တၢ်မၤလိ ၁၀
တၢ်မ့ၢ်တၢ်တီ ဘၣ်ဃးဒီး မူခိၣ်ကလူးတဖၣ်
၁. ဘၣ်မနုၤအဃိ ပဘၣ်မၤလိ မူခိၣ်ကလူးတဖၣ်အဂ့ၢ်လဲၣ်.
ယဟိဝၤယွၤအဲၣ်ဒိးလၢ ပကသ့ၣ်ညါ အဒူၣ်ဖိထၢဖိလီၤ. မူခိၣ်ကလူးတဖၣ်န့ၣ် ပၣ်ဃုာ်လၢ ကစၢ်ယွၤ အဒူၣ်ဖိထၢဖိအကျါလီၤ. လံာ်စီဆှံ ပာ်ဖျါထီၣ်ဝဲလၢ အဝဲသ့ၣ်မ့ၢ် “ယွၤအဖိခွါ ခဲလၢာ်” လီၤ. (ယိၤဘး ၃၈:၇) မူခိၣ်ကလူးတဖၣ် မၤတၢ်မနုၤလဲၣ်. အဝဲသ့ၣ်မၤစၢၤ ယွၤအခ့အပှၤလၢညါတဖၣ် ဒ်လဲၣ်. ဒီးဆၢကတီၢ်ခဲအံၤ မ့ၢ်အဝဲသ့ၣ် မၤစၢၤပှၤသ့ဒံးဧါ.—ကွၢ်တၢ်ဂ့ၢ် ၈ လၢလံာ်အကတၢၢ်တက့ၢ်.
၂. မူခိၣ်ကလူးတဖၣ်န့ၣ် ဟဲကဲထီၣ်အသးဒ်လဲၣ်. ဒီးမူခိၣ်ကလူးတဖၣ်န့ၣ် အနီၣ်ဂံၢ်အိၣ်ဆံးအါလဲၣ်.
၂ ပကဘၣ်သ့ၣ်ညါလၢ မူခိၣ်ကလူးတဖၣ် ဟဲကဲထီၣ်အသးဒ်လဲၣ် အဂ့ၢ်န့ၣ်လီၤ. ကလီးစဲ ၁:၁၆ စံးဘၣ်ပှၤလၢ ယဟိဝၤယွၤ တ့လီၤယ့ၣ်ၡူးဝံၤအလီၢ်ခံ “တၢ်ခဲလၢာ် ဘၣ်တ့အသးလၢအစုပူၤ, တၢ်အိၣ်လၢမူခိၣ်, ဒီးတၢ်အိၣ်လၢဟီၣ်ခိၣ်” န့ၣ်လီၤ. ဒီးလၢတၢ်ဘၣ်တ့တဖၣ်န့ၣ်အကျါ ပၣ်ဃုာ်ဒီး မူခိၣ်ကလူးတဖၣ်လီၤ. မူခိၣ်ကလူးတဖၣ်န့ၣ် အနီၣ်ဂံၢ်အိၣ်ဝဲထဲလဲၣ်. လံာ်စီဆှံပာ်ဖျါထီၣ်ဝဲလၢ မူခိၣ်ကလူးတဖၣ်န့ၣ် အနီၣ်ဂံၢ်အိၣ်ဝဲ အကကွဲၢ်လၢ အကယၤတဖၣ်န့ၣ်လီၤ.—စံးထီၣ်ပတြၢၤ ၁၀၃:၂၀; လီၣ်ဖျါ ၅:၁၁.
၃. ဘၣ်ဃးဒီး မူခိၣ်ကလူးတဖၣ်န့ၣ် ယိၤဘး ၃၈:၄-၇ ပာ်ဖျါထီၣ်ဝဲဒ်လဲၣ်.
၃ လံာ်စီဆှံ သိၣ်လိပှၤလၢ တချုးယဟိဝၤယွၤတ့လီၤဟီၣ်ခိၣ်န့ၣ် အဝဲတ့လီၤဆိမူခိၣ်ကလူးတဖၣ်လီၤ. အဝဲသ့ၣ်တဖၣ်န့ၣ် ဖဲထံၣ်ဘၣ်ဝဲ ဟီၣ်ခိၣ်အဆၢကတီၢ် အသးမၤအသးဒ်လဲၣ်. လံာ်ယိၤဘး ပာ်ဖျါထီၣ်ဝဲလၢ အဝဲသ့ၣ်ပှဲၤဒီးတၢ်သူၣ်ဖှံသးညီလီၤ. အဝဲသ့ၣ်မ့ၢ်ဒူၣ်ဖိထၢဖိလၢ အမၤယွၤအတၢ်မၤလၢ တၢ်သူၣ်ဖှံသးညီအပူၤလီၤ.—ယိၤဘး ၃၈:၄-၇.
မူခိၣ်ကလူးတဖၣ် မၤစၢၤယွၤအခ့အပှၤ
၄. မူခိၣ်ကလူးတဖၣ် သူၣ်အိၣ်သးအိၣ်ဝဲ ပှၤဟီၣ်ခိၣ်ဖိန့ၣ် ပသ့ၣ်ညါဘၣ်ဒ်လဲၣ်.
