باب نمبر 19
ہمیشاں یہوواہ خدا دے نیڑے رہوو
1، 2. مشکلاں نال بھری ایس دُنیا چ سانوں کون بچا سکدا اے؟
فرض کرو کہ تُسی کسے کم لئی گھروں باہر گئے ہوئے او۔ اچانک اسمان تے کالے کالے بدّل چھا جاندے نیں، بجلی کڑکن لگ پیندی اے تے بدّل گرجن لگ پیندے نیں۔ فیر تیز طوفانی بارش شروع ہو جاندی اے۔ تُسی ایہدے توں بچن لئی کوئی جگہ لبھنی شروع کردے او۔ کجھ دیر بعد توانوں اِک جگہ لبھ جاندی اے جِتھے پونچ کے توانوں سکون دا ساہ آؤندا اے۔
2 اَج کل اَسی کجھ ایسے طرحاں دی حالت چوں لنگھ رہے آں۔ دُنیا دے وِگڑدے ہوئے حالات کسے طوفان نالوں گھٹ نئیں۔ تُسی شاید سوچو کہ ایہناں بھیڑے حالاتاں چ مینوں پناہ کتھے مِل سکدی اے؟ خدا دے اِک بندے نے لکھیا کہ یہوواہ میری پناہ تے میرا گڑھ اے۔ اوہ میرا خدا اے جدے اُتے مَیں بھروسا رکھنا واں۔ (زبور 91:2) واقعی یہوواہ خدا ای سانوں مشکلاں توں بچا سکدا اے تے اِک ودھیا مستقبل دی امید دے سکدا اے۔
3. سانوں کیہہ کرن دی لوڑ اے تاکہ یہوواہ خدا ساڈی حفاظت کرے؟
3 یہوواہ خدا ساڈی حفاظت کیویں کردا اے؟ اوہ مشکلاں نال نبڑن چ ساڈی مدد کردا اے کیونکہ اوہ ساڈے دُشمناں نالوں کِتے زیادہ طاقتور اے۔ سانوں یقین اے کہ جے ساڈا کوئی نقصان ہو وی جائے تے یہوواہ خدا ویلا آؤن تے اوہنوں پورا کر دَوے گا۔ پاک کلام چ سانوں ہدیت کیتی گئی اے کہ اَسی خدا دی محبت چ قائم رہیے۔ (یہوداہ 21) فیر کیوں نہ اَسی خدا دے نیڑے رہیے تے اوکھے ویلے اوہدے کولوں مدد حاصل کریئے۔ پر اَسی خدا دے نیڑے کیویں رہ سکنے آں؟
خدا دی محبت لئی قدر وکھاؤ
4، 5. یہوواہ خدا نے ساڈے لئی محبت کیویں وکھائی اے؟
4 یہوواہ خدا دے نیڑے رہن لئی ایہہ سمجھنا ضروری اے کہ اوہ سانوں کِنّاں پیار کردا اے۔ ذرا اوہناں ساریاں برکتاں بارے سوچو جیہڑیاں اوہنے سانوں دِتیاں نیں۔ اوہنے سانوں سوہنی دھرتی دِتی اے جنہوں اوہنے رنگبرنگے پُھلاں نال سجایا اے تے ایہدے اُتے طرحاں طرحاں دے جانور وَسائے نیں۔ اوہنے سانوں مزےمزے دے پھل تے سبزیاں دِتیاں نیں تے پِین لئی صافستھرا پانی دِتا اے۔ اوہنے اپنے کلام دے ذریعے سانوں اپنے ناں تے اپنیاں صفتاں بارے دَسیا اے۔ سب توں ودھ کے اوہنے ساڈے لئی اپنے پیارے پُتر، یسوع نُوں قربان کیتا اے۔ (یوحنا 3:16) ایسے قربانی دی وجہ توں اَسی اِک ودھیا مستقبل دی امید رکھنے آں۔
