Ta wĩcirie ũndũ ũyũ: Tim agĩthaaka na arata ake, akaringa mũbira ũgathiĩ ũringĩte gĩcicio kĩa ngaari yene.

Ũngĩka atĩa angĩkorũo nĩwe Tim?

ŨRĨ NA MAŨNDŨ MATATŨ ŨNGĨKA:

1. Kũũra.

2. Kuuga nĩ mũndũ ũngĩ weka ũguo.

3. Kwĩra mwene ngaari ũrĩa gũthire na ũmwĩre nĩ ũkũrĩha.

No ũkorũo ũrĩ ũndũ mũhũthũ gũthuura Ũndũ wa 1. No hĩndĩ ciothe nĩ wega gwĩtĩkagĩra mahĩtia maku.

1. Nĩguo ũndũ ũrĩa wagĩrĩire.

   Bibilia yugaga ũũ: “Twendaga gũkorũo tũrĩ ehokeku maũndũ-inĩ mothe.”—Ahibirania 13:18.

2. Ũkoragwo ũrĩ ũndũ mũhũthũ kuohera arĩa metĩkagĩra mahĩtia mao.

   Bibilia yugaga ũũ: “Ũrĩa ũrindagĩrĩra [ũhithagĩrĩra] mehia make ndangĩgaacĩra, ĩndĩ ũrĩa ũmoimbũraga, agatigana namo, we nĩarĩiguagĩrũo tha.”—Thimo 28:13.

3. Ũndũ wa bata makĩria nĩ atĩ gwĩtĩkĩra mahĩtia nĩ gũkenagia Ngai.

   Bibilia yugaga ũũ: “Wee [Ngai] wĩkenagĩra no mũndũ kũgĩa na ũhoro-wa-ma o ngoro thĩinĩ.”—Thaburi 51:6.

Karina, ũrĩ na mĩaka 20 nĩ aahũrirũo faĩni nĩ ũndũ wa gũtwarithia ngaari ihenya rĩkĩrĩtie gĩthimi no akĩhitha ithe ũndũ ũcio. No ũndũ ũcio no ũngĩoimbũkire. Oigaga ũũ: “Thutha wa kĩndũ mwaka ũmwe, baba nĩ onire maratathi marĩa ndaandĩkĩirũo faĩni ĩyo na ũndũ ũcio ũkĩndehera thĩna mũnene.”

Tũreruta atĩa? Karina oigaga ũũ: “Kũhithĩrĩra mahĩtia nĩ gũthũkia gũthũkagia maũndũ. Thutha-inĩ no gũgakũrehera mathĩna.”

Bibilia yugaga ũũ: “Nĩ tũhĩngagwo maita maingĩ.” (Jakubu 3:2) Na ta ũrĩa tweruta, gwĩtĩkĩra mahĩtia o rĩo kuonanagia mũndũ nĩ mwĩnyihia na nĩ mũgima.

Ũndũ ũcio ũngĩ nĩ kwĩruta kuumana na mahĩtia maku. Mũirĩtu wĩtagwo Vera oigaga ũũ: “Ndeka mahĩtia, ngeragia kwĩruta kuumana na ihĩtia rĩu ũndũ ũngĩndeithia gũtuĩka mũndũ mwega na kwaga gũcokera ũndũ ũcio ihinda rĩũkĩte.” Reke tuone ũrĩa ũngĩka ũguo.

Ũkahoya baba wanyu mũithikiri no ũkaũthũkia. Ũgwĩka atĩa?

• Wage kwĩra baba wanyu ũkĩĩrĩgĩrĩra atĩ ndekũmenya.

• Wĩre baba wanyu ũrĩa gũthire.

• Wĩre baba wanyu ũrĩa gũthire no uuge nĩ mũndũ ũngĩ ũthũkirie.

Ũkagwa kĩgeranio nĩ ũndũ wa kwaga gũkorũo ũthomete kabere. Ũgwĩka atĩa?

• Uuge nĩ kĩgeranio kĩrarĩ kĩritũ.

• Wĩtĩkĩre nĩwe ũtarathomete kabere.

• Uuge mwarimũ nĩ akuonagĩra.

 Rĩu ta tua wee nĩwe (1) baba wanyu na (2) mwarimũ wanyu. Nĩ ũndũ ũrĩkũ baba wanyu na mwarimũ wanyu mangĩciria ũkwĩgiĩ ũngĩtĩkĩra mahĩtia maku? Mangĩciria atĩa ũngĩhithĩrĩra mahĩtia maku?

Rĩu ta wĩcirie ihĩtia wekire mwaka mũthiru na ũcokie ciũria ici irũmĩrĩire.

Ihĩtia rĩu rĩarĩ rĩrĩkũ? Wekire atĩa?

• Ngĩrĩhithĩrĩra.

• Ngĩaga gwĩtĩkĩra atĩ nĩ niĩ ndahĩtirie.

• Ngĩtĩkĩra ihĩtia rĩu.

Angĩkorũo ndwetĩkĩrire ihĩtia rĩu-rĩ, waiguire atĩa thutha ũcio?

• Ndakenire mũno tondũ ndiamenyekire.

• Ngĩĩrira nĩ ũndũ wa kwaga kwaria ma..

Ũngĩahiũranĩtie atĩa na ũndũ ũcio na njĩra njega?

Werutire atĩa kuumana na ihĩtia rĩu?

Andũ amwe magaga gwĩtĩkĩra mahĩtia mao nĩkĩ?

Hihi andũ mangĩkuona atĩa angĩkorũo hingo ciothe ũgeragia kũhithĩrĩra mahĩtia maku, no mangĩkuona atĩa angĩkorũo nĩ wĩtĩkagĩra mahĩtia maku?—Luka 16:10.