Caipi yuyapai: miércoles chishimi can. 17 huatacunata charij Geoffca debercunata ñami tucuchishca. Chaimandami teleta prindishpa ashata samangapaj tiarin.

Shina tiajujpimi Geoffpa taitaca na yashcapi culira yaicushpa cashna nin.

Quiquin Geoff cashpaca ¿imatashi ruranguiman carca?

Shuj carrota manejashpa rijujpi ñan tunirishcata ricushpaca, ¿nachu shuj ali ñanda mascanguiman? Shinallatami quiquinba taitamamahuan aliguta parlanatapash mascana cangui.

 SHUJ EJEMPLOTA RICUPASHUN:

“Leahca ninmi, ñuca taitahuan parlanaca ashata shinllimi can. Huaquinbica ñuca unaita parlajushca jipami: ‘imatata nircangui, na uyajushcanica nihuan’” nishpa.

LEAHCA ¿IMATASHI RURANGA?

1. ¿Taitata caparingacha?

   Leahca ninmi, “uyahuai importantemi” can nishpa.

2. ¿Upallacha quedanga?

   Leahca, taitahuan ñana parlangapaj munanllu.

3. ¿Jipamanlla parlanga?

   Leahca, jipamanmi paipa taitahuan parlan o shuj cartapi ima problemata charishcata escribin.

Leahtaca ¿imatashi rurai ninguiman?

CAIPI YUYAPAI: Leahpa taitaca shuj cosascunapi pensajuimandami, Leah imata nijushcataca nimata na uyashca. Punda yuyaipi nishca shina Leah taitata caparijpica, taitaca imamanda shi- na caparijujta na intindishpa, uyaitapash na uyanmanllu. Shina caparishpaca taitata na respetashcatami ricuchinman (Efesios 6:2). Shina ruranaca taitapa, Leahpapash nali canllu.

Cutin cati yuyaipi nishca shinaca upalla quedana ashtahuan fácil cajpipash, na yapa alichu can. Leahca paipa problemata taita ayudachunga taitaman villanami can. Shinami taitaca Leahta ayudai ushanga. Upalla quedajpica na ayudaita ushangachu.

Shinapash último yuyaipi nishca shina Leah jipaman parlashpaca, paipa taitahuan parlangapaj imapash na jarcachun saquishcatami ricuchinga. Shinallata ima problemata charishpapash paipa taitaman shuj cartapi escribishpaca Leahca alimi sintiringa.

Shuj cartapi escribishpami paipa taitaman imashina sintirishcata villashpa Leahca ali sintirita ushan. Taitaca cartata liishpami Leah imashina sintirijushcataca ali intindinga. Shinaca cai último yuyaita catinami taitapa, Leahpapash ali can. Ishcandi parlashpa o shuj cartata taitaman escribishpapash cai último yuyaita rurashpaca Bibliapi ‘casilla ali causaita charinami’ ali can nishca consejota pactachinajushcatami ricuchinga (Romanos 14:19).

Leahca ¿imatata ashtahuan rurai ushan?

Imata ashtahuan rurai ushashcata cai urapi anotapai. Shina rurajpi ima tucunatapash anotapangui.

Yaripai: taitamamacunaca imata nijpipash can munashcashnaca na intindingachu.

POR EJEMPLO:

Canba taitamamacuna imashpata culira cangui nishpa tapujpi: “Na parlangapaj munanichu” nijpica.

Paicunaca tal vez: “Taitamamapi na confianzata charishcata, problemacunataca amigocunahuanllami parlasha nishcatami intindinga”.

Pensaripai, imapash problemata charijpi quiquinba taitamama ayudangapaj munajujpica quiquinga cashna nishcanguiman: “Ama preocuparichu, imata ruranataca ñami ricusha” nishpa.

• Taitamamacunaca ¿imatashi intindinga?:

• ¿Imata nishpashi ali canman?: