1, 2. Re ka tšhireletsega kaye?

YEMA re fo tseya gore ke wene yewa wa tisepelela pateng ke mokane go fo thomisa go tšutla moya wo mogolo wa go tla le pula. Hala sebakabakeng go thomisa go ba go go phifadu, go teya magadima le maduma ma teya o kwe nkare go ka bulega ho fase wa kena. O sa re ke tsotsone pula ke yonone ya falala. Ke mokane o thomisa go nyakanana le ga go wutama. Mo o re, o kraya poleke ya go tšhirela ya gore fote yi womme!

² Lefase le fo ba ka mokgonone. Lefase le dhunghega le dhunghegiye. O ka kraya o tiputsisa gore, ‘Nka tšhabela kaye mara?’ Mopisalema wa ka ho Baebeleng o ngwadiye gore: “Ke nyoko hlaya ke ra wene Jehova gore: ‘Ke wene legawu la ka, ke ngangarela wene, ke tshepiye wene Modimo waka.’” (Pisalema 91:2) Ka nnete Jehova a ka re maka gore re sa šekele ka dilo tso di re hlupang, fote o re tshepisa gore ku mahlong go nyoko jabodisa ka matla.

3. Re ka maka byang gore Jehova go be yene re tšhabelang gage?

³ Jehova a ka re tšhireletsa byang? A ka re gelepa gore re teye re feta ga dilo tso di re hlupegisang, fote o na le matšhika ya magolo ka matla go feta motho ye mongwana le ye mongwana ye a ka leketsang go re kwaletsa. Le mo go ka fo ba le selo sa go befa so se makegang gana byalo, re ka fo tshepa gore Jehova o nyoko tla a lukisa dilo ka mokana ga tsona ku mahlong. Baebele yi re: “Le makeneng gore Modimo a dule a le nyaka.” (Juda 21) Re nyaka go dula re le thina ga Jehova gore a thogo re gelepa mo lephelo le sasamela. Mara re ka di maka byang tsotsone?

4, 5. Jehova o re šupetsiye ka ying gore wa re nyaka?

⁴ Mo re nyaka go dula re le thina ga Jehova, di nyaka re di  tšibe gore o re nyaka ka matla. Nagana ka dilo ka mokana ga tsona tso Jehova a re makeleng tsona. O re neyye lefase la go bafala a boya a le tlatsa ka dimilane tsa go jabodisa le dipholwane. O re neyye le tsa go ja tsa go natefa le meetši ya go nwa. Ka ho Baebeleng, Jehova o re tšhutisiye gore lebitso lage ke yene mang le gore ke motho wa mohlobo mang. Se segolo ka matla so a re makeleng sona go šupetsa gore wa re nyaka ke nakwela a roma Morwayi wage ye a mo nyakang ka matla ho lefaseng, ye ba reng ke Jeso, gore a tl’le re kgweleng. (Johane 3:16) Ka taba la tsotsone, gana byalo re na le tshepo ya go jabodisa ya tso di nyoko makegang ku mahlong.

⁵ Jehova o makiye gore go be le Mmušo wa Mesiya, wa gore wo lawola wo le ku legedimong, fote wo nyoko tlosa mehlopego ka mokana ga yona. Mmušo wone wo nyoko maka gore lefase lowa go be pharadeyisi, ga gore motho ye mongwana le ye mongwana o nyoko phela gona a sa tšhoge selo fote a jabodiye go ya go yye. (Pisalema 37:29) Mokgwa wo mongwana wa gore Jehova o re šupetsiye gore wa re nyaka ke wa go re tšhutisa mokgwa wa gabutši wa go phela. Fote o re re mo rapele, ke mokane yene o nyoko dula a re theetsela. Jehova o šupetsiye motho ye mongwana le ye mongwana gore o re nyaka ka matla.

