1. Lephelo re le neyye ke mang?

JEHOVA “ke Modimo wa go phela.” (Jeremiya 10:10) Re makiye ke yene, fote re phela ka taba lage. Baebele yi re: “O makiye dilo ka moka, fote ke tsowa di gona ka taba la gore go nyakiye wene.” (Kutullo 4:11) Eya, Jehova ke mo a nyaka re phele. Lephelo ke selo se segolo so a re neyyeng sona.—Bala Pisalema 36:9.

2. Re ka maka byang gore lephelo la rune le yeme gabutši?

² Jehova o re neya dilo tso re di nyakang gore re thogo ya mahlong re phela, tsa go tshwana le tsa go ja le meetši. (Mebereko 17:28) Mara ka matlamatla, o nyaka go re bona re jabolela lephelo. (Mebereko 14:15-17) Mo re nyaka go yema gabutši ka tsa lephelo, di nyaka re theetsele melawo ya Modimo.—Jesaya 48:17, 18.

3. Jehova o yye a maka ying nakwela Kayini a bolayye Abele?

³ Baebele yi re tšhutisa gore maphelo ya rune le ya batho ba bangwana, Jehova o ma tseyela gedimo ka matla. Mo re fo beyisa, nakwela morwayi wa Adamo le Efa yela ba reng ke Kayini a tubele monyananage yela ba reng ke Abele, Jehova o yye a mmotsa gore di nyaka a tšhute go kgiba le mo a na a kwatiye. Mara Kayini aa theetsela, o yye a napa a ro fufulela ka matla, “a šinya a teya monyanana wage Abele a napa a ro bolaya.” (Genesi 4:3-8) Jehova o yye a mo lukisa ga Kayini ka taba la gore a bolayye Abele. (Genesi 4:9-11) Byalo, di ya šupetsa gore go kwata le go hloya batho go kotsi ka taba la gore di ka maka gore re kwaletse batho ba bangwana kela re be le lešidi. Motho wa mohlobo wonone a ka sa le bone lephelo la go ya go yye. (Bala 1 Johane 3:15.) Mo ka nnete re di nabela go  jabodisa Modimo, di nyaka re tšhute go kwana le batho ka mokana ga bona.—1 Johane 3:11, 12.

4. Melawo yo Modimo a yi neyyeng Maisrayele yi re tšhutisa ying ka lephelo?

⁴ Mengwaga ya go tlala ka nthago, Jehova o yye a šupetsa gabutši gore lephelo o le tseyela gedimo mo a šinya a neya Moše Lesome la Melawo. Molawo wo mongwana gana hone wo re: “O sa bolaye.” (Dotoronoma 5:17) Mo motho a bolayye ye mongwana ka bomu, le yene ke mo ba mmolaya.

5. Modimo o re king ka go ntsha mpa?

⁵ Modimo o re king mo motho a ntsha mpa? Le mong lephelo la ngwana wa gore o sa le ka mpeng o le tseyela hlogong. Ga Molawo wo Jehova a wo neyyeng Maisrayele, Jehova o yye a hlaya gore mo motho a ka fo kwaletsa mosadi wa gore o na le mpa ke mokane ngwana wa mosadi yene a kgwa, motho yene ke mo ba mmolaya. (Bala Eksoda 21:22, 23; Pisalema 127:3.) Sowa se re tšhutisa gore go ntsha mpa a yi tsona.—Lebelela Setwaba sa 28.

6, 7. Re ka mo šupetsa ka ying ga Jehova gore a re kgane ka lephelo?

⁶ Re ka mo šupetsa byang ga Jehova gore re hlompa lephelo la rune le la batho ba bangwana? Re ka mo šupetsa ka go sa make dilo tsa gore di ka kwaletsa rune kela batho ba bangwana. Re nyoko kganela kgole le dilo tsa go tshwana le go kgokga mafole, dipatša, seneyifi kela didraksi, ka taba la gore di ya kwaletsana fote di ya bolaya.

⁷ Modimo o re neyye lephelo le mmele wo re nang nawo, byalo di nyaka gore re phele ka mokgo yene a nyakang. Mmele wa rune di nyaka re wo tshwara gabutši. Mo re ka sa make ka mokgonone, Modimo mo a re lebelela a ka sa re tseye re yediye. (Maroma 6:19; 12:1; 2 Makorente 7:1) Re nyoko ba re sa bolabole nnete mo re re re berekela Jehova wa gore o re neyye lephelo, mara ka thoko re kene re kgana ka lephelo. Le mo re na re di tšiba gore dilo tsowa a yi tsona, go ka fo thathafa ka matla gore re di lesetse ka taba la gore di šele di topele  ho mmeleng, mara Jehova o nyoko re gelepa mo re kene re lwa natso ka matla, go šupetsa gore le rune a re nyake go kgana ka lephelo.

