1, 2. Κον μπορίνελα τι αρακχαβέλ-αμέν αντιβές;

ΒΑΚΕΡ ότι πφιρέσα αβρί κο ντρομ εκ ντιβές σο ο καιρός ισί μπουτ μπέτι. Περέλα καρανίκι, αρχίνενα ο αστραπές ντα μπουμπουλίνελα. Αρχίνελα τι ντελ μπρισίμ. Ρόντεσα εκ τθαν τι γκεραβές-τουτ. Σο σουκάρ νιωθίνεσα όταν τελικά αρακχέσα εκ τθαν σο αρακχαβέλα-τουτ κατά μπρισίμ!

² Ο ντιβεσά σο τζουβντιάσα μοιάζενα ανταλέ παραδειγμάσαρ. Καζόμ τζάλα, ανταβά ντουνιάς αβέλα χειρότερος. Μπορεί τι βακερές: “Κον μπορίνελα τι αρακχαβέλ-μαν;” Ο ψαλμωδός γραφιντάς: «Κα βακεράβ κο Ιεχωβά: “Τούι αρακχαβέσα-μαν, τούι ισινάν μο κάστρος, μο Ντεβέλ σο τθεράβα τούτε εμπιστοσύνη”». (Ψαλμός 91:2) Βα, ο Ιεχωβά μπορίνελα τι λελ ο πφαριπέ σο τθεράσα κατά προβλήματα, ντα ντέλα-αμέν εκ μπουτ σουκάρ ελπίδα για το μέλλον.

3. Σαρ μπορίνασα τι κεράς ι Ιεχωβάς αμαρό «κάστρος»;

³ Σαρ μπορίνελα ο Ιεχωβά τι αρακχαβέλ-αμέν; Βοβ μπορίνελα τι βοηθίνελ-αμέν τι νικαβάς-λεν πέρα σαρέ αμαρέ προβληματέντζαρ, ντα ισί πιο ζουρανό σαρέ οντουλένταρ σο μπορεί τι κερέν αμένγκε κακός. Ατζέ-ντα άμα παθισάλαμ κάτι κακός ακανά, μπορίνασα τι αβάς σίγουροι ότι κο μέλλον ο Ιεχωβά κα διορθώνελ-λες. Η Αγία Γραφή βακερέλα αμένγκε: «Ατσσικιαρέν τουμαρό νεαυτός κι Ντεβλέσκι αγάπη». (Ιούδα 21) Πρέπει τι ατσσάς πασέ κο Ιεχωβά για τι μπορίνας τι νικαβάς-λεν πέρα κο δύσκολα ντιβεσά. Αλλά σαρ μπορίνασα τι κεράς-λες ανταβά;

4, 5. Σαρ σικαντάς ο Ιεχωβά πι αγάπη αμένγκε;

⁴ Για τι ατσσάς πασέ κο Ιεχωβά, πρέπει τι αγαβάς καζόμ  μπουτ μανγκέλα-αμέν. Σκέφτινε σαρέ οντουλά σο κερντάς αμένγκε ο Ιεχωβά. Ντινάς-αμέν εκ μπουτ σουκάρ πφουβ ντα πφερντάς-λα σουκάρ λουλούδια ντα ζώα. Ντινάς-αμέν επίσης λατσσέ πράγματα χαμάσκε ντα πάκι πανί για τι πιας. Αντράλ κατά Αγία Γραφή, ο Ιεχωβά σικλιαρντάς-αμέν πο ναβ ντα ο μπουτ σουκάρ ιδιότητες σο τθερέλα. Ο πιο μπαρό πράγμας σο κερντάς για τι σικαβέλ ότι μανγκέλα-αμέν ισινέ ότι μπουτσσαντάς κι πφουβ πι αγαπημέ Τσσαβές, ι Ιησούς, για τι ντελ πι ζωή αμένγκε. (Ιωάννης 3:​16) Ντα επειδή κερντάς ανταγιά θυσία, τθεράσα εκ μπουτ σουκάρ ελπίδα για το μέλλον.

