1. Tsela ya gabutši ya go rapela Modimo re ka yi botsa ke mang?

DI TLELE dikereke tso di bolabolang gore tsona di tšhutisa nnete ka Modimo. Mara taba yone a yi šupetsi go le nnete, ka taba la gore dikereke tsowa a di tšhutisi dilo tsa go tshwana mo di hlatolla gore Modimo ke mang le gore o nyaka re mmerekela ka mokgo mang. Byalo re ka yi tšiba byang tsela ya gabutši ya go rapela Modimo? Jehova ke yene a ntoši ye a ka re tšhutisang ka mokgo a nyakang re mo rapela kela go mmerekela.

2. O ka maka byang gore o tšhute tsela ya gabutši ya go rapela Modimo?

² Jehova o re neyye Baebele gore re thogo tšhuta mokgwa wa gabutši wa go mo rapela. Byalo tšhuta Baebele, ke mokane Jehova o nyoko maka gore tso a go tšhutisang tsona di go berekele ka taba la gore o go nyaka ka matla.—Jesaya 48:17.

3. Modimo o nyaka re maka ying?

³ Batho ba bangwana ba re dikereke ka mokana ga tsona di lukiye mahlong ga Modimo, mara Jeso aa re tšhutisa ka mokgonone. O yitseri: “A yi motho ye mongwana le ye mongwana wa gore ho gaka o re, ‘Morena, Morena,’ a nyoko kenang Mmušong wa magedimo, mara go nyoko kena ye a makang tso Papa a di nyakang.” Byalo di nyaka re ro ganya dikobo gore re thogo tšhuta ka tso Modimo a di nyakang ke mokane re di make. Yowa ke taba ye kgolo ka taba la gore Jeso o yitseri batho bo ba sa theetseleng Modimo ba tshwana le dikgohlane, “ke ba go maka tsa go sa yelane le molawo.”—Matewu 7:21-23.

4. Jeso o yitseri king ka taba ya go maka tso Modimo a di nyakang?

⁴ Jeso o yye a re sebela gore mo re kene re garagara re leketsa go maka tso Modimo a di nyakang, re nyoko hlakana le tsa go re phiriketsa. O yitseri: “Kenaneng ka setselane se sesesane,  ka taba la gore tsela ya go yisana ga go tšhatšhamela yi bulegiye fote yi yahlamme, bo ba sepelang ga yona a yi go tlala ga bona; mara setselane sa go ya lephelong ke se sesesane le go ro pitegetsana, fote a se kraye ke ba go tlala.” (Matewu 7:13, 14) Setselane sowa sa go pitegetsana, kela tsela ya mannete ya go rapela Modimo, se yisana lephelong la go ya go yye. Tsela ya go yahlama, kela tsela ya go kekema ya go rapela Modimo, yi yisana likgung. Mara Jehova aa nyake go kgwa motho le ka wwoši. O thulele ye mongwana le ye mongwana lešuba la gore a tšhute ka yene.—2 Petro 3:9.

5. Re ka ba tšiba ka ying bo ba rapelang Modimo ka mokgwa wa gabutši?

⁵ Jeso o yitseri re ka di kgona go hlawola bo ba rapelang Modimo ka mokgwa wa gabutši. Re ka ba bona mo re ka fo nyakolla tso ba di dumelang le tso ba di makang. O yitseri: “Le nyoko ba bona ka diyengwa tsa bona.” A boya a re: “Sehlare se sengwana le se sengwana sa gabutši se yengwa diyengwa tsa gabutši.” (Matewu 7:16, 17) Taba yone a yi rele gore bo ba rapelang Modimo a ba fele ba sinya. Mara malata ya Modimo ma dula ma garagara gore ma make tsa go loka. Tla re boneneng tso di ka ga re gelepang gore re thogo tšiba bo ba tshwereng nnete mo ba kene ba rapela Modimo.

6, 7. Ke ntaba Baebele go le yona yi šupetsang mokgwa wa nnete wa go rapela? Re ka tšhuta ying ga Jeso?