5 یہوواہ خدا نے اِک اسمانی حکومت قائم کیتی اے جیہڑی بڑی چھیتی انساناں دے سارے مسئلیاں نُوں حل کر دَوے گی۔ ایہہ حکومت ساری زمین نُوں عدن وانگوں سوہنا بنا دَوے گی جِتھے سارے انسان ہمیشاں تک خوشی خوشی وَسن گے۔ (زبور 37:29) یہوواہ خدا دی محبت دا اِک ثبوت ایہہ وی اے کہ اوہ سانوں سکھا رہیا اے کہ اَسی ایس بھیڑے دَور چ بہتر زندگی کیویں گزار سکنے آں۔ اوہ چاہندا اے کہ اَسی اوہنوں اپنے دل دی گل دَسیئے تے اوہ ساڈیاں دُعاواں سُنن لئی ہمیشاں تیار رہندا اے۔ واقعی خدا نے ہر اِک انسان لئی بڑی محبت وکھائی اے۔
6. تُسی خدا دی محبت لئی قدر کیویں وکھا سکدے او؟
6 تُسی خدا دی محبت لئی قدر کیویں وکھا سکدے او؟ ایہدے لئی ضروری اے کہ تُسی اوہناں ساریاں برکتاں لئی اوہدا شکر کرو جیہڑیاں اوہنے توانوں دِتیاں نیں۔ ایہہ بڑے افسوس دی گل اے کہ اَج کل بوہت سارے لوک ناشکرے نیں۔ یسوع مسیح دے زمانے چ وی اِنج ای سی۔ اِک واری یسوع مسیح نے دس کوڑھیاں نُوں شفا دِتی پر اوہناں وچوں صرف اِک نے آ کے یسوع نُوں شکریہ کہیا۔ (لُوقا 17:12-17) سانوں اوس بندے ورگا ہونا چاہی دا اے جنہے یسوع مسیح نُوں شکریہ کہیا۔ آؤ فیر اَسی ہمیشاں یہوواہ خدا دی شکرگزاری کردے رہیے۔
7. سانوں یہوواہ خدا نال کِنّاں پیار کرنا چاہی دا اے؟
متی 22:37 نُوں پڑھو۔) ایس گل دا کیہہ مطلب اے؟
7 سانوں ایہہ وی ظاہر کرنا چاہی دا اے کہ اَسی یہوواہ خدا نُوں پیار کرنے آں۔ یسوع مسیح نے اپنے شاگرداں نُوں کہیا کہ اوہ یہوواہ خدا نُوں اپنے سارے دل، اپنی ساری جان تے اپنی ساری عقل نال پیار کرن۔ (8، 9. اَسی خدا لئی اپنا پیار کیویں ظاہر کر سکنے آں؟
8 ایہہ کہنا ای کافی نئیں کہ اَسی خدا نُوں پیار کرنے آں۔ سانوں اپنے کماں توں وی ظاہر کرنا چاہی دا اے کہ اَسی اوہنوں اپنے سارے دل، جان تے عقل نال پیار کرنے آں۔ (متی 7:16-20) خدا نال پیار دی وجہ توں سانوں اوہدے حکماں تے چلن دی ہلاشیری ملے گی۔ پر کیہہ ایہہ ساڈے لئی مشکل ہوئے گا؟ نئیں کیونکہ یہوواہ خدا دے حکم ساڈے لئی بوجھ نئیں۔—1-یوحنا 5:3 نُوں پڑھو۔
9 خدا دے حکماں تے چل کے سانوں خوشی تے اِطمینان ملے گا۔ (یسعیاہ 48:17، 18) پر اَسی خدا دے نیڑے رہن لئی کیہہ کر سکنے آں؟ آؤ ویکھئے۔
یہوواہ خدا نال اپنی دوستی نُوں ہور پکا کرو
10. توانوں یہوواہ خدا بارے کیوں سکھدے رہنا چاہی دا اے؟
10 تُسی یہوواہ خدا دے دوست کیویں بنے سو؟ تُسی پاک کلام دی تلیم حاصل کرنی شروع کیتی تے اِنج تُسی یہوواہ خدا نُوں ہور چنگی طرحاں جانن لگ پئے تے اوہدے دوست بن گئے۔ ایہہ دوستی اَگ وانگوں اے جیہڑی تُسی چاہندے او کہ ہمیشاں بلدی رہوے۔ جیس طرحاں لکڑیاں پاؤندے رہن نال اَگ بلدی رہندی اے اوسے طرحاں یہوواہ خدا بارے سکھدے رہن نال اوہدے نال تواڈی دوستی پکی رہندی اے۔—امثال 2:1-5۔