⁵ Ο Ιεχωβά τσσουντάς ι Βασιλεία ι Ιησούσκι, εκ κυβέρνηση κο ουρανός, για τι νασκιαρέλ ατζεχάνικ σαρέ ο βάσανα. Η Βασιλεία κα κερέλ ι πφουβ παράδεισος ντα οτθέ σαρέ κα τζουβντιόν με ειρήνη ντα ευτυχία για πάντα. (Ψαλμός 37:​29) Κάτι γιαβέρ σο κερέλα ο Ιεχωβά για τι σικαβέλ πι αγάπη αμένγκε ισί ότι σικλιαρέλα-αμέν σαρ τι τζουβντιάς αζόμ πιο λατσσές αβέλα-πες ακανά. Επίσης, μανγκέλα τι προσευχίντιβας λέστε ντα ισί πάντα έτοιμος τι ασουνέλ αμαρέ προσευχές. Ο Ιεχωβά σικαντάς ξεκάθαρα πι αγάπη ι κάθε εκχέσκε αμένταρ.

6. Σο πρέπει τι κερές αφού ο Ιεχωβά σικαβέλα τούκε πι αγάπη;

⁶ Σο πρέπει τι κερές αφού ο Ιεχωβά σικαβέλα τούκε πι αγάπη; Σίκαβ ότι εκτιμίνεσα σαρέ οντουλά σο κερντάς τούκε. Δυστυχώς, μπουτ τζενέ αμαρέ ντιβεσέντε να σικαβένα εκτίμηση. Ο ίδιος αβέλας-πες όταν ο Ιησούς ισινέ κι πφουβ. Εκ φαρ, ο Ιησούς κερντάς λατσσές ντεσέ τζενέν σο τθερένας λέπρα, αλλά σάντε εκ τανό βακερντάς λέσκε ευχαριστώ. (Λουκάς 17:​12-17) Αμέν μανγκάσα τι αβάς σαρ οντουβά τζενό σο βακερντάς ευχαριστώ κο Ιησούς. Μανγκάσα πάντα τι εκτιμίνας οντουλά σο κερέλα ο Ιεχωβά.

7. Καζόμ μπουτ πρέπει τι μανγκάς ι Ιεχωβάς;

⁷ Πρέπει επίσης τι σικαβάς αμαρί αγάπη ι Ιεχωβάσκε.  Ο Ιησούς βακερντάς πι μαθητένγκε ότι πρέπει τι μανγκέν ι Ιεχωβάς σαρέ πουμαρέ γκίσαρ, σαρέ πουμαρέ ψυχιάσαρ ντα σαρέ πουμαρέ γκοντιάσαρ. (Διάβανε Ματθαίος 22:​37) Σο μανγκέλα τι βακερέλ ανταβά;

8, 9. Σαρ μπορίνασα τι σικαβάς κο Ιεχωβά ότι μανγκάσα-λες;

⁸ Ερεσέλα σάντε τι βακεράς ότι μανγκάσα ι Ιεχωβάς; Όχι. Άμα μανγκάσα ι Ιεχωβάς σαρέ αμαρέ γκίσαρ, σαρέ αμαρέ ψυχιάσαρ ντα σαρέ αμαρέ γκοντιάσαρ, κα σικαβάς-λες ανταβά οντουλέντζαρ σο κεράσα. (Ματθαίος 7:​16-20) Η Αγία Γραφή σικλιαρέλα ξεκάθαρα ότι, άμα μανγκάσα ι Ντεβλές, κα ασουνάς λέσκε εντολές. Ισί δύσκολος ανταβά; Όχι, επειδή «οντουλά σο βακερέλα [ο Ιεχωβά] νανέ πφαρέ».​—Διάβανε 1 Ιωάννη 5:3.

⁹ Όταν ντάσα καν ι Ιεχωβάς, απολαμβάνασα μπαγιά αμαρί ζωή. (Ησαΐας 48:​17, 18) Αλλά σο κα βοηθίνελ-αμέν τι ατσσάς πασέ κο Ιεχωβά; Πιο τελέ κα ντικχάς.

10. Σόσκε πρέπει τι συνεχίνες τι σικλιός ι Ιεχωβάσκε;

¹⁰ Σαρ αβιλάν αμάλ ι Ιεχωβάσκο; Αντράλ κατά Αγία Γραφή, γνωριντάν ι Ιεχωβάς πιο λατσσές ντα αρχισάλαν τι τθερές εκ φιλία λέσαρ. Ανταγιά φιλία ισί σαρ εκ γιακ σο να μανγκέσα τι μερέλ. Σαρ εκ γιακ χρειαζίντιβελα καστά για τι συνεχίνελ τι πφαμπόλ, αντικάς τούι-ντα πρέπει τι συνεχίνες τι σικλιός ι Ιεχωβάσκε για τι ατσσικιαρές ζουρανί ι φιλία σο τθερέσα λέσαρ.​—Παροιμίες 2:​1-5.