၄ မူခိၣ်ကလူးတဖၣ် သူၣ်အိၣ်သးအိၣ်ဝဲ ပှၤဟီၣ်ခိၣ်ဖိ ဒီးယွၤအတၢ်တိာ်ပာ်လၢ ဘၣ်ဃးဒီးဟီၣ်ခိၣ်န့ၣ်လီၤ. (ကတိၤဒိ ၈:၃၀, ၃၁; ၁ ပ့းတရူး ၁:၁၁, ၁၂) ဖဲနီၢ်အံၣ်အု ဒီးစီၤအၤဒၣ် ပူထီၣ်ထီဒါတၢ်အဆၢကတီၢ်န့ၣ် မူခိၣ်ကလူးတဖၣ် သးဘၣ်ဒိဝဲဒိၣ်မးလီၤ. ဆၢကတီၢ်ခဲအံၤန့ၣ် အဝဲသ့ၣ် ထံၣ်ဘၣ်ဝဲလၢ ပှၤဟီၣ်ခိၣ်ဖိတဖၣ် တဒိကနၣ် ယဟိဝၤယွၤအကလုၢ်အဃိ အဝဲသ့ၣ်သးဘၣ်ဒိ အါန့ၢ်ဒံးလၢညါန့ၣ်လီၤ. ဘၣ်ဆၣ် ဖဲပှၤတဂၤဂၤ ပီၢ်ယၢ်လီၤက့ၤအသး ဒီးဟဲက့ၤကဒါက့ၤဆူ ယွၤအအိၣ်န့ၣ် မူခိၣ်ကလူးတဖၣ် ပှဲၤဒီးတၢ်သူၣ်ဖှံသးညီလီၤ. (လူၤကၣ် ၁၅:၁၀) မူခိၣ်ကလူးတဖၣ်န့ၣ် သူၣ်အိၣ်သးအိၣ်ဝဲ ပှၤလၢအမၤယွၤအတၢ်မၤန့ၣ်လီၤ. ယဟိဝၤယွၤ သူအဝဲသ့ၣ်လၢ ကမၤစၢၤဒီးဒီသဒၢ အခ့အပှၤလၢ ဟီၣ်ခိၣ်ချၢန့ၣ်လီၤ. (ဧ့ၤဘြံၤ ၁:၇, ၁၄) ပကကွၢ်သကိး တၢ်အဒိတနီၤလီၤ.
“ယကစၢ် မၢလီၤအကလူးတဂၤ ဒီးမၤကျၢၢ်တံာ်ခ့ယုၢ်အထးခိၣ်.”—ဒၤနံးယ့လး ၆:၂၂
၅. မူခိၣ်ကလူး မၤစၢၤယွၤအခ့အပှၤလၢညါတဖၣ် လၢကျဲဒ်လဲၣ်.
၅ ဖဲတၢ်ကမၤဟးဂီၤ ဝ့ၢ်စဒိၣ်ဒီးဂမိရၤ အဆၢကတီၢ်န့ၣ် ယဟိဝၤယွၤ ဆှၢလီၤမူခိၣ်ကလူးခံဂၤ လၢကမၤစၢၤ စီၤလိာ်ဒီးအဟံၣ်ဖိဃီဖိ ဒ်သိးအဝဲသ့ၣ်ကဃ့ၢ်ပူၤဖျဲးအသးအဂီၢ်လီၤ. (၁ မိၤၡ့ ၁၉:၁၅, ၁၆) ပူၤကွံာ်နံၣ်လၢ အကယၤတဖၣ်ဝံၤအလီၢ်ခံ တၢ်တ့ၢ်လီၤဝံဒၤနံးယ့လးလၢ ခ့ယုၢ်ကပိၤပူၤလီၤ. ဘၣ်ဆၣ် ခ့ယုၢ်တအ့ၣ်အီၤန့ၣ် မ့ၢ်လၢကစၢ်ယွၤ “မၢလီၤ အကလူးတဂၤဒီး မၤကျၢၢ်တံၢ် ခ့ယုၢ်အထးခိၣ်” အဃိလီၤ. (ဒၤနံးယ့လး ၆:၂၂) လၢခံန့ၣ် ဖဲတၢ်မၢဖိပ့းတရူး အိၣ်လၢဃိာ်ပူၤအဆၢကတီၢ် ယဟိဝၤယွၤဆှၢလီၤမူခိၣ်ကလူး လၢကမၤထူၣ်ဖျဲးထီၣ်ကွံာ်အီၤန့ၣ်လီၤ. (မၤတၢ် ၁၂:၆-၁၁) တကးဒံးဘၣ် ဖဲယ့ၣ်ၡူးအိၣ်လၢ ဟီၣ်ခိၣ်ချၢအဆၢကတီၢ်န့ၣ် မူခိၣ်ကလူးတဖၣ် မၤစၢၤအီၤလီၤ. အဒိ ဖဲအဝဲ ဒိးဘျၢထံဝံၤအလီၢ်ခံန့ၣ် “ကလူးသ့ၣ်တဖၣ် ဟဲမၤအခ့အပှၤအတၢ်မၤ လၢအဂီၢ်လီၤ.” (မၢ်ကူး ၁:၁၃) ဒီးတချုးတၢ်မၤသံယ့ၣ်ၡူးန့ၣ် မူခိၣ်ကလူး “ဒုးဆူၣ်ထီၣ်အဂံၢ်အဘါလီၤ.”—လူၤကၣ် ၂၂:၄၃.
၆. (က) မုၢ်မဆါတနံၤအံၤ မူခိၣ်ကလူးတဖၣ် မၤစၢၤယွၤအခ့အပှၤန့ၣ် ပသ့ၣ်ညါဘၣ်ဒ်လဲၣ်. (ခ) ပကစံးဆၢ တၢ်သံကွၢ်မနုၤတဖၣ်လဲၣ်.
၆ မုၢ်မဆါတနံၤအံၤ မူခိၣ်ကလူးတဖၣ် တလီၣ်ဖျါထီၣ်အသးလၢၤဘၣ်. ဘၣ်ဆၣ် ယွၤသူဒံးအဝဲသ့ၣ်လၢ ကမၤစၢၤအခ့အပှၤလၢ ဟီၣ်ခိၣ်ချၢန့ၣ်လီၤ. လံာ်စီဆှံ စံးဝဲလၢ– “ယွၤအကလူး သူၣ်ဒဲဝးတရံး ပှၤလၢအပျံၤအီၤ, ဒီးမၤပူၤမၤဖျဲးအီၤလီၤ.” (စံးထီၣ်ပတြၢၤ ၃၄:၇) ဘၣ်မနုၤအဃိ ပလိၣ်ဘၣ်တၢ်ဒီသဒၢလဲၣ်. မ့ၢ်လၢ ပဒုၣ်ပဒါတဖၣ် အိၣ်ဒီးတၢ်စိတၢ်ကမီၤဒီး အဲၣ်ဒိးမၤဘၣ်ဒိပှၤအဃိလီၤ. အဝဲသ့ၣ်န့ၣ် မ့ၢ်မတၤတဖၣ်လဲၣ်. အဝဲသ့ၣ် ဟဲကဲထီၣ်အသးဒ်လဲၣ်. ဒီးပဒုၣ်ပဒါတဖၣ်အံၤ ဂုာ်ကျဲးစၢး မၤဘၣ်ဒိဘၣ်ထံးပှၤဒ်လဲၣ်. ဒ်သိးပစံးဆၢ တၢ်သံကွၢ်တဖၣ်အံၤကသ့အဂီၢ် ပကတဲသကိး တၢ်ဟဲကဲထီၣ်အသး ဖဲယွၤတ့လီၤ နီၢ်အံၣ်အုဒီးစီၤအၤဒၣ် ဝံၤအလီၢ်ခံန့ၣ်လီၤ.