جیس طرحاں لکڑیاں پاؤندے رہن نال اَگ بلدی رہندی اے اوسے طرحاں یہوواہ خدا بارے سکھدے رہن نال اوہدے نال ساڈی دوستی پکی رہندی اے۔
11. پاک کلام دی تلیم دا تواڈے تے کیہہ اثر ہوئے گا؟
11 پاک کلام دی تلیم حاصل کردے رہن نال تُسی ایہو جہیاں گلاں سکھو گے جیہڑیاں تواڈے دل تے گُوڑھا اثر کرن گیاں۔ جدوں یسوع مسیح نے اپنے دو شاگرداں نُوں پاک کلام دِیاں کجھ لُوقا 24:32۔
پیشینگوئیاں سمجھائیاں تے اوہ بوہت خوش ہوئے۔ اوہناں نے کہیا کہ جدوں یسوع نے رستے وچ سانوں صحیفے سمجھائے سن تے کیہہ ساڈے دل جوش نال نئیں بھر گئے سن؟—12، 13. (الف) خدا لئی ساڈی محبت نال کیہہ ہو سکدا اے؟ (ب) اَسی خدا لئی اپنی محبت کیویں قائم رکھ سکنے آں؟
12 غور کرو کہ جدوں اوہ شاگرد صحیفیاں نُوں سمجھ گئے تے اوہ جوش نال بھر گئے۔ ایسے طرحاں جدوں تُسی پاک کلام دِیاں گلاں نُوں سمجھن لگ پئے تے تُسی وی جوش نال بھر گئے۔ تُسی یہوواہ خدا نُوں چنگی طرحاں جانن لگ پئے تے اوہنوں پیار کرن لگ پئے۔ ہُن تُسی کدی وی نئیں چاہوو گے کہ خدا نال تواڈے پیار دا بھانبڑ کدی بجھے۔—متی 24:12۔
13 خدا دے دوست بنن توں بعد توانوں ایس دوستی نُوں پکا رکھن لئی ڈاڈھی کوشش کرنی پئے گی۔ یہوواہ تے یسوع بارے سکھدے رہوو، اوہناں گلاں تے غور کردے رہوو جیہڑیاں تُسی سکھ لئیاں نیں نالے ویکھو کہ تُسی ایہناں اُتے عمل کیویں کر سکدے او۔ (یوحنا 17:3) بائبل دا مطالعیا کردے ویلے اپنے آپ توں پچھو کہ جو کجھ مَیں پڑھیا اے اوہدے توں مَیں یہوواہ بارے کیہہ سکھنا واں؟ مینوں اپنے سارے دل تے ساری جان نال خدا نُوں پیار کیوں کرنا چاہی دا اے؟—1-تیمُتھیُس 4:15۔
14. دُعا دے ذریعے خدا لئی ساڈی محبت کیویں ودھدی اے؟
14 دو دوستاں دی دوستی اوہدوں ای پکی رہندی اے جدوں اوہ آپس چ گلبات کردے رہندے نیں۔ ایسے طرحاں دُعا دے ذریعے خدا نال گلبات کردے رہن نال اوہدے لئی ساڈی محبت ودھدی اے تے اوہدے نال ساڈی دوستی پکی رہندی اے۔ (1-تھسلُنیکیوں 5:17 نُوں پڑھو۔) دُعا ساڈے اسمانی باپ وَلّوں اِک قیمتی تحفہ اے۔ سانوں رٹیاں ہوئیاں دُعاواں کرن دی بجائے دِلوں دُعا کرنی چاہی دی اے۔ (زبور 62:8) جے اَسی پاک کلام دی تلیم حاصل کردے رہواں گے نالے خدا نال دِلوں گلبات کردے رہواں گے تے فیر اوہدے لئی ساڈی محبت گُوڑھی ہوندی جائے گی۔
دُوجیاں نُوں یہوواہ خدا بارے دَسو
15، 16. خدا دی بادشاہی دی مُنادی کرن بارے تواڈا کیہہ خیال اے؟
