1, 2. ¿Mbaʼépa iporã eñeporandu, ha mbaʼérepa iñimportánte rejapo upéva?

JAHECHÁMA haguéicha, heta hénte heʼi oadoraha Ñandejárape, péro omboʼe térã ojapo umi mbaʼe ndogustáiva chupe (2 Corintios 6:17). Upévare Jehová omanda ñandéve ñasẽ hag̃ua “Babilonia Guasu” térã umi rrelihión fálsagui (Apocalipsis 18:2, 4). Upévare iporã reñeporandumi: “¿Asegítantepa amombaʼeguasu Ñandejárape ajapoháichante voi aikóvo térãpa amombaʼeguasúta chupe haʼe oipotaháicha?”. Káda uno jadesidi vaʼerã mbaʼépa jajapóta.

² ¿Ndépa rehejáma pe rrelihión fálsa? Oimérõ rejapóma, iporãiterei upéva. Péro ikatu hína oĩ umi kostúmbre ndegustáva gueteri pe rrelihión reheja vaʼekuégui ha ijetuʼúva ndéve repoiete hag̃ua chugui. Jahechamína umi kostúmbre ijetuʼuvéva la héntepe oheja hag̃ua ha mbaʼépa Jehová opensa umívare.

3. a) ¿Mbaʼérepa algúnope ijetuʼu oñemboʼe hag̃ua Ñandejárape umi sánto reheʼỹ? b) ¿Mbaʼépa heʼi la Biblia umi taʼangáre?

³ Oĩ heta hénte heta áñorema orekóva sánto térã nícho hógape, ha oipuru umíva oñemboʼe hag̃ua Ñandejárape. Oiméramo nde avei rejapo vaʼekue upéva, ikatu hína ijetuʼu ndéve reñemboʼe hag̃ua Ñandejárape umíva reheʼỹ. Péro nemanduʼa vaʼerã Jehová heʼi porãha ñandéve mbaʼéichapa oipota ñamombaʼeguasu chupe. La Biblia heʼi porã Jehová  ndoipotaiha jaipuru umi taʼanga jaadora hag̃ua chupe (elee Éxodo 20:4, 5; Salmo 115:4-8; Isaías 42:8; 1 Juan 5:21).

4. a) ¿Mbaʼérepa ndovaléi jajapo ñemboʼe umi ñane hénte omano vaʼekuépe g̃uarã? b) ¿Mbaʼérepa Jehová heʼi umi israelítape ani hag̃ua oñehaʼã oñekomunika umi omano vaʼekuéndi?

⁴ Heta hénte ojapo ñemboʼe ha hetave mbaʼe umi ihénte omano vaʼekuépe g̃uarã. Oĩ voi katu ojeruréva chupekuéra okuida hag̃ua hesekuéra. Péro ñaaprendéma kuri umi omanóva ndaikatuveimaha ñanepytyvõ ni ojapo ivaíva ñanderehe. Umi omano vaʼekue ndosegíri oikove ótro lugárpe. Naiporãi avei ñañehaʼã ñañeʼẽ hendivekuéra pórke haʼetéramo jepe la okontestáva ñandéve hikuái, umi demónio hína la ojapóva upéva. Upévare voi Jehová omanda vaʼekue umi israelítape ani hag̃ua oñehaʼã oñekomunika umi omano vaʼekuéndi ha omboykete hag̃ua oimeraẽ mbaʼe oúva umi demóniogui (Deuteronomio 18:10-12; ehecha nóta 26 ha 31).

5. ¿Mbaʼépa ikatu nepytyvõ anive hag̃ua reipuru taʼanga readora hag̃ua Ñandejárape ha anive hag̃ua remombaʼeguasu umi ne hénte omano vaʼekuépe?

⁵ ¿Mbaʼépa ikatu nepytyvõ anive hag̃ua reipuru taʼanga readora hag̃ua Ñandejárape ha anive hag̃ua remombaʼeguasu umi ne hénte omano vaʼekuépe? La Biblia heʼi porã Jehovápe ombojeguaruha koʼã mbaʼe. Upévare relee vaʼerã la Biblia ha reñehaʼã repensa haʼe opensaháicha (Deuteronomio 27:15). Tekotevẽ avei reñemboʼe Jehovápe káda día, ha rejerure chupe tanepytyvõ remombaʼeguasu hag̃ua chupe haʼe oipotaháicha (Isaías 55:9). Haʼe katuete nemombaretéta ha nepytyvõta rehejaite hag̃ua opa mbaʼe oúva umi rrelihión fálsagui.