ပဒုၣ်ပဒါ လၢပထံၣ်အီၤတသ့
၇. ခီဖျိလၢ မုၣ်ကီၤလံၢ် အတၢ်ကွဲန့ၢ်လွဲန့ၢ်အဃိ ပှၤဟီၣ်ခိၣ်ဖိအါတက့ၢ်န့ၣ် မၤဝဲဒ်လဲၣ်.
၇ လၢတၢ်မၤလိ ၃ အပူၤန့ၣ် ပမၤလိဘၣ်လၢ မူခိၣ်ကလူးတဂၤ ပူထီၣ်ထီဒါ ယဟိဝၤယွၤ ဒီးအဝဲအဲၣ်ဒိးဒိၣ်စိလၢ ပှၤဂၤအဖီခိၣ်လီၤ. ဒီးလံာ်စီဆှံကိးအီၤလၢ စၤတၣ် မုၣ်ကီၤလံၢ်န့ၣ်လီၤ. (လီၣ်ဖျါ ၁၂:၉) တကးဒံးဘၣ် မုၣ်ကီၤလံၢ်အဲၣ်ဒိး လၢပှၤဟီၣ်ခိၣ်ဖိတဖၣ် ကပူထီၣ်ထီဒါ ယဟိဝၤယွၤစ့ၢ်ကီးလီၤ. လၢတၢ်န့ၣ်အဃိ အဝဲကွဲန့ၢ်လွဲန့ၢ် နီၢ်အံၣ်အု ဒီးတုၤလၢပစိၤခဲအံၤ ပှၤဟီၣ်ခိၣ်ဖိအါတက့ၢ်န့ၣ် ဘၣ်တၢ်ကွဲန့ၢ်လွဲန့ၢ် အီၤလၢမုၣ်ကီၤလံၢ်န့ၣ်လီၤ. ဒ်လဲၣ်ဂ့ၤဒ်လဲၣ်ဂ့ၤ ပှၤတနီၤဒ်သိးဒီး စီၤဟ့းဘ့းလး, စီၤဃနိာ် ဒီးစီၤနိအၤန့ၣ် တီဒီးယဟိဝၤယွၤလီၤ.—ဧ့ၤဘြံၤ ၁၁:၄, ၅, ၇.
၈. (က) မူခိၣ်ကလူးတနီၤန့ၣ် ဟဲကဲထီၣ်တၢ်ဝံတၢ်နါ လၢကျဲဒ်လဲၣ်. (ခ) ဒ်သိးတၢ်ဝံတၢ်နါတဖၣ် ကပူၤဖျဲးလၢထံလုၢ်ဘၢတၢ်အဂီၢ် အဝဲသ့ၣ်မၤတၢ်မနုၤလဲၣ်.
၈ လၢစီၤနိအၤအစိၤန့ၣ် မူခိၣ်ကလူးတဖၣ် ပူထီၣ်ထီဒါ ယဟိဝၤယွၤ ဒီးအဝဲသ့ၣ်ပာ်တ့ၢ်ကွံာ် အတၢ်အိၣ်တၢ်ဆိးအလီၢ်လၢမူခိၣ်န့ၣ်လီၤ. ဒီးအဝဲသ့ၣ်ဟဲလီၤအိၣ်မူဝဲလၢ ဟီၣ်ခိၣ်ချၢ ဒ်ပှၤဟီၣ်ခိၣ်ဖိအသိးန့ၣ်လီၤ. လံာ်စီဆှံတဲဘၣ်ပှၤလၢ အဝဲသ့ၣ်အဲၣ်ဒိးဟံးန့ၢ်အမါ လၢပှၤဟီၣ်ခိၣ်ဖိအကျါလီၤ. (ဖး ၁ မိၤၡ့ ၆:၂ တက့ၢ်.) ဘၣ်ဆၣ် မူခိၣ်ကလူးတဖၣ် မၤဝဲဒ်အံၤန့ၣ် ကမၣ်ဝဲဒိၣ်မးလီၤ. (ယူဒၤ ၆) ဒ်မူခိၣ်ကလူးအအၢအသီတဖၣ်အံၤ မၤဝဲအသိး ပှၤဟီၣ်ခိၣ်ဖိတဖၣ် အၢထီၣ်သီထီၣ်ဒီး အဲၣ်တၢ်မၤဆူၣ်မၤစိးစ့ၢ်ကီးလီၤ. လၢတၢ်န့ၣ်အဃိ ယဟိဝၤယွၤ ဆၢတဲာ်လီၤအသးလၢ အကမၤဟးဂီၤကွံာ် ပှၤဟီၣ်ခိၣ်ဖိအအၢအသီခဲလၢာ် လၢထံလုၢ်ဘၢတၢ်န့ၣ်လီၤ. ဘၣ်ဆၣ် အဝဲမၤပူၤဖျဲး အခ့အပှၤလၢအတီအလိၤတဖၣ်န့ၣ်လီၤ. (၁ မိၤၡ့ ၇:၁၇, ၂၃) ဒ်သိးမူခိၣ်ကလူးလၢ အအၢအသီတဖၣ် ကပူၤဖျဲးအဂီၢ် အဝဲသ့ၣ်က့ၤထီၣ်ကဒါက့ၤ ဆူမူခိၣ်လီၤ. မူခိၣ်ကလူး လၢအအၢအသီတဖၣ်အံၤ လံာ်စီဆှံကိးအဝဲသ့ၣ်လၢ တၢ်ဝံတၢ်နါတဖၣ်န့ၣ်လီၤ. အဝဲသ့ၣ်ဆၢတဲာ်လီၤအသးလၢ ကနုာ်လီၤမၤသကိးတၢ်ဒီး မုၣ်ကီၤလံၢ်အဃိ မုၣ်ကီၤလံၢ် ကဲထီၣ်အဝဲသ့ၣ် အတၢ်ပၢကစၢ်န့ၣ်လီၤ.—မးသဲ ၉:၃၄.