⁶ Mokgwa wa rune wa go rapela wo tshwanele wo sipidisane le so se bolabolang ke Baebele. Baebele yi re: “Mangwalo ka mokana ga wona ma butšwelele ke Modimo fote ma gelepa ka go tšhutisa, go kgala, go wolola dilo, go yetetsa ka go loka, gore motho wa Modimo a thogo lekanela ga tso a di tšibang, a thogo maka mmereko wo mongwana le wo mongwana gabutši.” (2 Thimothi 3:16, 17) Pawulo wa lepostola o ngwalele Makreste gore: “Nakwela lentsu la Modimo le segela ga lune, le botsa ke rune, le yye la le yamogela, a la le yamogela  go le lentsu la go tšwa ga batho, mara le le yamogele ka mokgo ka nnete le leng ka gona, go le lentsu la Modimo.” (1 Mathesalonika 2:13) Nnete yi ka teng ga Lentsu la Modimo, Baebele. A yi yi ka tso di naganang ke batho, ditšo kela selo se sengwana.

⁷ Dilo ka mokana ga tsona tso Jeso ne a di tšhutisa di tšwa Lentsung la Modimo. (Bala Johane 17:17.) Ga go tlala ke mo a berekisa Mangwalo. (Matewu 4:4, 7, 10) Malata ya mannete ya Modimo ma kopisela ga Jeso ka go maka gore dilo ka mokana ga tsona tso ma di tšhutisang, di tšwe ka Baebeleng.

8. Jeso o re tšhutisiye ying mo a bolabola ka taba ya go rapela Jehova?

⁸ Di nyaka re rapele Jehova a ntoši. Pisalema 83:18 yi re: “Wene, wa gore lebitso lago ke wene Jehova, ke wene o ntoši wa go ba Malenghelengheng gedimo ga lefase ka moka.” Jeso ke mo a nyaka batho ba di tšiba gore gabutšibutši Modimo wa mannete ke mang, a boya a tšhutisa batho lebitso la Modimo. (Bala Johane 17:6.) Jeso o yitseri: “Di nyaka le rapele Jehova Modimo wa lune, fote di nyaka le makele yene a ntoši mmereko wa go hlawolega.” (Matewu 4:10) Ke rune malata ya Modimo, byalo di nyaka re yekisele Jeso. Re rapela Jehova a ntoši, re berekisa lebitso lage fote re tšhutisa ba bangwana ka lebitso la Modimo le tso a nyoko tlang a re makela tsona.

9, 10. Re šupetsa ka ying gore re mamarelanne?

⁹ Di nyaka batho re kwane nabo tsa mannete. Jeso o tšhutisiye bo ba mo latelelang gore ba kwane kela go mamarelana. (Bala Johane 13:35.) A di yi ka gore motho o tšwa kaye, setšo sage ke sa mošaga mang, o ghannye kela wa tihlopegela. Go kwana kela go mamarelana ga rune di nyaka go make gore re be selo ka ssoši tsa nkare ke rune bobhuti le bosesi. (Makolosi 3:14) Ka taba la dilo tsone, a re yi dintweng re ye bolayanya batho. Baebele yi re: “Bana ba Modimo le bana ba Diyabolo ba tišupetsa ka taba yowa: Ye mongwana le ye mongwana wa gore aa tlwayela go maka tsa go loka aa tšwi ga Modimo, go tshwana le wa gore aa nyake ngwana gabo.” Yi tokega tse dingwana  fote, yi re: “Di nyaka re nyakanane; re sa tshwane le Kayini, wa gore o tšwa ga wa pelo ye phifadu ke mokane a šinya a bolaya ngwana gabo.”—1 Johane 3:10-12; 4:20, 21.

¹⁰ Re berekisa nako ya rune, matšhika le dilo tso re nang natso gore re gelepane le go tiyisana. (Maheberu 10:24, 25) Re “makela batho ka mokana ga bona tsa gabutši.”—Magalata 6:10.