15 یہوواہ خدا دے نیڑے رہن لئی ضروری اے کہ اَسی دُوجیاں نُوں اپنے ایمان بارے دَسیئے۔ دُوجیاں نُوں یہوواہ خدا بارے دَسنا بڑے مان دی گل اے۔ (لُوقا 1:74) ایہہ اِک ذمےداری وی اے جیہڑی یسوع مسیح نے سارے سچے مسیحیاں نُوں دِتی اے۔ ایس لئی سانوں ساریاں نُوں بادشاہی دی خوشخبری دی مُنادی کرن چ حصہ لینا چاہی دا اے۔ کیہہ تُسی ایس کم چ حصہ لے رہے او؟—متی 24:14؛ 28:19، 20۔
16 پولس رسول دی نظر چ مُنادی کرنا ایناں اہم سی کہ اوہناں نے ایہنوں اِک خزانہ آکھیا۔ (2-کُرنتھیوں 4:7) دُوجیاں نُوں یہوواہ خدا تے اوہدے مقصد بارے دَسن توں بوہتا اہم کم ہور کوئی نئیں۔ ایہہ کم کر کے اصل چ تُسی یہوواہ خدا دی خدمت کردے او جدی اوہ بوہت قدر کردا اے۔ (عبرانیوں 6:10) مُنادی دے کم توں صرف توانوں ای نئیں سگوں اوہناں لوکاں نُوں وی فائدہ ہوندا اے جیہڑے تواڈے پیغام نُوں سُن دے نیں۔ ایہدے ذریعے تواڈے نال نال دُوجے وی خدا دے نیڑے جا سکدے نیں تے ہمیشاں دی زندگی دی امید رکھ سکدے نیں۔ (1-کُرنتھیوں 15:58 نُوں پڑھو۔) کیہہ کسے ہور کم توں اینی خوشی تے سکون مِل سکدا اے؟
17. مُنادی کرنا بوہت ضروری کیوں اے؟
17 مُنادی کرنا بوہت ای ضروری اے۔ ایس لئی سانوں دل لا کے خدا دے کلام دی مُنادی کرنی چاہی دی اے۔ (2-تیمُتھیُس 4:2) ایہہ بوہت اہم اے کہ لوکاں نُوں خدا دی بادشاہی بارے دَسیا جائے۔ پاک کلام چ لکھیا اے کہ یہوواہ دا عظیم دن نیڑے وے ہاں اوہ بوہت لاگے آ گیا اے۔ اوہ پونچ ای گیا اے۔ واقعی ایس دُنیا دے خاتمے چ دیر نئیں ہوئے گی۔ (صفنیاہ 1:14؛ حبقوق 2:3) بوہت ای چھیتی یہوواہ خدا، شیطان دی ایس بدکار دُنیا نُوں ختم کر دَوے گا۔ پر ایس توں پہلے لوکاں نُوں خبردار کرنا بوہت ضروری اے تاکہ اوہ یہوواہ خدا دی عبادت کرن دا فیصلہ کر سکن۔
18. سانوں یہوواہ خدا دے لوکاں نال مِل کے عبادت کیوں کرنی چاہی دی اے؟
18 خدا چاہندا اے کہ اَسی اوہدے لوکاں نال مِل کے عبادت کریئے۔ بائبل چ لکھیا اے کہ آؤ اِک دُوجے بارے سوچدے رہیے تاکہ محبت تے چنگے کماں دی ہلاشیری دے سکیے۔ تے اِک دُوجے نال جمع ہون چ ناغہ نہ کریئے جیویں کجھ لوکاں دا معمول اے سگوں اِک دُوجے دا حوصلہ ودھائیے۔ تے ہُن تے ایہناں گلاں تے ہور وی زیادہ عمل کریئے کیونکہ اوہ دن نیڑے وے۔ (عبرانیوں 10:24، 25) ایس لئی سانوں خدا دے لوکاں دِیاں ساریاں عبادتاں تے جان دی پوری کوشش کرنی چاہی دی اے۔ ایہناں عبادتاں تے اِک دُوجے دا حوصلہ ودھاؤن دا موقع مِلدا اے۔
19. اَسی کیہہ کر سکنے آں تاکہ ساڈے دل چ ساڈے مسیحی بھین بھراواں لئی پیار ودھے؟