6. ¿Mbaʼérepa oñeñepyrũ vaʼekue ojefesteha Jesús nasimiénto el 25 de diciembre?

⁶ Opárupi ko múndope ojefesteha pe Navidad ha heta  oĩ opensáva Jesús añetehápe onase hague el 25 de diciembre. Péro pe Navidad ou hína umi rrelihión fálsagui. Peteĩ Enciclopedia omombeʼu yma umi rrománo ofesteha hague pe kuarahy nasimiénto el 25 de diciembre. Ha umi rrelihión omoakãva oipotágui umi rrománo ojerovia avei Jesúsre, ofesteha hikuái Jesús nasimiénto el 25 de diciembre, haʼe nonaséiramo jepe upe féchape (Lucas 2:8-12). Jesús disipulokuéra ndofestehái vaʼekue pe Navidad. Peteĩ lívro heʼi 200 áñorupi Jesús ou rire ko yvy ape ári, “ndaiporivéima hague oikuaáva arakaʼetépa Jesús onase vaʼekue ha umi héntepe noimportaguasuiha voi upéva”. Pe Navidad ningo oñepyrũ vaʼekue ojefesteha 300 áñorupi Jesús ou rire ko yvy ape ári (Los orígenes sagrados de las cosas profundas).

7. ¿Mbaʼérepa umi kristiáno verdadéro ndofestehái pe Navidad?

⁷ Heta hénte oikuaa pe Navidad ha umi mbaʼe ojejapóva pe navidápe ouha umi rrelihión fálsagui. Por ehémplo, peteĩ tiémpore Inglatérrape ha unos kuánto país oĩvape Américape, ojeproivi kuri ojefesteha pe Navidad pórke oikuaa hikuái ouha umi rrelihión fálsagui ha ojekastiga voi umi ofestehávape. Péro kon el tiémpo umi hénte oñepyrũ jey ofesteha pe Navidad. ¿Mbaʼérepa umi kristiáno verdadéro ndofestehái pe Navidad? Pórke haʼekuéra ndojaposéi mbaʼeve oheja vaítava chupekuéra Ñandejára renondépe.

8, 9. ¿Mbaʼérepa umi kristiáno ypykue ndofestehái vaʼekue kumpleáño?

⁸ Heta hénte ofesteha ikumpleáño. ¿Iporãpa kristianokuéra ojapo upéva? La Biblia oñeʼẽ mokõi kumpleáñore añónte, péro umi persóna ofesteha vaʼekue ikumpleáño ndoadorái kuri Jehovápe (Génesis 40:20; Marcos 6:21). Pe kumpleáño ningo ojejapo ypy vaʼekue umi dios fálsope  g̃uarã. Upéicha rupi umi kristiáno ypykue “heʼi umi kumpleáño haʼeha peteĩ kostúmbre oúva umi rrelihión fálsagui” (The World Book Encyclopedia).

⁹ Yma umi rrománo ha umi griego heʼi vaʼekue káda persóna nasimiénto okoinsidiha peteĩ dios nasimiénto féchandi. Haʼekuéra heʼi upe dios espíritu oĩha presénte upe persóna onase jave. Ha ikatu hag̃uáicha upe dios oprotehe chupe oikove aja pukukue, ofesteha vaʼerã ikumpleáño.

10. ¿Mbaʼérepa naiporãi jafesteha kumpleáño?

¹⁰ ¿Ndépa ere Jehová oguerohoryha umi kostúmbre oúva umi rrelihión fálsagui? (Isaías 65:11, 12). Chupe ndogustaiete umíva. Upévare naiporãi jafesteha kumpleáño ni ótra fiésta oúva umi rrelihión fálsagui.

11. ¿Mbaʼérepa oĩ ofesteháva Navidad ha umi kostúmbre oúva umi rrelihión fálsagui? ¿Mbaʼépa iñimportanteve vaʼerã ndéve g̃uarã?