8. Di nyaka re make ying gore o sa kraye re kwalele kela re kwaletsiye batho ba bangwana?

⁸ Re tšhutiye gore lephelo a yi la go kgana ka lona. Jehova o re tshepa ka matla gore re ka sa tsoge re kganne ka lephelo la rune kela la ba bangwana. Re šupetsa tsotsone ka mokgo re dhrayivang dikoloyi tsa rune, dithuthuthu kela dikoloyi tse dingwana. Mekgano ya gore yi kotsi kela ya go kwaletsana a re yi kgane. (Pisalema 11:5) Re leketsa le go maka gore ba bangwana ba sa kwalele mo ba kena mitšing ya rune. Jehova o butsiye Maisrayele gore: “Mo o yaga ntlo ya nyuwane, ka ku gedimo ga yona o make morutudu [kela, lepharo le lenyana], gore o sa kraye motho a fegologiye ke mokane ntlo yago ya ba le molato wa madi.”—Dotoronoma 22:8.

9. Dipholwane go nyaka re di tshwara byang?

⁹ Le taba ya gore diphoofolo kela dipholwane re di tshwara byang, Jehova o yi tseyela hlogong. O re go lukiye go bolaya dipholwane mo re nyaka go di ja kela re nyaka go maka tsa go yapara, fote o re pholwane re ka yi bolaya mo nkare yi ka re lwadisa kela go re kwaletsa. (Genesi 3:21; 9:3; Eksoda 21:28) Mara a go nyake re ba le lešidi, o kraya re fo bolayetsela diphoofolo re makela go fo kgana kela go tijabodisa.—Diyema 12:10.

10. Re tšiba ka ying gore madi ke setšha go le lephelo?

¹⁰ Jehova o re madi ma hlawolegiye ka taba la gore lephelo le ho ga wona. Nakwela Kayini a fetsa go bolaya Abele, Jehova o yye a re gage: “Madi ya bhuti wago maa ng’yahlamela ma le hala mobung.” (Genesi 4:10) Madi ya Abele ke mo go le setšha go le lephelo lage, byalo Jehova o yye a mo lukisa ga Kayini ka taba la gore a bolayye Abele. Ka nthago ga Mogogola nakwela ya Nnowa, Jehova o yye a šupetsa fote gore madi ke lephelo.  Jehova o yye a botsa Nnowa le ba mutši wage gore go lukiye gore ba je nama ya dipholwane. Ke mokane a re: “Pholwane ye nngwana le ye nngwana ya go phela le ka na la tijela. Ke le neya tsona go fo tshwana le merogo yo ke le neyyeng ke re janeneng.” Mara, Jehova o yitseri go na le selo ka ssoši sa gore a baa tshwanela go se ja, o yitseri: “Mara nama ya go ba le lephelo la yona—madi ya yona—le sa yi ji.”—Genesi 1:29; 9:3, 4.

11. Modimo o yitseri king mo a bolabola le setšhaba sa Israyele ka taba ya madi?

¹¹ Mo go šele go fitiye 800 ya mengwaga Jehova a butsiye Nnowa gore a sa ji madi, o yye a botsa le batho bage gore: “Mo go ka fo ba le Leisrayele kela motho wa go tšwa a sepela wa gore o dula le lune, ke mokane mo a ye tsomeng a tshwara pholwane ya hlaga kela nonyane ya gore ya jiwa, o tshwanele a yi ntshe madi ke mokane a ma fatele ka mobu.” A boya a re: “Le sa ji madi.” (Lefitiko 17:13, 14) Jehova ke mo a sa na a nyaka batho bage ba di tšiba gore madi ma hlawolegiye. Nama ba ka tijela, mara madi e-e. Mo ba bolayye pholwane ya gore ba nyoko yi ja, ne di nyaka ba falatse madi ya yona ho mobung.

12. Makreste ma tseya madi byang?

¹² Mo go šele go fitiye mengwaga ka nthago ga likgu la Jeso, mapostola le ba bagolo ba phutego ya Sekreste ya Jerusalema ba yye ba gahlana gore ba bone gore ke yifeng melawo yo Modimo a yyeng a yi neya Maisrayele ya gore yi sa na yi bereka le ga bona. (Bala Mebereko 15:28, 29; 21:25.) Jehova o ba gelepiye, ba thogo kwisisa gore o sa na a tseyela madi hlogong le gore ne di nyaka le bona ba ma tseye go le ya go hlawolega. Makreste ya ku botala ke mo ma sa tshwanela go ja madi kela go ma nwa fote le nama ya gore a ya ntshiwa madi gabutši ke mo ma sa tshwanela go yi ja. Mo ba ka fo maka sosone, ke mo go le setšha ba rapela medimonyana ya dithombhe kela ne ba nyoko tseyiwa go tshwana le batho ba go šita go titshwara. Go tlugisela gana mone, Makreste ya mannete ma yye ma gana go ja madi le go ma nwa. Lekgono gona go byang? Jehova o sa na a nyaka gore le rune re gopole gore madi ma hlawolegiye.

13. Ke ntaba Makreste ma sa tšhediwi madi?

 ¹³ Ayitsano taba yowa yi rela gore Makreste a maa tshwanela go tšhediwa madi? Nnete go fo ba sone. Jehova o re butsiye gore re sa ji kela go nwa madi. Mo dogotela a ka fo re o sa sa nwa mokgete, nje o ka leketsa go wo tšhela ho mmeleng wago ka mokgwa wo mongwana, go tshwana le go wo hlabela? Awwa! Le molawo wa gore re sa ji kela go nwa madi wo rela gore le go tšhediwa madi re sa tšhediwi.—Lebelela Setwaba sa 29.

