقتان الدا بولاتىن وسى جايتتاردىڭ بارىنەن قاشىپ قۇتىلا الۋ ٷشىن جانە ادام ۇلىنىڭ الدىندا تۇرا الۋ ٷشىن ۇدايى جالبارىنىپ، سەرگەك بولىڭدار!»— دەگەن (لۇقا 21:34—36). يسانىڭ بۇل سوزىنە قۇلاق اسۋ نەگە ماڭىزدى؟ سەبەبى از ۋاقىتتان كەيىن شايتاننىڭ زۇلىم دۇنيەسى جويىلادى. تەك ەحوبا مەن يساعا ۇنامدى بولعاندار عانا امان قالىپ، جەر بەتىندە ماڭگى ٶمىر سۇرەدى (جوحان 3:16؛ پەتىردىڭ 2-حاتى 3:13).
^ 4-ابزاس ميكايل — يسانىڭ باسقا ەسىمى. بۇل جايلى كوبىرەك ٴبىلۋ ٷشىن 23-تۇسىندىرمەنى قاراڭىز.