Ai wotanut: Yal ariy, Tomas dewal sakolah ya na. Mikang ti dong doaiy sakolah na. Haleng he uwa sua, he mokeni wei de hotutung diy ya hana afena mihor. Mani, Tomas de buku hopuna, he mokeni wei dokol buku hedi hado hayei. Namati, ama he uiyharena mia hasuong, wil kabei hei mia haba Tomas dewal hiyeng na mahe mihasuong diy. Tuwona ariy, wai lang tukai online mia ama Tomas mihosesei . . .

E Tomas, nala he e mipaneng?

Doma e la hofaling na! Ama aral e hadanatea kang haba tahupang puna na. He cara mu teiwuda?

•   LARAMA. Surah Rieling dewofang, ”Ama foda de la woarehai kilikil, haba ama ba tanut daliela deihoaring ya dewal abeta kilkil na.” (Amsal 29:11, BIMK) Herofi mu ko e funa ya e kilkil haba e la rama, ama ba-aral he waka de kilkil dong wal aral na.

• HOHAWAI NA. Surah Rieling dewofang, ”Ama tahupang paneng mipidasama doma pi wai tahupang paneng mihadasama na.” (Roma 12:17) E wohawai keadaan dewai la beka diy.

• BAHAYA HIYENG TAKIY. Surah Rieling dewofang, ”Ama cerdik nal beka dar dalek na de hehalal de tabung.” (Amsal 22:3) Ko kang mati, ama ba aral- namati keadaan ba de paneng ama aral kang e hiyeng takiy.

• AALUONG BESAR MIHADASAMA YA KILKIL NA. Surah Rieling dewofang, ”Hewohawai ba sedafalasing de kilkil hado bokal.” (Amsal 15:1) E aaluong besar puna wohawai. Hedosama ama wofang e kona, e yei ya e wofang, ”Rofi, ne kul kona!”

• HEBUOKAL. Nora, he tung 19, dewofang, ”Ama aral e wal wohawai na e wotiyeng diy ba e dewasa mi hei hapieti. Heimu he arti e pengendalian diri opa, ya ama ba aral mu he sifat hedi wal hopa na.”—2 Timotius 2:24.

• MIFIK BA E ISI WORUMAI. Ama ba taral mu de hiyeng mahe wal de isi worumai na ya de haral dewal hadanatea na. Haba, ama ba he isi worumai ama ba taral dewal haral na.

• AMA AFENA WOHADABESAR. Mantan guru nuku dewofang, ”Nei haluol, ama ba ama haral de matorang ba afena wohadabesar te. Rofi hei he de mipaneng te, ya hedi ama afena homong ba ama wal haral.”