14, 15. Mokreste o yi tseyela hlogong go segela kaye taba ya go hlompa lephelo le go theetsela Jehova?

¹⁴ Byalo re ko maka byang mo dogotela yi re botsa gore re nyoko kgwa mo re ka sa tšhele madi? Di ga motho ye mongwana le ye mongwana gore a tikgetele gore yene o nyaka go kwa molawo wa Modimo ga taba ya madi kela byang. Makreste ma le hlompa ka matla lephelo lo Modimo a ma neyyeng lona, fote re leketsa go kraya mekgwa ye mengwana ya go yalafiwa gore re ye mahlong re phela; mara madi a re tšhele.

¹⁵ Re leketsa ka matla gore re dule re philegiye, mara ka gore taba ya madi ke ye kgolo ka matla ga Modimo, madi re ka sa tsoge re tšhediye. Di gabutši ka matla gore re theetsele Jehova, o sa kraye re sa mo theetsele re makisa ke gore re nyaka go lefisa lephelo. Jeso o yitseri: “Ye mongwana le ye mongwana ye a nyakang go phonisa lephelo lage o nyoko le loba, mara ye a le lobang ka taba laka o nyoko le kraya fote.” (Matewu 16:25) Re nyaka go theetsela Modimo ka taba la gore re mo nyaka ka matla. Ke yene a tšibang gabutši gore king so se re tshwaneleng, lephelo re le tseyela hlogong go tshwana le Jehova, fote re ya di tšiba gore le hlawolegiye.—Maheberu 11:6.

16. Ke ntaba bo go leng malata ya Modimo ba mo theetsela?

¹⁶ Malata ya Modimo ya go tshepega ma tikemisele go theetsela molawo wage ga taba yowa ya madi. Bo go leng malata yage ba ka sa ji madi kela go ma nwa, fote ba ka sa dumele go  tšhediwa madi le mo go ka fo ba go le byang. * Mara, baa dumela go yalafiwa gore ba thogo ya mahlong ba phela. Baa tshepa gore ye a makiyeng gore go be le lephelo le madi ke yene ye a tšibang tso di ba tshwaneleng. Nje le wene wa di tshepa tsa gore Modimo wa di tšiba tso di go tshwaneleng?

17. Ku Israyele, ke selo sefeng ka ssoši sa gore Jehova ke mo a dumele gore ba ka se maka ka madi?

¹⁷ Ga Molawo wo Jehova Modimo a wo neyyeng Moše, o butsiye Maisrayele gore: “Madi ma rwele lephelo la selo so se phelang, byalo nna ke le neyye wona gore le ma berekise aletareng mo le maka kwano [kela, le kgopela go tshwarediwa], ka taba la gore madi ke wona ma makang gore re kwane fote.” (Lefitiko 17:11) Mo Maisrayele ma sinnye, ke mo ma kgopela Jehova gore a ma tshwarele ka go maka sehlabelo ka pholwane ke mokane ma kgopela moprista gore a fafatsele madi ya mangwana ya yona aletareng ya tempeleng. Wowa ke mo go le wona mokgwa wo ntoši wo Jehova ne a dumelele Maisrayele gore ma berekise madi.

18. Sehlabelo sa Jeso se makiye gore go kgonege ying?

¹⁸ Mo Jeso a segela ho lefaseng, o yye a tseya sekala sa molawo wa dihlabelo nakwela a re neya lephelo lage, kela madi yage, gore re tshwarediwe ga tso re di sinnyeng. (Matewu 20:28; Maheberu 10:1) Ka mokgo lephelo la Jeso ke mo go le la seyemo sa gedimo ka gona, mo Jehova a fetsa go tsosa Jeso gore a ye phela legedimong, yene mong Jehova o yye a maka gore go thulege lešuba la gore batho ka mokana ga bona ba ka phela go ya go yye.—Johane 3:16; Maheberu 9:11, 12; 1 Petro 1:18, 19.

19. Di nyaka re make ying gore re ‘yele ga madi ya batho ka mokana ga bona’?

 ¹⁹ Re mo leboga ka matla ga Jehova gore o re neyye lephelo! Fote re nyaka go botsa batho gore mo ba ka fo dumela ga Jeso, ba nyoko phela go ya go yye. Batho re kwana nabo ka matla, fote re nyoko karakara gore re ba tšhutise so ba ka ga se makang gore ba kraye lephelo. (Hezekiyele 3:17-21) Le rune re nyaka go bolabola go tshwana le Pawulo wa lepostola nakwela a re: “Ke yediye ga madi ya batho ka mokana ga bona, ka taba la gore a ke ya gana go le botsa mantsu ya Modimo.” (Mebereko 20:26, 27) Mo re botsa batho ka Jehova, re boya re ba botsa gore lephelo o le tseyela hlogong, re šupetsa ka tsotsone gore nnete re le hlompa ka matla lephelo.