11. Σαρ κα κερέν-τουτ τι νιωθίνες οντουλά σο σικλιόσα κατά Γραφή;

¹¹ Καζόμ κα συνεχίνες τι διαβάνες ι Γραφή, κα σικλιός πράγματα σο κα τζαν αντρέ τι γκίστε. Ντικχ σαρ νιωσάλε ντούι μαθητές ι Ιησούσκε όταν ο Ιησούς εξηγίνελας λένγκε ο προφητείες ι Γραφιάκε. Βον βακερντέ: «Να πφαμπόνας αμαρέ γκιά όταν κερέλας αμέντζαρ λάφι κο ντρομ, ντα εξηγίνελας αμένγκε ντιπ ο Γραφές;»​—Λουκάς 24:32.

12, 13. (α) Σο κα μπορίνελας τι αβέλ κι αγάπη σο τθεράσα ι Ντεβλέσκε; (β) Σαρ μπορίνασα τι ατσσικιαράς αμαρί αγάπη ι Ιεχωβάσκε ζουρανί;

 ¹² Ακριβώς σαρ ι μαθητένγκε γκιά πφαμπόνας όταν αγαβένας ι Ντεβλέσκε λάφια, τούι-ντα μπορεί τι χαιρισάλαν μπουτ κάνα αρχισάλαν τι αγαβές ι Γραφή. Ανταβά βοηθιντάς-τουτ τι γνωρίνες ι Ιεχωβάς ντα τι μανγκές-λες. Να μανγκέσα τι σουρντιόλ ανταγιά αγάπη.​—Ματθαίος 24:12.

¹³ Άμα αβιλάν αμάλ ι Ντεβλέσκο, πρέπει τι προσπαθίνες μπουτ για τι ατσσικιαρές ανταγιά φιλία ζουρανί. Πρέπει τι συνεχίνες τι σικλιός λέσκε ντα ι Ιησούσκε ντα τι σκεφτίνες λατσσές οντουλά σο σικλιόσα ντα σαρ μπορίνεσα τι κερές-λεν τι ζωγιάτε. (Ιωάννης 17:3) Όταν διαβάνεσα ι Γραφή, σκέφτινε: “Σο σικλιαρέλα-μαν ανταβά ι Ιεχωβάσκε; Σόσκε πρέπει τι μανγκάβ-λες σαρέ μι γκίσαρ ντα σαρέ μι ψυχιάσαρ;”​—1 Τιμόθεο 4:15.

14. Σαρ βοηθίνελα η προσευχή τι ατσσικιαράς αμαρί αγάπη ι Ιεχωβάσκε ζουρανί;

 ¹⁴ Όταν τθερέσα εκχέ λατσσέ αμαλές, κερέσα λέσαρ λάφι μπουτ φαρ, ντα ανταβά κερέλα τουμαρί φιλία πιο ζουρανί. Ο ίδιος αβέλα-πες ι Ιεχωβάσαρ-ντα. Όταν κεράσα λέσαρ λάφι συνέχεια με προσευχή, ανταβά κερέλα ι αγάπη σο τθεράσα λέσκε πιο ζουρανί. (Διάβανε 1 Θεσσαλονικείς 5:​17) Η προσευχή ισί εκ μπουτ σουκάρ δώρος αμαρέ Νταντέσταρ σο ισί κο ουρανός. Πρέπει πάντα τι κεράς λέσαρ λάφι αντράλ αμαρέ γκίσταρ. (Ψαλμός 62:8) Δεν πρέπει τι σικλιάς αβριάλ αμαρί προσευχή ντα τι βακεράς κάθε φαρ ο ίδια λάφια, αλλά πρέπει τι βακεράς οντουλά σο νιωθίνασα μπαγιά. Βα, άμα κα συνεχίνας τι διαβάνας ι Γραφή ντα τι προσευχίντιβας αντράλ αμαρέ γκίσταρ, κα ατσσικιαράς ι αγάπη σο τθεράσα ι Ιεχωβάσκε ζουρανί.