11. Ke ntaba re re Jeso ke yene a nyoko makang gore re tšibane le Modimo?

¹¹ Di nyaka re theetsele Jeso ka taba la gore ke yene a makang gore re tšibane le Modimo. Baebele yi re: “A go na le ka wweši ye a nyoko makang gore re phone, ka taba la gore a go na mong lebitso le lengwana ka tlase ga legedimo la gore ba le neyye batho gore re thogo phona ka lona.” (Mebereko 4:12) Ga Tema 5 ya puku yowa, re tšhutiye gore Jehova o romme Jeso gore a tle ho lefaseng a tl’le kgwela bo ba theetselang gore a thogo ba lepolla. (Matewu 20:28) Jehova o hlawodiye Jeso gore go be yene Kgoši yo yi nyoko lawolang ho lefaseng. Baebele yi maka ke tsotsone mo yi šinya yi re botsa gore re theetsele Jeso mo re nyaka go phela go ya go yye.—Bala Johane 3:36.

12. Ke ntaba re sa kenakene tsa dipolotiki?

¹² A di nyake re kenakena tsa dipolotiki. Jeso a sanka a kenakena ga tsa dipolotiki. Nakwela a sekisiwa, o yye a botsa Pilato wa gore ke mo a lawola Roma a re: “Mmušo waka a wo hlakane felo le tsa lefase lowa.” (Bala Johane 18:36.) Re tseyela ga Jeso, le rune re mamarela Mmušo wa Modimo wa ku legedimong, fote ka taba la tsotsone, a re kenakene ga dilo tsa dipolotiki, le mo re ka ba re dula kaye. Mara, Baebele yi re re theetsele “ba bagolo bo ba lawolang,” yi ra ba mmušo. (Maroma 13:1) Re theetsela melawo ya dipoleke tso re dulang ga tsona. Mara mo molawo wo sa kwane le tso di bolabolang ke melawo ya Modimo, re nyoko tshwana le mapostola nakwela ma re: “Di nyaka re theetsele Modimo ye a lawolang, go seng batho.”—Mebereko 5:29; Mareka 12:17.

13. King so re se tšhutisang batho mo re kene re tšhomayela ka Mmušo wa Modimo?

 ¹³ Re tshepa gore Mmušo wa Modimo ke wona wo ntoši wo nyoko lukisang mathatha ya ho lefaseng. Jeso o yitseri “ditaba tsowa tsa Mmušo” di nyoko tšhomayediwa lefaseng ka mokana ga lona. (Bala Matewu 24:14.) A wo šiyo le ka wwoši mmušo wa batho wa gore wo ka maka tso re nyoko di makelang ke Mmušo wa Modimo. (Pisalema 146:3) Jeso o re tšhutisiye gore re rapelele Mmušo wa Modimo nakwela a re: “Maka gore Mmušo wago wo segele. Tso di nyakang ke wene di makege ho lefaseng, go fo tshwana le mo di makega legedimong.” (Matewu 6:10) Baebele yi re botsa gore Mmušo wa Modimo wo nyoko psyitlanya memmušo ka mokana ga yona ya batho ke mokane “go nyoko šala wona wo ntoši go ya go yye.”—Daniyele 2:44.

14. Wene o bona nkare ke bomang ba gore ba tshwere nnete?

¹⁴ Mo o šele o tšhutiye ka ditaba tsowa, tiputsise gore: ‘Ke bomang ba gore tso ba di tšhutisang di tšwa ka Baebeleng? Ke bomang ba gore ba tšhutisa batho ka lebitso la Modimo? Ke bomang ba gore ba šupetsana gore ka nnete ba mamarelanne kela go kwana fote baa di dumela tsa gore Modimo o romme Jeso gore a tle a re phonise? Ke bomang ba gore ga tsa dipolotiki a ba kenakene? Ke bomang bo ba tšhutisang gore Mmušo wa Modimo ke wona wo ntoši wo nyoko tlang wo lukisa mathatha ya rune?’ A go na ba bangwana, ke Dihlatse tsa Jehova fela.—Jesaya 43:10-12.

15. Di nyaka re maka byang mo re nyaka Modimo a yamogela tso re mo makelang tsona?

¹⁵ Go fo dumela gore Modimo o gona a gwa yenela. Phela le madimona maa dumela gore Modimo o gona, mara a ma mo theetsele. (Jakobo 2:19) Mo re nyaka Modimo a yamogela tso re mo makelang tsona, a di nyake re fo dumela gore o gona mara di nyaka re make le so a se bolabolang.

16. Ke ntaba di nyaka re kganela kgole le dikereke tsa matsaka?

 ¹⁶ Mo re nyaka Modimo a yamogela morapelo wa rune, di nyaka re kganela kgole le dikereke tsa matsaka. Moporofeta Jesaya o ngwadiye gore: “Napaneng le tšwa hone gage, le duleneng le yediye.” (Jesaya 52:11; 2 Makorente 6:17) Di nyaka gore le ka gonyana re sa šutele thina le selo se sengwana le sengwana sa gore se sipidisana le sedumedi mara go le matsaka.

17, 18. “Bhabhilona ye Mogolo” ba ra ying fote ke ntaba di nyaka re yakgoswa re tšwa ho ga yona?

¹⁷ Anthe kereke ya matsaka ke ya mohlobo mang? Ke kereke ye nngwana le ye nngwana yo yi tšhutisang gore re rapele Modimo ka mokgwa wa gore a wo kwane le tso di bolabolang ke Lentsu lage. Baebele mo yi bolabola ka dikereke tsa mošaga wonone yi re ke “Bhabhilona ye Mogolo.” (Kutullo 17:5) Ke ntaba di na le lebitso lone? Nakwela go se botala go fitiye Mogogola ka dinako tsa Nnowa, go yye gwa ba le dikereke tsa go tlala tsa gore ke mo di tšhutisa matsaka polekeng yo ba reng ke Bhabhilona. Matsaka yane ba ma tšhutisang ma yye ma tlalagana lefase ka mokana ga lona. Mo re beyisa, batho bo ne ba dula Bhabhilona ke mo ba rapela medimo ya mabitso ka mararo. Dikereke tsa go tlala lekgono di sa na di fo tšhutisa gore Modimo ke Mabitso ka Mararo, mara Baebele yi yedisa taba gabutši mo yi re go na le Modimo ka wwoši wa nnete, Jehova, fote Morwayi wage ke Jeso. (Johane 17:3) Batho ba ku Bhabhilona ke mo ba tshepa le taba ya gore mo motho a šele a kgwile, go na le selo se sengwana sa gore se šala se phela mo gage le gore selo sone se ka ya sa hlopegisiwa diheleng. Mong matsaka.—Lebelela Setwaba sa 14, sa 17 le sa 18.

¹⁸ Modimo o bolabodiye botala gore nako yi thina ya go fetsa ka dikereke tsa matsaka. (Kutullo 18:8) Nje wa di bona gore di nyaka o yakgoswe o lesetsa kereke ya matsaka? Jehova Modimo o re yakgoswa o tšwa go soko sinyega.—Kutullo 18:4.

19. Mo o ka tipotsa gore wene o nyoko berekela Jehova, yene o nyoko go makela ying?

¹⁹ Mo o fetsa le pelo gore o lesetsa kereke ya matsaka ke mokane  o berekela Jehova, banghana bago ba bangwana kela mašaga yago ba ka thomisa go tiputsisa gore anthe o ro kena king ba boya ba ro go tshwara lešidi. Mara Jehova yene a ka sa ro go kganyela le ka la mohlolo. Le wene o nyoko ba mutšing wa batho ba go teya ka ku ga dimiliyoni ba gore ba kwana tsa mannete, fote o ka tla wa phela go ya go yye ga lefase la nyuwane lo le tshepisang ke Modimo. (Mareka 10:28-30) O ka tla wa kraya mašaga yago ya mangwana kela banghana bo ne ba sa kwane le sepheto sago sa go berekela Jehova ba kwa le bona ba nabela go tšhuta Baebele.

20. Ke ntaba di nyaka re rapela Modimo ka mokgo a nyakang?

²⁰ Go se botala, Modimo o nyoko fetsa ka dilo ka mokana ga tsona tsa go kwisa go baba ke mokane Mmušo wage wo nyoko lawola lefaseng ka mokana ga lona. (2 Petro 3:9, 13) Yone go nyoko ba nako ya go jabodisa ka matla! Batho ka mokana ga bona ba nyoko rapela Jehova ka mokgo yene mong Jehova a nyakang. Byalo di nyaka o ro napa o ganya dikobo gore o thogo kena pateng ya mannete ya go rapela Modimo.