6. Di nyaka o make ying go šupetsa gore o yi tseyela hlogong taba yowa ya gore Jehova o go nyaka ka matla?

⁶ Di nyaka o make ying go šupetsa gore o yi tseyela hlogong taba yowa ya gore Jehova o go nyaka ka matla? Mo šupetse gore o leboga dilo ka mokana ga tsona tso a go makeleng tsona. Sa go babisa pelo ke gore batho ba go tlala lekgono a ba sa di maka tsa lebogana. Le nakwela Jeso a le ho lefaseng ke mo go fo ba ka mokgonone. Tšatši le lengwana, Jeso o yye a yalafa lesome la banna ba gore ke mo ba kenne ke bolwele bya lephera, mara go yye gwa fo leboga ka wwoši. (Luka 17:12-17) Rune re nyaka go tshwana le morenela wa go ka a leboga Jeso. Re nyaka go fo dula re leboga Jehova.

7. Ga Jehova re tshwanele re mo nyake ka matla go segela kaye?

 ⁷ Le rune di nyaka re mo nyake ka matla ga Jehova. Jeso o butsiye malata yage gore motho o tshwanele gore ga Jehova a mo nyake ka pelo yage ka mokana ga yona, ka boyene byage ka mokana ga byona le ka monagano wage ka mokana ga wona. (Bala Matewu 22:37.) Di ra gore king tsotsone?

8, 9. Re ka mo šupetsa ka ying ga Jehova gore re mo nyaka ka matla?

⁸ Nje go ko ba go yenele go fo bolabola gore ga Jehova re ya mo nyaka? E-e. Mo nkare ga Jehova re mo nyaka ka dipelo tsa rune ka mokana ga tsona, ka borune ka mokana ga byona le ka monagano wa rune ka mokana ga wona, re nyoko šupetsa ka tso re di makang gore nnete re ya mo nyaka. (Matewu 7:16-20) Baebele yi re tšhutisa gabutši gore mo nkare ga Modimo ra mo nyaka, re nyoko theetsela mo a re neya melawo. Nje di napa di thathafa tsotsone? Awwa, ka taba la gore “melawo ya Jehova a yi robe.”—Bala 1 Johane 5:3.

⁹ Mo re theetsela Jehova, re nyoko phela gabutši re jabodiye ra boya ra jabolela lephelo. (Jesaya 48:17, 18) Mara re nyoko gelepa king gore re dule re le thina ga Jehova? Tla re boneneng.

10. Ke ntaba di nyaka re ye mahlong re tšhuta ka Jehova?

¹⁰ O makiye byang gore o thogo ba monghana wa Jehova? Mo o kene o tšhuta Baebele, o yye wa mo tšiba gabutši ga Jehova ke mokane wa ba monghana wage. Senghana sowa se tshwana le mollo wa gore a wo nyake wo tima. Akere mollo wo nyaka gore re wo rotetse gore wo sa timi, le senghana sago le Jehova di nyaka o tšhute go ya mahlong o kene o maka gore se tiye.—Diyema 2:1-5.

11. Tso Baebele yi di tšhutisang di ka go tikisa byang?

¹¹ Mo o kene o tšhuta Baebele, o nyoko tšhuta dilo tsa gore ka nnete di nyoko go tikisa pelo. Nagana ka malata yala ka mabedi ya Jeso gore ma yye ma tikwa byang nakwela ma kwa hlatollo ya diporofeto tsa Baebele. Ma yye ma re: “Ayitsano  dipelo tsa rune ke mo di sa duri nakwela a bolabola le rune ku pateng, nakwela a re bulela Mangwalo ka go felegelela?”—Luka 24:32.

12, 13. (a) Le mo ga Modimo re na re mo nyaka, king sa gore se ka makega? (b) Re ka maka byang gore re ye mahlong re kene re mo nyaka ka matla ga Jehova?

¹² Malata ya Jeso ma yye ma kwa dipelo tsa wona di tikisega mo ma thomisa go kwisisa Mangwalo, le wene o nyoko kwa di go tikisa ka mokgonone mo o thomisa go kwisisa Baebele. Sosone se go gelepiye gore o tšibe Jehova wa boya wa kwa o mo nyaka ka matla. Byalo o sa lesetse ditaba tsa lune di šepa.—Matewu 24:12.