15, 16. Σαρ νιωθίνεσα για το έργος ι Ντεβλέσκο;

¹⁵ Άμα μανγκάσα τι ατσσάς πασέ κο Ιεχωβά, πρέπει επίσης τι κεράς λάφι κο γιαβερά οντουλένγκε σο πακιάσα. Ισί μπουτ μπαρό προνόμιος τι κεράς λάφι ι Ιεχωβάσκε κο γιαβερά. (Λουκάς 1:​74) Ντα ανταβά ισί εκ εντολή σο ντινάς ο Ιησούς σαρέ κο αληθινοί Χριστιανοί. Ο κάθε εκ αμένταρ πρέπει τι βακερέλ ο λατσσέ αμπέρια ι Ντεβλέσκε Βασιλειάκε. Τούι κερέσα-λες ανταβά;​—Ματθαίος 24:​14· 28:​19, 20.

¹⁶ Ο απόστολος Παύλος πακιάλας ότι ο έργος ισινέ κάτι σο τθερέλας μπαρί αξία. Βακερντάς ότι ισί σαρ «θησαυρός». (2 Κορινθίους 4:7) Ο πιο σημαντικός πράγμας σο κα μπορίνεας τι κερές ισί τι βακερές κο γιαβερά ι Ιεχωβάσκε ντα λέσκε σκοπόσκε. Ισί εκ τρόπος τι υπηρετίνες ι Ιεχωβάς, ντα βοβ εκτιμίνελα οντουλά σο κερέσα λέσκε. (Εβραίους 6:​10) Όταν βακερέσα ο λατσσέ αμπέρια, ανταβά μπορίνελα τι βοηθίνελ εμ τουτ εμ οντουλέν σο ασουνένα-τουτ τι  πλησιάνεν ι Ιεχωβάς ντα τι τθερέν αιώνια ζωή. (Διάβανε 1 Κορινθίους 15:​58) Υπαρχίντιβελα καέκ γιαβέρ πράγμας σο κα μπορίνελας τι κερέλ-τουτ πιο ευτυχισμέ;

17. Σόσκε πρέπει τι κεράς ο έργος ι Ντεβλέσκο χωρίς τι χασαράς χρόνος;

¹⁷ Ο έργος ι Ντεβλέσκο πρέπει τι αβέλ-πες ακανά. Πρέπει τι “βακεράς ο λάφια ι Ντεβλέσκε” ντα τι “κεράς-λες ανταβά χωρίς τι χασαράς χρόνος”. (2 Τιμόθεο 4:2) Ο τζενέ πρέπει τι ασουνέν ότι η Βασιλεία ι Ντεβλέσκι αβέλα. Η Γραφή βακερέλα: «Ο μπαρό ντιβές ι Ιεχωβάσκο ισί πασέ. Ισί πασέ ντα αβέλα μπουτ σουγκό». Ο τέλος «να κα αργίνελ». (Σοφονίας 1:​14· Αββακούμ 2:3) Βα, ατζεχάνικ, ο Ιεχωβά κα καταστραφίνελ ι Μπενγκέσκε πφιρνέ ντουνιάς. Πριν τι αβέλ-πες ανταβά, πρέπει τι προειδοποιήνας ι τζενέν για τι μπορίνεν τι τραμπίνεν τι υπηρετίνεν ι Ιεχωβάς.

18. Σόσκε πρέπει τι ντας λατρεία ι Ιεχωβάς γιεκ ι γιαβερέ αληθινέ Χριστιανόντζαρ;

¹⁸ Ο Ιεχωβά μανγκέλα τι ντας-λες λατρεία γιεκ ι γιαβερέ αληθινέ Χριστιανόντζαρ. Η Γραφή βακερέλα: «Τι σκεφτίνας ντα τι βοηθίνας ο εκ ι γιαβερές για τι σικαβάς αγάπη ντα τι κεράς λατσσέ πράγματα, χωρίς τι τσσιναβάς τι τζας κο συναθροίσεις, σαρ κερντέ-λες συνήθεια μερικοί, αλλά τι ντας δύναμη ο εκ κο γιαβέρ, ντα ατζέ πιο μπουτ καζόμ ντικχένα τι ερεσέλ ο ντιβές». (Εβραίους 10:​24, 25) Πρέπει τι κεράς ο πιο λατσσό σο μπορίνασα για τι τζας σαρέ κο συναθροίσεις. Οτθέ τθεράσα ι ευκαιρία τι ενθαρρύνας ντα τι ντας δύναμη ο εκ κο γιαβέρ.