19 جدوں تُسی عبادتاں تے جاؤ گے تے اوتھے توانوں چنگے دوست مِلن گے جیہڑے یہوواہ خدا دی عبادت کرن چ تواڈی مدد کرن گے۔ تُسی ایہو جہے بھین بھراواں نُوں ملو گے جیہڑے تواڈے وانگوں ای یہوواہ خدا دی عبادت کرن لئی پوری کوشش کردے نیں۔ اوہ تواڈے وانگ ای گناہگار نیں تے غلطیاں کردے نیں۔ ایس لئی جدوں اوہ کوئی غلطی کرن تے اوہناں نُوں معاف کرن کُلسّیوں 3:13 نُوں پڑھو۔) ہمیشاں اپنے مسیحی بھین بھراواں دِیاں خوبیاں تے دھیان دینا کیونکہ اِنج تُسی اوہناں نُوں پیار کردے رہوو گے تے یہوواہ خدا دے ہور نیڑے ہو جاؤ گے۔
لئی تیار رہنا۔ (حقیقی زندگی نُوں پھڑ کے رکھو
20، 21. حقیقی زندگی کیہہ اے؟
20 یہوواہ خدا چاہندا اے کہ اوہدے دوستاں نُوں ودھیا زندگی ملے۔ اوہدے کلام بائبل چ دَسیا گیا اے کہ مستقبل چ مِلن والی زندگی اَج دی زندگی نالوں بالکل فرق ہووے گی۔
یہوواہ خدا توانوں حقیقی زندگی دینا چاہندا اے۔ کیہہ تُسی ایہنوں پاؤن دی کوشش کر رہے او؟
21 اوہدوں اَسی صرف 70 یاں 80 سال نئیں سگوں ہمیشاں تک زندہ رہواں گے۔ اَسی خوبصورت دھرتی تے سکون نال رہواں گے تے کدی بیمار نئیں ہونواں گے۔ بائبل چ ایس زندگی نُوں حقیقی زندگی کہیا گیا اے۔ یہوواہ سانوں حقیقی زندگی دینا چاہندا اے پر ایہنوں پھڑ کے رکھن دی ذمےداری ساڈی اے۔—1-تیمُتھیُس 6:12، 19۔
22. (الف) اَسی کیہہ کر سکنے آں تاکہ اَسی حقیقی زندگی نُوں گُھٹ کے پھڑ سکیے؟ (ب) اَسی حقیقی زندگی اپنیاں کوششاں نال حاصل کیوں نئیں کر سکدے؟
22 اَسی کیہہ کر سکنے آں تاکہ اَسی حقیقی زندگی نُوں گُھٹ کے پھڑ سکیے؟ سانوں بھلائی کرنی چاہی دی اے تے نیک کماں چ امیر بننا چاہی دا اے۔ (1-تیمُتھیُس 6:18) ایہدا مطلب اے کہ اَسی اوہناں گلاں تے عمل کریئے جیہڑیاں اَسی پاک کلام چوں سکھنے آں۔ پر حقیقی زندگی سانوں اپنیاں کوششاں نال نئیں ملنی۔ ایہدے اُتے ساڈا کوئی حق نئیں اے۔ ایہہ تے یہوواہ خدا وَلّوں اِک نعمت اے تے اوہدی عظیم رحمت دا ثبوت اے۔ (رومیوں 5:15) ساڈا اسمانی باپ اپنے وفادار بندیاں نُوں ایہہ نعمت واقعی دینا چاہندا اے۔
23. توانوں ہُن صحی فیصلے کیوں کرنے چاہی دے نیں؟
23 اپنے آپ توں پچھو کہ کیہہ مَیں خدا دی عبادت اوہدی مرضی دے مطابق کر رہیا واں؟ جے توانوں لگے کہ توانوں اپنی زندگی چ کجھ تبدیلیاں کرنیاں چاہی دِیاں نیں تے فوراً کرو۔ جدوں اَسی یہوواہ خدا تے بھروسا رکھنے آں تے اوہدے حکماں تے چلن دی پوری کوشش کرنے آں تے
اوہ ساڈی پناہ بن جاندا اے۔ اوہ شیطان دی ایس دُنیا دے آخری دِناں چ اپنے وفادار بندیاں دی حفاظت کرے گا۔ اوہ اپنے وعدے دے مطابق سانوں عدن وانگوں سوہنی زمین تے ہمیشاں دی زندگی دَوے گا۔ کیوں نہ فیر تُسی ہُن صحی فیصلے کرو تے حقیقی زندگی حاصل کرن دے قابل بنو۔