¹³ Mo o šele o thomisiye go nghanelana le Modimo, di nyaka o karakare gore senghana sa lune se sa pomegi. Di nyaka o ye mahlong o kene o tšhuta ka yene le ka Jeso o boye o nagane ka dilo tso o di tšhutang, wene mong o di bone gore o ka di berekisa byang ho o kene o phela. (Johane 17:3) Mo o bala kela o tšhuta Baebele, tiputsise gore: ‘Taba yowa ke yi balang yi  ntšhutisa ying ka Jehova Modimo? Ke ntaba ke tshwanele ke mo nyake ka pelo yaka ka mokana ga yona le ka so ke leng sona ka mokana ga sona?’—1 Thimothi 4:15.

14. Go rapela go re gelepa ka ying gore re dule re mo nyaka ka matla ga Jehova?

¹⁴ Mo o na le monghana wa gabutši, o bolabola naye gatleletlele, sosone se maka gore senghana sa lune se tiye. Le ga Jehova mo re ka fo bolabola naye gatleletlele ka thapelo, sone se nyoko maka gore re ye mahlong re mo nyaka ka matla. (Bala 1 Mathesalonika 5:17.) Taba ya go rapela re yi neyye ke Papa wa rune wa go re nyaka ka matla wa ku magedimong. Di nyaka re dule re mmotsa so se leng ka ho dipelong tsa rune. (Pisalema 62:8) A di nyake re rapela dithapelo tsa gore re di beyye ka mo hlogong, mara di nyaka re bolabole tso di tšwang dipelong tsa rune. Eya, mo re ka fo ya mahlong re tšhuta Baebele re boya re rapela di re baba, ditaba tsa rune le Jehova di ka sa šaše.

15, 16. O fo re king nje ka mmereko wowa wa go tšhomayela?

¹⁵ Mo re nyaka go dula re le thina ga Jehova, di nyaka le batho ba bangwana re ba botse ka so re se dumelang. Go botsa batho ba bangwana ka Jehova go jabodisa stereka. (Luka 1:74) Fote ke mmereko wa gore Jeso o wo neyye Makreste ka mokana ga wona. Ka mokana ga rune re tshwanele go tšhomayela ditaba tsa go bafala tsa Mmušo wa Modimo. Nje wene o šele o thomisiye?—Matewu 24:14; 28:19, 20.

¹⁶ Pawulo wa lepostola ke mo a wo tseyela hlogong ka matla mmereko wowa wa go tšhomayela; o yye a re taba yone ke “lekolwane.” (2 Makorente 4:7) Le wene di nyaka o yi make taba yowa ye kgolo ya go botsa batho ka Jehova le ka tso a nyoko tlang a di maka ku mahlong. O nyoko ba o šupetsa mo o maka tsotsone gore ga Jehova wa mmerekela, fote so o se segelelang o nyoko se jabolela ka matla. (Maheberu 6:10) Go tšhomayela go ka gelepa wene le batho bo o ba tšhomayelelang mo  ba ka go theetsela ka taba la gore bona le wene le ko thogo šutela thina ga Jehova la boya la kraya lephelo la go ya go yye. (Bala 1 Makorente 15:58.) Nje go na le mmereko wo mongwana wa gore wo ka maka gore pelo yago yi šale yi yitseri tswee?

17. Ke ntaba di nyaka re yakgoswe mo re maka mmereko wa go tšhomayela?

¹⁷ Di nyaka re yakgoswe mo re maka mmereko wowa wa go tšhomayela. Re tshwanele go “tšhomayela lentsu,” fote re make tsotsone “ka go yakgoswa.” (2 Thimothi 4:2) Batho ba tshwanele ba di kwelele tsa Mmušo wa Modimo. Baebele yi re: “Letšatši la Jehova le legolo le thina! Le thina fote le šutela ka go yakgoswa ka matla!” Lefase ‘le ka sa diyege’ go fela! (Zefaniya 1:14; Habakuku 2:3) Eya, go se botala, Jehova o nyoko fetsa ka lefase la Sathane la go befa. Mara mo tsotsone di soko bane di makega, di nyaka go be le ye a yeletsang batho gore ba yeme ka lethokong la Jehova.

