Meyyez ɣef liḥala-​yagi: Farid la ileεεeb d yemdukkal-​is; yewwet ddabex, iḥuza lemri n ṭṭumubil n lǧiran.

Lukan i telliḍ deg wemkan n Farid, d acu ara txedmeḍ?

TZEMREḌ AŢ-​ŢEṬṬFEḌ YIWEN N ṚṚAY GER TLATA-​YAGI:

1. 1. Aţ-​ţrewleḍ.

2. 2. A ţ-​terreḍ ɣef walbeεḍ nniḍen.

3. 3. Aţ-​ţessefhmeḍ i bab n ṭṭumubil ayen yeḍran, w’a s-​tweεdeḍ belli a s-​txellṣeḍ ayen yerrẓen.

Yezmer a k-​d-​yas di lbal aţ-​ţextiṛeḍ ṛṛay amezwaru. Meεna axiṛ-​ak aţ-​ţesteεṛifeḍ dima s lɣelṭat-​ik, ama d lemri i terẓiḍ ama d ayen nniḍen i txedmeḍ.

1. D ayen i glaqen ad yeţwaxdem.

   Adlis Iqedsen yenna-​d: “Nebɣa an-​neddu akken ilaq di kullec.”​—Iεebṛaniyen 13:18.

2. Yeshel a nsemmeḥ i wid yesteεṛifen s lɣelṭat-​nsen.

   Adlis Iqedsen yenna-​d: “Win yeţɣummun lmeεṣeyyat-​is ur irebbeḥ ara; win i d-​iţqirrin yis-​sent yerna yeţţaǧǧa-​tent ad yaf ṛṛeḥma.”​—Lemtul 28:13.

3. Uyerna, d ayen i gεeǧben i Yahwa.

   Adlis Iqedsen yenna-​d: “[Ṛebbi] ikṛeh wid yessefsaden; lameεna, d arfiq n wid iţeddun s lewqam.”​—Lemtul 3:32.

Karima, 20 n sna, teεreḍ aţ-​ţeffer ɣef baba-​s belli teţţuxeṭṭa imi ur tquder ara lqanun mi tella tessenhaṛ ṭṭumubil. Meεna ur tessaweḍ ara aţ-​ţeffer fell-​as ayagi i lebda. Tenna-​d: “Aseggas mbeεd, ifaq-​iyi baba belli ţţuxeṭṭaɣ. Ass-​nni, yessared-​iyi!”

D acu ara d-​nelmed seg wannect-​a? Karima tenna-​d: “Ma nexdem lɣelṭa yerna neffer-​iţ, d asemɣer kan ara nessemɣer tamsalt. Γer taggara, ḥaca lexlaṣ ara ţ-​nxelleṣ.”

Adlis Iqedsen yenna-​d: “Axaṭer nɣelleḍ meṛṛa.” (Yeεqub 3:2, Awal n tudert) Akken i t-​id-​neẓra, win yesteεṛifen s lɣelṭat-​is, yerna bihfih, d win yesεan annuz yerna yetεeqqlen.

Mbeεd, ilaq a d-​tlemdeḍ kra si lɣelṭat-​ik. Farida tenna-​d: “Yeţban-​iyi-​d belli lɣelṭat i nxeddem sseḥfaḍent-​aɣ leḥwayeǧ. Ţnadiɣ a d-​lemdeɣ si yal yiwet seg-​sent ayen ara y-​iεiwnen ad wennεeɣ tikli-​w akteṛ w’ad xedmeɣ akken nniḍen ɣer zdat.” A nwali tura amek i tzemreḍ aţ-​ţessiwḍeḍ ɣer wayagi.

A d-​treḍleḍ abilu n baba-​k w’a t-​terẓeḍ. D acu ara txedmeḍ?

• Ur d-​teqqareḍ acemma w’aţ-​ţessirmeḍ ur yeţfiq ara baba-​k.

• A s-​tiniḍ i baba-​k tideţ.

• A s-​teḥkuḍ i baba-​k ayen yeḍran, meεna a ţ-​terreḍ ɣef walbeεḍ nniḍen.

Mi tesεeddaḍ di llakul, txesṛeḍ axaṭer ur theggaḍ ara iman-​ik akken ilaq deg wexxam. D acu ara txedmeḍ?

• A d-​tiniḍ belli yewεeṛ wayen i d-​fkan mi tesεeddaḍ.

• Aţ-​ţqebleḍ lexsaṛa-​k.

• A d-​tiniḍ belli d ccix-​ik i k-​yeṭṭfen tuḥsift.

 Meyyez ɣef liḥalat iɣef i d-​nehdeṛ tura terreḍ iman-​ik deg wemkan 1) n baba-​k, 2) n ccix-​ik. D acu ara xemmen fell-​ak baba-​k akk-​d ccix-​ik ma tqirreḍ-​d din din s lɣelṭat-​ik? D acu ara d-​inin fell-​ak ma teffreḍ lɣelṭat-​ik?

Tura, meyyez ɣef yiwet n lɣelṭa i txedmeḍ aseggas iεeddan, terreḍ-​d leǧwab ɣef yesteqsiyen ara d-​itebεen.

D acu-​ţ lɣelṭa-​ya? Acu i txedmeḍ mbeεd?

• Ffreɣ-​ţ.

• Rriɣ-​ţ ɣef walbeεḍ nniḍen.

• Qarreɣ-​d din din s lɣelṭa-​inu.

Ma yella ur testeεṛfeḍ ara yis, amek i tḥusseḍ iman-​ik mbeεd?

• Iεǧeb-​iyi lḥal: kkseɣ fell-​i ugur-​nni!

• Nneḥcameɣ: lukan kan i d-​nniɣ tideţ!

Lukan d lebɣi, acu i gellan iwulem a t-​txedmeḍ?

D acu i d-​tlemdeḍ si lɣelṭa-​yagi?

Ayɣer i ţţagin kra n lεibad a d-​qirren s lɣelṭat-​nsen?

Acu ara d-​inin fell-​ak medden ma yella teţnadiḍ dima aţ-​ţeffreḍ lɣelṭat-​ik?

Meεna, d acu ara d-​inin fell-​ak ma testeεṛfeḍ s lɣelṭat-​ik?​—Luqa 16:10.