MISTOQSIJA 4
Kif nistaʼ nirranġa l-iżbalji tiegħi?
INT KIEKU X’TAGĦMEL?
Immaġina din ix-xena: Waqt li kien qed jilgħab maʼ sħabu, Tim iwaddab il-ballun u jkisser il-windskrin taʼ karozza tal-ġar tiegħu.
Li kieku kont Tim, int kieku x’tagħmel?
IEQAF U AĦSEB!
GĦANDEK TLIET GĦAŻLIET:
-
Titlaq tiġri.
-
Twaħħal f’ħaddieħor.
-
Tgħid lill-ġar tiegħek x’ġara, u toffri li tħallas l-ispejjeż.
Jistaʼ jkun li titħajjar tagħżel A. Imma dejjem hemm raġunijiet tajba għala għandek tammetti l-iżbalji tiegħek—kemm jekk jinvolvi ħġieġa mkissra u kemm jekk xi ħaġa oħra.
TLIET RAĠUNIJIET GĦALA GĦANDEK TAMMETTI L-IŻBALJI TIEGĦEK
-
Għax hekk hu xieraq li tagħmel.
Il-Bibbja tgħid: “Nixtiequ nġibu ruħna bl-onestà f’kollox.”—Ebrej 13:18.
-
Għax in-nies huma iktar lesti li jaħfru lil dawk li jammettu l-iżbalji tagħhom.
Il-Bibbja tgħid: “Min jgħatti n-nuqqasijiet tiegħu m’huwiex se jirnexxi, imma min jistqarrhom u jitlaqhom jintwera ħniena.”—Proverbji 28:13.
-
L-iktar importanti, għax tkun qed togħġob lil Alla.
Il-Bibbja tgħid: “Il-qarrieq huwa mistkerrah minn Ġeħova, imma Hu għandu relazzjoni intima mar-retti.”—Proverbji 3:32.
Karina, li għandha 20 sena, ipprovat taħbi ċitazzjoni minn missierha. Imma ma setgħetx iżżommha moħbija għal dejjem. Karina tgħid: “Madwar sena wara, missieri induna li kien hemm ċitazzjoni fuq ismi. Tgħidx kemm ġejt f’inkwiet!”
X’tgħallmet? Karina tgħid: “Jekk tipprova taħbi xi żball tkun biss qed tiggrava s-sitwazzjoni. Xorta jkollok tpatti għalih iktar ’il quddiem!”
KIF TISTAʼ TITGĦALLEM MILL-IŻBALJI TIEGĦEK
Il-Bibbja tgħid: “Ilkoll nitfixklu [jew, nagħmlu żbalji] ħafna drabi.” (Ġakbu 3:2) U bħalma rajna, li tammetti l-iżbalji tiegħek—u mill-ewwel—hu sinjal taʼ umiltà u maturità.
Il-pass li jmiss hu li titgħallem mill-iżbalji tiegħek. Tfajla jisimha Vera tgħid: “Jien nipprova nqis kull żball bħala esperjenza li nitgħallem minnha u nħalliha tgħinni nkun persuna aħjar. Ukoll nitgħallem biex darb’oħra nittratta s-sitwazzjoni b’mod differenti.” Ejja naraw kif int tistaʼ tagħmel dan.
Tieħu r-rota taʼ missierek u tagħmlilha l-ħsara. X’tagħmel wara?
-
Ma tgħid xejn u tittama li missierek ma jindunax.
-
Tgħid lil missierek x’ġara eżatt.
-
Tgħid lil missierek x’ġara imma twaħħal f’xi ħadd ieħor.
Ma tgħaddix minn eżami għax ma tkunx studjajt għalih. X’tagħmel wara?
-
Twaħħal fl-eżami.
-
Tieħu r-responsabbiltà għala ma ġibtx marki tajbin.
-
Tgħid li l-għalliem għandu xi ħaġa kontrik.
Issa erġaʼ aħseb dwar ix-xeni li għadna kif semmejna, u pprova immaġina li int (1) missierek u (2) l-għalliem tiegħek. Missierek u l-għalliem tiegħek x’se jaħsbu dwarek jekk mill-ewwel tammetti l-iżbalji tiegħek? X’se jaħsbu dwarek jekk tipprova tgħatti l-iżbalji tiegħek?
Issa aħseb dwar żball li għamilt matul is-sena l-oħra u wieġeb il-mistoqsijiet li ġejjin.
X’kien l-iżball? X’għamilt wara?
-
Ipprovajt ngħattih.
-
Waħħalt f’xi ħadd ieħor.
-
Ammettejt mill-ewwel.
Jekk m’ammettejtx l-iżball tiegħek, kif ħassejtek wara?
-
Tajjeb—għaddejtha lixxa!
-
Ħati—Missni għedt il-verità.
Kif stajt tittratta s-sitwazzjoni aħjar?
X’tgħallimt mill-iżball tiegħek?
INT X’TAĦSEB?
Xi nies għala jżommu lura milli jammettu l-iżbalji tagħhom?
In-nies x’se jaħsbu dwarek jekk dejjem tipprova tgħatti l-iżbalji tiegħek, imma x’se jaħsbu dwarek jekk tammetti l-iżbalji tiegħek?—Luqa 16:10.