18. Ke ntaba re tshwanele go rapela Jehova re na le Makreste ya mangwana ya nnete?

¹⁸ Jehova o nyaka gore re mo rapele re na le Makreste ya mangwana ya mannete. Baebele yi re: “Tla re yisaneneng hlogong gore re rotetse go nyakanana ga rune le go makelana mebereko ya gabutši, re sa lesetse go gahlana, go tshwana le bo ba tlwayeleng go maka tsotsone, mara re tiyisaneneng, ka matlamatla ka taba la gore le lune le ya di bona gore letšatši le ya šutela.” (Maheberu 10:24, 25) Taba yowa ya go ya megahlanong ka mokana ga yona a di nyake re tseya nkare ke ya go kgana. Mo re ya megahlanong, re thogo tiyisana.

19. Re ka gelepa king gore re ba nyake ka matla magageru ya Makreste?

¹⁹ Mo o ya megahlanong, o nyoko kraya banghana ba gabutši ba gore ba nyoko go gelepa go rapela Jehova. O nyoko ya o gahlana le magageru ba go tshwana nago, ba gore le bona baa karakara gore ba rapele Jehova. Le bona ba tshwana nago, a baa yenela mmeleng fote ba fela ba kekemisa go gongwana. Mo o ka fo tšhoga o ba bonne ba maka tsotsoneng, o yakgoswe o ba tshwarela. (Bala Makolosi 3:13.) Wene lebelela ka matla  ga dilo tsa go bafala tso di makang ke magageru ya Makreste, mo o maka tsotsone, o nyoko kwa o ba nyaka ka matla fote o nyoko šutela thina ka matla ga Jehova.

20, 21. “Lephelo la mannete” king?

²⁰ Jehova o nyaka gore banghana bage ba phele lephelo la go jabodisa. Baebele yi re tšhutisa gore lephelo la rune ku mahlong le nyoko le šiya kgole lo re le phelang lekgono.

²¹ Ku mahlong, re nyoko phela go ya go yye, re ka sa fo fetsa 70 kela 80 ya mongwaga ya lephelo ke mokane gwa napa go fela. Re nyoko “phela go ya go yye” re philegiye, re bebiye fote re jabodiye ga pharadeyisi ya go bafala. Baebele yi re lone ke “lephelo la mannete.” Jehova o tshepisa gore o nyoko re neya lephelo lowa la mannete, mara di nyaka re lwe ka matla gore re le “ngangarele.”—1 Thimothi 6:12, 19.

22. (a) Re ka maka byang gore re thogo “ngangarela lephelo la mannete”? (b) Ke ntaba re re lephelo la mannete a yi mogolo?

²² Re ka maka byang gore re thogo “ngangarela lephelo la mannete”? Di nyaka re “make dilo tsa go loka” ke mokane re “ghanye ga mmereko wa gabutši.” (1 Thimothi 6:18) Taba yowa yi rela gore dilo ka mokana ga tsona tso re di tšhutang Baebeleng, re di make. Mara, go kraya lephelo la mannete a di ye ka gore motho o karakara go segela kaye. Lephelo la go ya go yye a yi mogolo. Ke selo so Jehova a se neyang malata yage ya go tshepega, sosone se fo šupetsa gore “o na le pelo ye butši.” (Maroma 5:15) Ka nnete Papa wa rune o nyaka go neya malata yage ya go tshepega lephelo lowa.

23. Ke ntaba o tshwanele go maka sepheto sa gabutši gana byalo?

²³ Tiputsise gore, ‘Ayitsano ga Jehova ke mo rapela ka mokgo a nyakang?’ Mo o bona nkare di nyaka o wolole go gongwana, o sa sa jikajika. Mo re ka fo tisamela ka Jehova re boya re karakarela go mo theetsela, Jehova o nyoko ba legawu la rune. O nyoko dula a pasopa batho bage le mo go šele go segela nako ya gore a tlose lefase lowa la go befa la Sathane. Ke mokane  Jehova o nyoko maka gore re phele Pharadeyising go ya go yye, ka mokgonola a tshepisiyeng. Le wene o ka tla wa phela lephelo lone la mannete mo o ka fo segelela sepheto sa gabutši gana byalo!