၉. (က) ဖဲတၢ်ဝံတၢ်နါတဖၣ် က့ၤထီၣ်ကဒါက့ၤလၢ မူခိၣ်န့ၣ် တၢ်ကဲထီၣ်အသးဒီး အဝဲသ့ၣ်ဒ်လဲၣ်. (ခ) ပကဆဲးမၤလိကဒီး တၢ်ဂ့ၢ်မနုၤတဖၣ်လဲၣ်.
၉ တၢ်ဝံတၢ်နါတဖၣ်အံၤ ပူထီၣ်ထီဒါတၢ်အဃိ ယဟိဝၤယွၤ တတူၢ်လိာ်အဝဲသ့ၣ်လၢ အဒူၣ်ဖိထၢဖိအကျါလၢၤဘၣ်. (၁ ပ့းတရူး ၃:၁၉, ၂၀) တၢ်ဝံတၢ်နါတဖၣ် လိၣ်ထီၣ်အသးလၢ ပှၤဟီၣ်ခိၣ်ဖိတသ့လၢၤဘၣ်. ဘၣ်ဆၣ် တုၤခဲအံၤဒၣ်လဲာ် အဝဲသ့ၣ်တဖၣ်န့ၣ် “လီန့ၢ်ပှၤဟီၣ်ခိၣ်ဖိ ခဲလၢာ်” လီၤ. (လီၣ်ဖျါ ၁၂:၉; ၁ ယိၤဟၣ် ၅:၁၉) အဝဲသ့ၣ် ကွဲန့ၢ်လွဲန့ၢ်တၢ်ဒီး ဆှၢကမၣ်ပှၤဟီၣ်ခိၣ်ဖိ န့ၢ်ထဲလဲၣ်န့ၣ် ပကမၤလိသကိး တၢ်ဂ့ၢ်သ့ၣ်တဖၣ်အံၤလီၤ.—ဖး ၂ ကရံၣ်သူး ၂:၁၁ တက့ၢ်.
တၢ်ဝံတၢ်နါတဖၣ် ကွဲန့ၢ်လွဲန့ၢ်ဝဲ ပှၤဟီၣ်ခိၣ်ဖိလၢကျဲဒ်လဲၣ်
၁၀. တၢ်ဝံတၢ်နါတဖၣ် ကွဲန့ၢ်လွဲန့ၢ် ပှၤဟီၣ်ခိၣ်ဖိလၢ ကျဲဒ်လဲၣ်.
၁၀ တၢ်ဝံတၢ်နါတဖၣ် ကွဲန့ၢ်လွဲန့ၢ်ဝဲ ပှၤဟီၣ်ခိၣ်ဖိလၢ ကျဲအါဘိလီၤ. ဖဲပှၤဟီၣ်ခိၣ်ဖိတဖၣ် ဆဲးကျိးဒီး တၢ်ဝံတၢ်နါအဆၢကတီၢ်န့ၣ် အဝဲသ့ၣ်ဆဲးကျိးဝဲလၢ အနီၢ်ကစၢ် မ့တမ့ၢ် ခီဖျိလၢပှၤအဂၤ ဒ်သိးဒီး တၢ်ဝံတၢ်နါအသရၣ် ဒီးပှၤကွၢ်စုတိၤန့ၣ်လီၤ. တၢ်ဆဲးကျိးဒီးတၢ်ဝံတၢ်နါတဖၣ်န့ၣ် ပကိးအီၤလၢ တၢ်ဟိၣ်တၢ်ယီ မ့တမ့ၢ် တၢ်ဝံတၢ်နါ အတၢ်ဖံးတၢ်မၤလီၤ. ဘၣ်ဆၣ် တၢ်လၢအဘၣ်ထွဲလိာ်အသးဒီး တၢ်ဝံတၢ်နါ အတၢ်ဖံးတၢ်မၤတဖၣ်န့ၣ် လံာ်စီဆှံစံးဝဲလၢ ပတဘၣ်ထိးဘူးအီၤ နီတစဲးဘၣ်. (ကလၤတံ ၅:၁၉-၂၁) ဘၣ်မနုၤအဃိလဲၣ်. ဒ်ပှၤခးတၢ်ဖိသူဝဲ ပျံၤသကွီၤလၢအကဖီၣ်န့ၢ်ဝဲ ဆၣ်ဖိကီၢ်ဖိအသိး တၢ်ဝံတၢ်နါတဖၣ်စ့ၢ်ကီး သူဝဲတၢ်လံၣ်တၢ်လီအပျံၤသကွီၤလၢ ကကွဲန့ၢ်လွဲန့ၢ် ပှၤဟီၣ်ခိၣ်ဖိအဂီၢ်လီၤ.—ကွၢ်တၢ်ဂ့ၢ် ၂၅ လၢလံာ်အကတၢၢ်တက့ၢ်.
၁၁. ဘၣ်မနုၤအဃိ ပကဘၣ်ဟးဆှဲး တၢ်ဟီဆိပာ်စၢၤတၢ်လၢ ခါဆူညါအဂီၢ်လဲၣ်.