¹¹ Heta oĩ oikuaa porãva pe Navidad ha hetave arete ouha umi rrelihión fálsagui, péro lomímonte ofesteha umíva. Haʼekuéra opensa ndaivairiha oaprovecha upe oportunida okomparti hag̃ua ihentekuérandi. ¿Ndépa repensa avei péicha? Añetehápe ningo ndaivaíri ñakomparti ñande rogayguakuérandi. Jehová voi ningo oforma vaʼekue pe família ha upévare oipota javyʼa ha jahasa porã oñondivepa (Efesios 3:14, 15). Péro la iñimportantevéva hína ñaime porã Jehová renondépe, upévare ndajasegimoʼãi umi kostúmbre oúva umi rrelihión fálsagui japyta porãséguinte ñane hentekuérandi. Apóstol Pablo heʼi vaʼekue voi: “Pesegíkena pehechakuaa oĩ porãpa térãpa oĩ vai ñande Ruvichápe g̃uarã umi mbaʼe pejapóva” (Efesios 5:10).

12. ¿Mbaʼeichagua fiéstapa ndogustái Jehovápe?

¹² Oĩ avei heta heʼíva ndaivairiha jafesteha umi arete jaikuaa porãramo jepe ouha umi rrelihión fálsagui. Péro  Jehová nopensái upéicha. Haʼe ndoipotái jafesteha umi arete oúva rrelihión fálsagui ni umi ojejapóva oñemombaʼeguasu hag̃ua peteĩ persóna térã peteĩ paíspe. Por ehémplo, yma umi egipcio ojapo vaʼekue heta fiésta umi dios fálsope g̃uarã, ha umi israelita osẽ rire Egíptogui ojapo avei peteĩ fiésta ojapoháicha jepi umi egipcio ha heʼi guaʼu hikuái ojapoha “fiésta Jehovápe g̃uarã”. Péro Jehovápe ndogustái upéva ha okastiga chupekuéra (Éxodo 32:2-10). Upévare proféta Isaías heʼi vaʼekue: “Ani pepoko mbaʼeve ikyʼávare” (elee Isaías 52:11).

13. ¿Mbaʼépa ikatu hína reñeporandu reheja rire umi arete oúva umi rrelihión fálsagui?

¹³ Reheja rire umi fiésta oúva umi rrelihión fálsagui, ikatu hína reñeporandu heta mbaʼe. Por ehémplo: “¿Mbaʼéichaiko haʼéta umi che kompañéro de traváhope ndafestehaveimaha hendivekuéra pe Navidad? ¿Mbaʼépa haʼéta oñemeʼẽramo chéve peteĩ rregálo de Navidad? ¿Mbaʼépa ajapóta che ména térã che rembireko oipotáramo afesteha hendive Navidad térã ótra fiésta Jehová ndoguerohorýiva? ¿Mbaʼépa ikatu ajapo ani hag̃ua che familiakuéra oñeñandu vai ndorofestehái haguére peteĩ arete térã ikumpleáño?”.

14, 15. ¿Mbaʼépa ikatu rejapo oĩramo heʼíva ndéve felisidádes térã omeʼẽva ndéve rregálo peteĩ arete jave?

¹⁴ Repensa porã vaʼerã mbaʼépa rejapóta térã eréta káda situasiónpe. Por ehémplo, peteĩ nde rapicha heʼíramo ndéve felisidádes, naiporãmoʼãi ekirirĩnte chugui, ikatu ere grásiamante. Péro sapyʼánte ikatu hína reexplika mbaʼérepa nderefestehái Navidad térã ótro arete Jehová ndoguerohorýiva. Reñehaʼã vaʼerã rrespetuósamente ha pyʼaguapýpe porãnte emombeʼu mbaʼérepa nderejapói umíva. La Biblia heʼi voi: “Umi mbaʼe pejéva, siémpre iporã ha ijuky  vaʼerã, peikuaa hag̃ua mbaʼéichapa pembohováita káda persónape” (Colosenses 4:6). Ikatu ere chupekuéra ndéve ndegustaha umi rregálo ha rekompartiseha avei nde rapichakuérandi, péro nderejaposeiha upéva ojefesteha jave peteĩ arete Jehová ndoguerohorýiva.