19. Σο κα βοηθίνελ-αμέν τι μανγκάς αμαρέ πφραλέν ντα αμαρέ πφενίν;

¹⁹ Κο συναθροίσεις, κα αρακχές λατσσέ αμαλέν σο κα βοηθίνεν-τουτ τι υπηρετίνες ι Ιεχωβάς. Κα αρακχές μπουτέ ντα διαφορετικέ πφραλέν ντα πφενίν σο προσπαθίνενα, σαρ τούι, τι κερέν ο πιο λατσσό σο μπορίνενα για τι υπηρετίνεν ι Ιεχωβάς. Επίσης ισί ατελείς, σαρ ισινάν τούι-ντα, ντα κερένα λάθη. Όταν κερένα λάθη, τι συγχωρίνες-λεν. (Διάβανε Κολοσσαείς 3:​13) Πάντα τι ντικχές ο λατσσίματα  σο τθερένα ο πφραλά ντα ο πφενιά κι Χριστιανική εκκλησία, σόσκε ανταβά κα βοηθίνελ-τουτ τι μανγκές-λεν ντα τι πλησιάνες ατζέκ πιο μπουτ ι Ιεχωβάς.

20, 21. Σο ισί η «πραγματική ζωή»;

²⁰ Ο Ιεχωβά μανγκέλα σαρέ λέσκε αμαλά τι τθερέν ι πιο λατσσί ζωή. Η Γραφή σικλιαρέλα-αμέν ότι αμαρί ζωή κο μέλλον κα αβέλ μπουτ διαφορετική από ό,τι ισί ακανά.

²¹ Κο μέλλον, κα τζουβντιάς για πάντα, όχι σάντε 70 ή 80 μπρεσά. Κα τθεράς «αιώνια ζωή» σε εκ σουκάρ παράδεισος με τέλεια υγεία, ειρήνη ντα ευτυχία. Ανταγιά ισί η «πραγματική ζωή» σο βακερέλα η Γραφή. Ο Ιεχωβά ντέλα πο λάφι ότι κα τθεράς ανταγιά πραγματική ζωή, αλλά αμέν πρέπει από ακανά τι κεράς σο νακχέλα αμαρέ βαστένταρ για “τι ασταράς-λα σικίς”.​—1 Τιμόθεο 6:​12, 19.

22. (α) Σαρ μπορίνασα “τι ασταράς σικίς ι πραγματική ζωή”; (β) Σόσκε να κα αξίναας ποτές τι κερδίνας ι αιώνια ζωή;

²² Σαρ μπορίνασα “τι ασταράς σικίς ι πραγματική ζωή”; Πρέπει “τι κεράς μπερεκέτι λατσσέ πράγματα”. (1 Τιμόθεο 6:​18) Ανταβά μανγκέλα τι βακερέλ ότι πρέπει τι κεράς αμαρέ ζωγιάτε οντουλά σο σικλιάσα κατά Αγία Γραφή. Όμως, καζόμ-ντα τι προσπαθίναας, να κα αξίναας ποτές τι κερδίνας ι πραγματική ζωή. Ισί εκ δώρος σο ντέλα ο Ιεχωβά πι πιστέ υπηρετόντε, εκ “λατσσιπέ σο να αξίνασα-λες”. (Ρωμαίους 5:​15) Αμαρό Ντατ σο ισί κο ουρανός μανγκέλα μπαγιά τι ντελ ανταβά δώρος πι πιστέ υπηρετόντε.

23. Σόσκε πρέπει τι λες από ακανά σωστές αποφάσεις;

²³ Σκέφτινε: “Υπηρετίναβα ι Ντεβλές αντικάς σαρ μανγκέλα βοβ;” Άμα κα αγαβές ότι πρέπει τι κερές μερικές αλλαγές, τι κερές-λεν αμέσως. Όταν στηρίντιβασα κο Ιεχωβά ντα προσπαθίνασα τι ντας-λες καν, ο Ιεχωβά κα αβέλ αμαρό «κάστρος». Ανταλέ τελευταίε ντιβεσέντε σο συνεχίνελα τι υπαρχίντιβελ ο πφιρνό ντουνιάς ι Μπενγκέσκο,  βοβ κα αρακχαβέλ πι πιστέ υπηρετόν. Σοράν, ο Ιεχωβά κα ντελ-αμέν ι αιώνια ζωή κο Παράδεισος, ακριβώς σαρ βακερντάας. Βα, κα μπορίνες τι τθερές ι πραγματική ζωή άμα από ακανά κα λες σωστές αποφάσεις!