၁၁ တၢ်ဝံတၢ်နါအပျံၤသကွီၤတဖၣ်အကျါတခါန့ၣ် မ့ၢ်ဒၣ်တၢ်သူတၢ်စိတၢ်ကမီၤ လီၤဆီလၢ ကဃုသ့ၣ်ညါဝဲ တၢ်ကမၤအသးလၢ ခါဆူညါတဖၣ်န့ၣ်လီၤ. ပှၤတနီၤန့ၣ် ဃုသ့ၣ်ညါတၢ် ခီဖျိလၢဆၣ်တဖၣ်, တၢ်ဖး ဖဲစးခိ, တၢ်ကွၢ်လၢၢ်ဖျါကလၤ ဒီးတၢ်ကွၢ်စုတိၤန့ၣ်လီၤ. ပှၤအါဂၤန့ၣ် ဆိကမိၣ်ဝဲလၢ တၢ်သ့ၣ်တဖၣ်အံၤ မၤဘၣ်ဒိအီၤတသ့ဘၣ်. နီၢ်နီၢ်န့ၣ် တၢ်သ့ၣ်တဖၣ်အံၤ မ့ၢ်တၢ်လၢအလီၤဘၣ်ယိၣ်ဒိၣ်မးလီၤ. အဒိ လံာ်စီဆှံပာ်ဖျါထီၣ်ဝဲလၢ ပှၤဟီပာ်စၢၤတၢ်ဖိတဖၣ် မၤသကိးတၢ်ဒီး တၢ်ဝံတၢ်နါသ့ၣ်တဖၣ်န့ၣ်လီၤ. မၤတၢ် ၁၆:၁၆-၁၈ (ခ့ခါစှီၤကျိာ်) ပာ်ဖျါထီၣ်ဝဲလၢ ပိာ်မုၣ်ဖိအိၣ်ဝဲတဂၤဒီး “တၢ်နါလၢ အဒုးဖးအီၤတၢ်” န့ၣ်မၤစၢၤအီၤလၢ အဝဲကတဲဆိပာ်ဝဲ “တၢ်လၢအကမၤအသး လၢခံတဖၣ်န့ၣ်လီၤ.” ဖဲတၢ်မၢဖိပီလူး ဒုးဟးထီၣ်ကွံာ် တၢ်နါလၢအလိၤဝံၤအလီၢ်ခံ ပိာ်မုၣ်ဖိတဂၤအံၤ အတၢ်သ့တၢ်ဘၣ်လၢ အကဟီဆိပာ်စၢၤတၢ်လၢ ခါဆူညါအဂီၢ်န့ၣ် ဟါမၢ်ကွံာ်ဝဲလီၤ.
၁၂. (က) ဘၣ်မနုၤအဃိ တၢ်ဆဲးကျိးဒီး ပှၤသံန့ၣ် မ့ၢ်တၢ်လၢအလီၤဘၣ်ယိၣ်လဲၣ်. (ခ) ဘၣ်မနုၤအဃိ ယွၤအခ့အပှၤတဖၣ် တဘၣ်ပၣ်ဃုာ်လၢ လုၢ်လၢ်လၢအဘၣ်ထွဲလိာ်အသးဒီး တၢ်ဝံတၢ်နါ အတၢ်ဖံးတၢ်မၤအကျါလဲၣ်.
၁၂ တၢ်ဝံတၢ်နါတဖၣ် သူဝဲကျဲလၢ အဂၤတဘိ ဒ်သိး ပှၤဟီၣ်ခိၣ်ဖိတဖၣ် ကလီၤလၢအဝဲသ့ၣ်အပျံၤသကွီၤပူၤအဂီၢ်လီၤ. တၢ်ဝံတၢ်နါတဖၣ် အဲၣ်ဒိးဒုးနာ်န့ၢ်ပှၤလၢ ပှၤသံတဖၣ်န့ၣ် အိၣ်မူလၢတၢ်လီၢ်အဂၤ တတီၤတီၤဒီး ပဆဲးကျိးဒီးအဝဲသ့ၣ် သ့ဝဲလီၤ. ဒီးအဂၤ၁ ၡမူၤအ့လး ၂၈:၃-၁၉) တၢ်ခူၣ်လီၤပှၤသံ အလုၢ်အလၢ်အါမးန့ၣ် ဒိးသန့ၤထီၣ်အသးလၢ တၢ်စူၢ်တၢ်နာ်တခါလၢ ပှၤသံန့ၣ်အိၣ်မူဒံးလၢ တၢ်လီၢ်အဂၤတတီၤတီၤလီၤ. လုၢ်လၢ်သ့ၣ်တဖၣ်အံၤ ပၣ်ဃုာ်ဒီး တၢ်ခူၣ်လီၤပှၤသံ အမူးပွဲတဖၣ်, တၢ်သံအတၢ်သ့ၣ်နီၣ်ဆၢက့ၤအမုၢ်နံၤ, တၢ်လုၢ်တၢ်ပာ်လၢ ပှၤသံအဂီၢ်, မူးပွဲလီၤဆီလၢ မုၣ်ကမဲအဂီၢ်ဒီး တၢ်ဆိးသီပှၤသံလုၢ်လၢ်တနီၤနီၤန့ၣ်လီၤ. ဖဲပှၤခရံာ်ဖိတဖၣ် ဟးဆှဲးဝဲ လုၢ်လၢ်တဖၣ်အံၤအခါ ဘၣ်သ့ၣ်သ့ၣ် အဟံၣ်ဖိဃီဖိဒီး ပှၤသဝီဖိတဖၣ် ကဒုၣ်ဒွဲၣ်စံးအၢအီၤ ဒီးတရ့ဒီးအဝဲသ့ၣ်လၢၤဘၣ်. ဘၣ်ဆၣ် ခရံာ်ဖိတဖၣ် သ့ၣ်ညါဝဲလၢ ပှၤသံန့ၣ်တအိၣ်မူလၢ တၢ်လီၢ်အဂၤနီတတီၤလၢၤဘၣ်. လၢတၢ်န့ၣ်အဃိ ပဆဲးကျိးဒီး အဝဲသ့ၣ်တသ့ဘၣ်. ဒီးအဝဲသ့ၣ်စ့ၢ်ကီး မၤဘၣ်ဒိပှၤ တသ့ဘၣ်. (စံးထီၣ်ပတြၢၤ ၁၁၅:၁၇) ပကြၢးအိၣ်ဒီး တၢ်ပလီၢ်သူၣ်ပလီၢ်သး ဒီးပတဘၣ်ဂုာ်ကျဲးစၢး ဆဲးကျိးဒီး ပှၤသံ မ့တမ့ၢ် တၢ်ဝံတၢ်နါတဖၣ် နီတဘျီဘၣ်.—ဖး ၅ မိၤၡ့ ၁၈:၁၀, ၁၁ တက့ၢ်; ယၡါယၤ ၈:၁၉.