¹⁵ ¿Mbaʼépa rejapóta oñemeʼẽramo ndéve rregálo ne kumpleáñope térã ótro arete jave? La Bíbliape ndeʼíri mbaʼépa jajapo vaʼerã umícha jave, péro ohechauka porã ñañehaʼã vaʼerãha siémpre ñanekonsiénsia potĩ (1 Timoteo 1:18, 19). Ikatu ningo oĩ omeʼẽva ndéve peteĩ rregálo ndoikuaáiguinte nde nderefestehaiha umi arete. Péro ikatu avei oĩ heʼíva ndéve: “Chéngo aikuaa nde nderefestehaiha umi arete, péro ameʼẽse ndéve ko rregálo”. Koʼã mokõi situasiónpe ndete redesidi vaʼerã rejagarrátapa upe rregálo térãpa nahániri. Péro tahaʼe haʼéva upe redesidíva, nderejapói vaʼerã peteĩ mbaʼe ndereja vaítava Jehová renondépe.

16. ¿Mbaʼépa rejapóta ne hentekuéra ofestehaséramo umi arete?

¹⁶ ¿Mbaʼépa rejapóta ne hentekuéra ofestehaséramo umi arete? Ndovaléi reiko vai hendivekuéra upe haguére. Nemanduʼa vaʼerã haʼekuéra ikatuha odesidi mbaʼépa ojapóta. Reñehaʼã vaʼerã siémpre retrata porã chupekuéra ha errespeta umi mbaʼe haʼekuéra odesidíva, nde reipotaháicha avei haʼekuéra orrespeta umi mbaʼe nde redesidíva (elee Mateo 7:12). ¿Mbaʼépa rejapóta ne hentekuéra okompartiséramo nendive peteĩ arete jave? Redesidi mboyve mbaʼépa rejapóta, eñemboʼe vaʼerã Jehovápe ha ejerure chupe tanepytyvõ. Iporãta avei rehekáramo umi informasión nepytyvõtava redesidi porã hag̃ua. Siémpre nemanduʼa vaʼerã iñimportanteveha hína reime porã Jehovándi.

17. ¿Mbaʼéichapa ikatu reipytyvõ ne famíliape ani hag̃ua oñeñandu vai ohecha jave umi ótro ofesteha kumpleáño térã ótro arete?

 ¹⁷ ¿Mbaʼéichapa ikatu reipytyvõ ne famíliape ani hag̃ua oñeñandu vai ohecha jave umi ótro ofesteha kumpleáño térã ótro arete? Ikatu reorganisa jepi avei chupekuéra peteĩ meriendaʼi térã remeʼẽ chupekuéra rregálo. La iporãvéva hína rehasa tiémpo ne famíliandi ha rehechauka rehayhuha chupekuéra.

18. ¿Mbaʼérepa jaha meme vaʼerã rreunionhápe?

¹⁸ Jehová ñandeguerohory hag̃ua tekotevẽ jahejaite umi kostúmbre ha arete oúva umi rrelihión fálsagui. Tekotevẽ avei ñamombaʼeguasu Jehovápe haʼe oipotaháicha. ¿Mbaʼéichapa ikatu jajapo upéva? Peteĩ mbaʼe ikatúva jajapo haʼe jaha meme rreunionhápe (elee Hebreos 10:24, 25). Umi rreunión ningo iñimportanteterei ñamombaʼeguasu hag̃ua Jehovápe haʼe oipotaháicha (Salmo 22:22; 122:1). Umi rreuniónpe ñañomokyreʼỹ ñande jerovia rupive (Romanos 1:12).

19. ¿Mbaʼérepa iñimportánte remombeʼu nde rapichakuérape umi mbaʼe reaprendéva la Bíbliagui?

¹⁹ Remombaʼeguasu hag̃ua Jehovápe haʼe oipotaháicha, iñimportánte avei reñeʼẽ nde rapichakuérape umi mbaʼe reaprendévare la Bíbliagui. Heta hénte ningo ojepyʼapy ohechávo umi mbaʼe oikóva ko múndope. Oiméramo nde reikuaa algúno oikóvape upéicha, emombeʼúkena chupekuéra umi mbaʼe porãite ojapótava Ñandejára. Reho meméramo rreunionhápe ha remombeʼúramo nde rapichakuérape umi mbaʼe reaprendéva rehóvo la Bíbliagui, ifasilvéta ndéve rehejaite hag̃ua opa mbaʼe oúva umi rrelihión fálsagui. Rejapóramo upéicha, katuete revyʼavéta ha Jehová nevendesíta reñehaʼã haguére remombaʼeguasu chupe haʼe oipotaháicha (Malaquías 3:10).