Samhlaigh é seo: Le linn dó a bheith ag spraoi, buaileann Tadhg liathróid agus briseann sé fuinneog ar charr a chomharsan.

Céard a dhéanfá dá mbeifeá i mbróga Thaidhg?

TÁ TRÍ ROGHA AGAT:

1. Rith.

2. An milleán a chur ar dhuine éigin eile.

3. É a insint do do chomharsa agus a rá leis go n-íocfaidh tú as an damáiste.

B’fhéidir go mbeadh fonn ort A a roghnú. Ach tá cúiseanna maithe ann do bhotúin a admháil—bídís beag nó mór.

1. Is é an rud ceart é le déanamh.

   Deir an Bíobla: “Is mian linn sinn féin a iompar mar is cóir i ngach rud.”—Eabhraigh 13:18.

2. Tá seans maith go dtabharfaidh daoine maithiúnas dóibh siúd a admhaíonn a gcuid botún.

   Deir an Bíobla: “Ní rithfidh leis an té a cheileann a chionta; ach an té a admhaíonn iad agus a thréigeann iad, déanfar trócaire air.”—Seanfhocail 28:13.

3. Níos tábhachtaí fós, cuireann sé gliondar ar Dhia.

   Deir an Bíobla: “Is fuath leis an Tiarna beola an éithigh [nó, an bhréagadóra]; ach is gean leis lucht labhartha na fírinne.”—Seanfhocail 12:22

Ní raibh Karina ag iarraidh insint dá hathair go raibh pointí pionóis faighte aici. Ach ní raibh sí in ann é a choinneáil faoi rún go deo. Deir Karina: “Thug m’athair faoi deara go raibh pointí pionóis curtha ar mo cheadúnas timpeall is bliain ina ndiaidh sin. Bhí mé i dtrioblóid!”

An ceacht? Deir Karina: “Déanann sé rudaí níos measa má choinníonn tú botúin faoi rún. Íocann tú astu níos déanaí!”

Deir an Bíobla: “Is iomaí slí ina bpeacaímid go léir.” (Séamas 3:2) Nuair a adhmhaíonn tú do chuid botún láithreach bonn, is comhartha é go bhfuil tú uiríseal agus aibí.

An chéad chéim eile: foghlaim ó do chuid botún. Deir Vera: “Déanaim iarracht ceacht a fhoghlaim ó gach botún, rud a chabhraíonn liom déileáil níos fearr leis na fadhbanna sin arís.” Feicfidh muid anois an chaoi ar féidir leat é sin a dhéanamh.

Faigheann tú rothar ar iasacht ó d’athair agus déanann tú damáiste dó. Céard a dhéanfaidh tú anois?

• Ní insíonn tú do d’athair faoi, ag súil nach dtabharfaidh sé an damáiste faoi deara.

• Insíonn tú do d’athair faoin méid a tharla.

• Insíonn tú do d’athair faoi, ach cuireann tú an milleán ar dhuine éigin eile.

Teipeann ort sa scrúdú mar gheall nach ndearna tú aon staidéar. Céard a dhéanfaidh tú anois?

• Cuireann tú an milleán ar an scrúdú.

• Admhaíonn tú gur ort féin atá an locht.

• Maíonn tú go bhfuil rud éigin ag an múinteoir i d’aghaidh.

 Anois déan athbhreithniú ar na cásanna sin agus samhlaigh gur tú (1) d’athair agus (2) do mhúinteoir. Céard a cheapfadh d’athair agus do mhúinteoir duit dá n-admhófá do chuid botún? Céard a cheapfaidís duit dá gceilfeá iad?

Anois cuimhnigh ar bhotún a rinne tú le bliain anuas agus freagair na ceisteanna seo a leanas.

Cén botún a rinne tú? Cén chaoi ar láimhseáil tú é?

• Cheil mé é.

• Chuir mé an milleán ar dhuine éigin eile.

• D’admhaigh mé é.

Má cheil tú do bhotún, cén chaoi ar mhothaigh tú?

• Iontach—D’éirigh liom!

• Ciontach—Ba cheart dom an fhírinne a insint.

An raibh bealach níos fearr ann chun an cás a láimhseáil?

Céard atá foghlamtha agat ó do bhotún?

Cén fáth nach n-admhaíonn cuid de na daoine a gcuid botún?

Céard a cheapfaidh daoine duit má bhíonn tú ag ceilt do chuid botún i gcónaí? Céard a cheapfaidh siad duit má admhaíonn tú do chuid botún?—Lúcás 16:10