တမံၤန့ၣ် အဝဲသ့ၣ် ဒုးနာ်န့ၢ်ပှၤလၢ ပှၤသံတဖၣ်အံၤမၤဆါပှၤ သ့ဝဲလီၤ. အဒိ ပှၤတဂၤဂၤ အတံၤသကိး မ့တမ့ၢ် အဘူးအတံၢ်မ့ၢ်သံန့ၣ် ဘၣ်သ့ၣ်သ့ၣ် အဝဲကလဲၤဆူ ပှၤတဂၤဂၤအအိၣ် လၢအစံးလီၤအသးလၢ အမ့ၢ်ပှၤလၢ အဆဲးကျိးဒီးပှၤသံသ့န့ၣ်လီၤ. ပှၤတဂၤအံၤ ကတဲဖျါထီၣ်တၢ်ဂ့ၢ်လၢ အလီၤသးအိၣ်တမံၤမံၤ လၢအဘၣ်ဃးဒီး အသကိး မ့တမ့ၢ်အဘူးအတံၢ်လၢ အသံတ့ၢ်တဂၤအဂ့ၢ်န့ၣ်လီၤ. တကးဒံးဘၣ် တၢ်ဝံတၢ်နါတဂၤ ကမၤဒိးဝဲ ပှၤလၢအသံတ့ၢ်တဂၤအကလုၢ်န့ၣ်လီၤ. (၁၃. ပှၤအါဂၤလၢ အပျံၤတ့ၢ်တၢ်ဝံတၢ်နါတဖၣ်န့ၣ် ခဲအံၤတၢ်မၤအသးဒီး အဝဲသ့ၣ်ဒ်လဲၣ်.
၁၃ တၢ်ဝံတၢ်နါတဖၣ်န့ၣ် တမ့ၢ်ထဲအဝဲသ့ၣ် ကွဲန့ၢ်လွဲန့ၢ် ပှၤဟီၣ်ခိၣ်ဖိဘၣ်. အဝဲသ့ၣ် မၤပျံၤမၤဖုးဝဲ ပှၤဟီၣ်ခိၣ်ဖိစ့ၢ်ကီးလီၤ. တချုးလၢ ကစၢ်ယွၤတ့ၢ်လီၤကွံာ်အဝဲသ့ၣ်လၢ တၢ်ယိာ်ပူၤန့ၣ် မုၣ်ကီၤလံၢ်ဒီး အတၢ်ဝံတၢ်နါတဖၣ် သ့ၣ်ညါဝဲလၢ “အဆၢအကတီၢ် အိၣ်ထဲတစိၢ်ဖိ” လီၤ. လၢတၢ်န့ၣ်အဃိ အဝဲသ့ၣ် မၤဆူၣ်မၤစိးပှၤဟီၣ်ခိၣ်ဖိ အါန့ၢ်ဒံးလၢညါန့ၣ်လီၤ. (လီၣ်ဖျါ ၁၂:၁၂, ၁၇) ဒ်လဲၣ်ဂ့ၤဒ်လဲၣ်ဂ့ၤ ပှၤအကထိလၢ အပျံၤတ့ၢ်ဝဲ တၢ်ဝံတၢ်နါတဖၣ်န့ၣ် ဆၢကတီၢ်ခဲအံၤ အဝဲသ့ၣ်တလိၣ်ပျံၤဝဲလၢၤဘၣ်. မ့မ့ၢ်ဒ်န့ၣ်န့ၣ် ပှၤသ့ၣ်တဖၣ်အံၤ ထူၣ်ဖျဲးထီၣ်ကွံာ်လၢကျဲဒ်လဲၣ်.
ပထူၣ်ဖျဲးထီၣ်လၢ တၢ်ဝံတၢ်နါအဖီလာ် ဒီးပတြီဆၢအီၤသ့အဂ့ၢ်
၁၄. ဒ်ခရံာ်ဖိ လၢညါတဖၣ်အသိး ပမၤထူၣ်ဖျဲးထီၣ်ပသးလၢ တၢ်ဝံတၢ်နါအဖီလာ် ကသ့ဒ်လဲၣ်.
၁၄ လံာ်စီဆှံစံးဘၣ်ပှၤလၢ ပတြီဆၢတၢ်နါသ့ဒ်လဲၣ် ဒီးပမၤထူၣ်ဖျဲးထီၣ်ပသး လၢမၤတၢ် ၁၉:၁၉, ခ့ခါစှီၤကျိာ်) ခီဖျိလၢ အဝဲသ့ၣ် အဲၣ်ဒိးကဲထီၣ်ခရံာ်ဖိအဃိ မၤဟးဂီၤကွံာ်ဝဲ ကယဲၢ်အလံာ်အလဲၢ်လၢ အဘၣ်ဃးဒီး တၢ်မၤကဒါမဲာ်န့ၣ်လီၤ. မုၢ်မဆါတနံၤအံၤ ပကဘၣ်မၤဒ်န့ၣ်စ့ၢ်ကီးလီၤ. ပှၤလၢ အအဲၣ်ဒိးမၤယဟိဝၤယွၤအတၢ်မၤန့ၣ် ကဘၣ်စူးကွံာ်ညိကွံာ်ဝဲ တၢ်လၢ အဘၣ်ထွဲလိာ်အသးဒီး တၢ်ဝံတၢ်နါ အတၢ်ဖံးတၢ်မၤန့ၣ်လီၤ. အဒိ လံာ်လဲၢ်တဖၣ်, မဲးကစံတဖၣ်, တၢ်ဒွးတၢ်အိၣ်မူဆူညါ, တၢ်ဂီၤမူတဖၣ်, တၢ်သးဝံၣ်, တၢ်လိာ်ကွဲတဖၣ်လၢ အဒုးဆိကမိၣ်ပှၤလၢ တၢ်ဟိၣ်တၢ်ယီမ့ၢ်တၢ်လၢအမၤဘၣ်ဒိပှၤတသ့ ဒီးမ့ၢ်တၢ်လၢအလီၤသူၣ်အိၣ်သးအိၣ်န့ၣ် ဘၣ်ထွဲလိာ်အသးဒီး တၢ်ဝံတၢ်နါအတၢ်ဖံးတၢ်မၤလီၤ. တၢ်အံၤပၣ်ဃုာ်စ့ၢ်ကီးဒီး တၢ်ဖိတၢ်လံၤတဖၣ်လၢ ပှၤသူအီၤဒ်သိး ကဒီသဒၢလီၤအသးလၢ တၢ်အၢတၢ်သီအဂီၢ်လီၤ.—၁ ကရံၣ်သူး ၁၀:၂၁.
အဝဲသ့ၣ်အစိကမီၤအဖီလာ်သ့ဒ်လဲၣ်န့ၣ်လီၤ. အဒိ ပှၤတနီၤလၢ အအိၣ်လၢဝ့ၢ်အ့းဖ့းစူးအပူၤန့ၣ် တချုးလၢ အဝဲသ့ၣ် မၤလိတၢ်မ့ၢ်တၢ်တီအဆၢကတီၢ် ဆဲးကျိးဝဲဒီး တၢ်ဝံတၢ်နါတဖၣ်န့ၣ်လီၤ. အဝဲသ့ၣ် ထူၣ်ဖျဲးထီၣ်လၢ တၢ်ဝံတၢ်နါအဖီလာ် လၢကျဲဒ်လဲၣ်. လံာ်စီဆှံစံးဝဲလၢ– “ပှၤအါဒံအါဂၤလၢ အမၤတ့ၢ်တၢ်မၤကဒါမဲာ် အတၢ်ဖံးတၢ်မၤ ဟဲစိာ်ပာ်ဖှိၣ်အလံာ်လၢ အသိၣ်လိအီၤဘၣ်ဃး တၢ်မၤတမံၤအံၤ အဂ့ၢ်တဖၣ်တပူၤဃီ ဒီးဒွဲၣ်အူကွံာ်ဝဲလၢ ကမျၢၢ်အမဲာ်ညါလီၤ.” (၁၅. ဒ်သိးပတြီဆၢ မုၣ်ကီၤလံၢ်ဒီးအတၢ်ဝံတၢ်နါ ကသ့အဂီၢ်ပကဘၣ်မၤဒံး တၢ်မနုၤလဲၣ်.
၁၅ ပှၤအိၣ်လၢ ဝ့ၢ်အ့းဖ့းစူးအပူၤတဖၣ် မၤဟးဂီၤကွံာ်အလံာ်အလဲၢ်တဖၣ်လၢ အဘၣ်ဃးဒီးတၢ်မၤကဒါမဲာ်န့ၣ်လီၤ. ဒီးပူၤကွံာ်အနံၣ်တဖၣ် ဝံၤအလီၢ်ခံ စီၤပီလူးကွဲးဝဲလၢ အဝဲသ့ၣ်ဘၣ် “ကနိ” ဒီးဘၣ်ဒုးတၢ်ဒီး “တၢ်နါ” အဖၢမုၢ်န့ၣ်လီၤ. (အ့းဖ့းစူး ၆:၁၂) အဝဲသ့ၣ် ဒွဲၣ်အူထီၣ်ကွံာ်အလံာ် ဝံၤဝဲဘၣ်ဆၣ် တၢ်ဝံတၢ်နါသ့ၣ်တဖၣ်န့ၣ် ဂုာ်ကျဲးစၢး မၤဘၣ်ဒိဘၣ်ထံးအဝဲသ့ၣ်ဒံးလီၤ. လၢတၢ်န့ၣ်အဃိ အဝဲသ့ၣ်ကဘၣ်မၤဒံး တၢ်မနုၤလဲၣ်. စီၤပီလူး တဲဘၣ်အဝဲသ့ၣ်လၢ– “လၢတၢ်ခဲလၢာ်အဖီခိၣ်န့ၣ်, ဒ်သိးသုမၤလီၤပံာ် မုၣ်ကီၤလံၢ်အပျၢ်မ့ၣ်အူခဲလၢာ် လၢအီၤကသ့ဒီး, ဟံးထီၣ်တၢ်နာ် အကတီၤတက့ၢ်.” (အ့းဖ့းစူး ၆:၁၆) ဖဲသုးဖိတဂၤ ဒုးတၢ်အဆၢကတီၢ်န့ၣ် အဝဲသူဝဲကတီၤ ဒ်သိး ကဒီသဒၢလီၤအသးအဂီၢ်လီၤ. ဒ်န့ၣ်အသိး ပတၢ်နာ်ဒီသဒၢပှၤသ့ဝဲလီၤ. ပမ့ၢ်နာ်ယဟိဝၤယွၤ လၢာ်လၢာ်ဆ့ဆ့န့ၣ် ယဟိဝၤယွၤ ကမၤစၢၤပှၤဒ်သိး ပကတြီဆၢ မုၣ်ကီၤလံၢ်ဒီး အတၢ်ဝံတၢ်နါတဖၣ်အဂီၢ်လီၤ.—မးသဲ ၁၇:၂၀.
၁၆. ပမၤဂၢၢ်ကျၢၤထီၣ် ပတၢ်နာ်ယဟိဝၤယွၤကသ့ဒ်လဲၣ်.
၁၆ ဒ်သိးပတၢ်နာ် ယဟိဝၤယွၤ ကဒိၣ်ထီၣ်အါထီၣ်အဂီၢ် ပကဘၣ်မၤဒ်လဲၣ်. ပကဘၣ်၁ ယိၤဟၣ် ၅:၅.
ဖး လံာ်စီဆှံကိးနံၤဒဲး ဒီးပကဘၣ်ဒိးသန့ၤပသးလၢကစၢ်ယွၤ ဒ်သိးအဝဲကဒီသဒၢပှၤအဂီၢ်လီၤ. ပတၢ်နာ် ယဟိဝၤယွၤ မ့ၢ်ဂၢၢ်ကျၢၤန့ၣ် မုၣ်ကီၤလံၢ်ဒီး အတၢ်ဝံတၢ်နါတဖၣ် မၤဘၣ်ဒိပှၤတသ့ဘၣ်.—၁၇. ဒ်သိးပကပူၤဖျဲးလၢ တၢ်ဝံတၢ်နါအစုပူၤအဂီၢ် ပဘၣ်မၤဒံးတၢ်မနုၤလဲၣ်.
၁၇ ခရံာ်ဖိလၢ အ့းဖ့းစူးအပူၤန့ၣ် ဘၣ်မၤဒံးတၢ်မနုၤလဲၣ်. အဝဲသ့ၣ် အိၣ်မူဘၣ်ဝဲလၢ ဝ့ၢ်လၢအပှဲၤဒီး တၢ်ဝံတၢ်နါအတၢ်ဖံးတၢ်မၤတဖၣ်န့ၣ်လီၤ. လၢတၢ်န့ၣ်အဃိ စီၤပီလူး တဲဘၣ်အဝဲသ့ၣ်လၢ– “ဘါထုကဖၣ်တၢ် . . . ကိးအကတီၢ်ဒဲး” တက့ၢ်. (အ့းဖ့းစူး ၆:၁၈) အဝဲသ့ၣ်ဘၣ်ဃ့ ယဟိဝၤယွၤ အတၢ်ဒီသဒၢ ကိးဆၢကတီၢ်ဒဲးလီၤ. ပဝဲသ့ၣ်စ့ၢ်ကီး ပအိၣ်မူဘၣ်လၢ ဟီၣ်ခိၣ်လၢအပှဲၤဒီး တၢ်ဝံတၢ်နါတဖၣ် အတၢ်ဖံးတၢ်မၤအကျါန့ၣ်လီၤ. လၢတၢ်န့ၣ်အဃိ ပဘၣ်ဃ့လၢ ယဟိဝၤယွၤ ကဒီသဒၢပှၤစ့ၢ်ကီးလီၤ. ဒီးပကဘၣ်သူ ယဟိဝၤယွၤအမံၤ လၢပတၢ်ထုကဖၣ်အပူၤလီၤ. (ဖး ကတိၤဒိ ၁၈:၁၀ တက့ၢ်.) ပမ့ၢ်ဃ့ဘါထုကဖၣ်လၢ ယဟိဝၤယွၤအအိၣ်ထီဘိန့ၣ် အဝဲဒၣ်ကစံးဆၢ ပတၢ်ထုကဖၣ် ဒီးပကထူၣ်ဖျဲးထီၣ်လၢ မုၣ်ကီၤလံၢ်အတၢ်စိတၢ်ကမီၤအဖီလာ် န့ၣ်လီၤ.—စံးထီၣ်ပတြၢၤ ၁၄၅:၁၉; မးသဲ ၆:၁၃.
၁၈, ၁၉. (က) ပမၤနၢၤ မုၣ်ကီၤလံၢ်ဒီးအတၢ်ဝံတၢ်နါတဖၣ် ကသ့ဒ်လဲၣ်. (ခ) တၢ်မၤလိ လၢခံတခါန့ၣ် ပကသ့ၣ်ညါဘၣ် တၢ်သံကွၢ် မနုၤတဖျၢၣ်အတၢ်စံးဆၢလဲၣ်.
၁၈ ပမ့ၢ်သန့ၤပသးလၢ ယဟိဝၤယွၤ ဒီးမၤဟးဂီၤကွံာ် ပတၢ်ဖိတၢ်လံၤလၢ အဘၣ်ထွဲလိာ်အသးဒီး တၢ်ဝံတၢ်နါအတၢ်ဖံးတၢ်မၤန့ၣ် ပတြီဆၢ မုၣ်ကီၤလံၢ်ဒီး အတၢ်ဝံတၢ်နါတဖၣ် သ့ဝဲလီၤ. ဒီးပမ့ၢ်မၤဒ်န့ၣ်န့ၣ် ပပျံၤအဝဲသ့ၣ်အလီၢ်တအိၣ်ဘၣ်. (ဖး ယၤကိာ် ၄:၇, ၈ တက့ၢ်.) ယဟိဝၤယွၤန့ၣ် အဂံၢ်အဘါဆူၣ်န့ၢ်ဒံး တၢ်ဝံတၢ်နါတဖၣ် စၢၢ်တလၢၢ်လီၤ. ကစၢ်ယွၤ စံၣ်ညီၣ်အဝဲသ့ၣ်လၢ စီၤနိအၤအစိၤ ဒီးခါဆူညါန့ၣ် ယွၤကမၤဟးဂီၤကွံာ်အီၤလီၤ. (ယူဒၤ ၆) ပကဘၣ် သ့ၣ်နီၣ်ထီၣ်က့ၤလၢ ပတဒုးတၢ်ထဲတဂၤဧိၤဘၣ်. ယဟိဝၤယွၤ သူဝဲမူခိၣ်ကလူးတဖၣ်လၢ ကဒီသဒၢပှၤအဂီၢ်န့ၣ်လီၤ. (၂ စီၤပၤ ၆:၁၅-၁၇) ပနာ်သ့သပှၢ်ကတၢၢ်လၢ ပမ့ၢ်ဒိးန့ၢ်ဘၣ်ယဟိဝၤယွၤအတၢ်မၤစၢၤန့ၣ် ပကမၤနၢၤ မုၣ်ကီၤလံၢ်ဒီးအတၢ်ဝံတၢ်နါတဖၣ်လီၤ.—၁ ပ့းတရူး ၅:၆, ၇; ၂ ပ့းတရူး ၂:၉.
၁၉ ဘၣ်ဆၣ် မုၣ်ကီၤလံၢ်ဒီးအတၢ်ဝံတၢ်နါတဖၣ် ဒုးအိၣ်ထီၣ် တၢ်ကီတၢ်ခဲ ထဲအံၤညါန့ၣ် ဘၣ်မနုၤအဃိ ကစၢ်ယွၤ တမၤဟးဂီၤကွံာ်အဝဲသ့ၣ်လဲၣ်. တၢ်သံကွၢ်တဖျၢၣ်အံၤ အတၢ်စံးဆၢန့ၣ် ပကထံၣ်ဘၣ်လၢ တၢ်မၤလိ လၢခံတခါအပူၤလီၤ.