5-СЕ ҺОРАУ
Мәктәптә мыҫҡыллауҙарға дусар булһам, нимә эшләргә?
ҺИН НИСЕК ЭШ ИТЕРҺЕҢ?
Күҙ алдыңа килтер: Илнурҙың бөгөн мәктәпкә барырға бер ҙә теләге юҡ. Бөгөн дә, иртәгә лә. Бер ҡасан да. Был өс ай элек башланды: тәүҙә синыфташтары уның хаҡында ялған имеш-мимештәр тарата ине. Шунан улар уны үсекләй башланы. Ҡайһы берҙә кемдер уның ҡулындағы китабын бәреп төшөрә лә быны яңылыш эшләгән булып ҡылана, ә ҡайһы бер саҡта кемдер арҡаһына төртөп китә, һәм Илнур, әйләнеп ҡараһа, быны кем эшләгәнен дә аңлай алмай. Кисә иһә бәйләнеүҙәр яңы боролош алды: Илнур янаулы электрон хәбәр алды...
Һин Илнур урынында булһаң, ни эшләр инең?
ТУҠТА ҺӘМ УЙЛАН!
Үҙеңде көсһөҙ итеп тойма! Һин бәйләнеүселәрҙе йоҙроҡһоҙ еңә алаһың. Нисек итеп?
-
Ғибрәтле һүҙҙәр 29:11). Һин үҙеңде, тышҡы яҡтан булһа ла, тыныс тотһаң, бәйләнеүселәр һиңә иғтибар итмәй башларға мөмкин.
ИҒТИБАР ИТМӘ. Изге Яҙмала: «Ахмаҡ кеше бөтә хистәрен тышҡа сығара, ә зирәк үҙ тойғоларын йүгәнләй белә», — тип әйтелә ( -
ҮС АЛМА. Инжилдә: «Бер кемгә лә яманлыҡҡа ҡаршы яманлыҡ ҡылмағыҙ», — тип яҙылған (Римдарға 12:17). Үс алыу хәлде киҫкенләштереп кенә ебәрер.
-
ҺАҠ БУЛ. «Алдын-артын уйлаусы, хәүеф-хәтәрҙе күреп, ҡасып китә», — тип әйтелә Изге Яҙмала (Ғибрәтле һүҙҙәр 22:3). Мөмкин булғанса, проблема тыуҙырып торған кешеләрҙән һәм хәүефле шарттарҙан һаҡлан.
-
КӨТӨЛМӘГӘН ЯУАП БИРЕП ҠАРА. Изге Яҙмала: «Йомшаҡ яуап ярһыуҙы баҫа», — тиелә (Ғибрәтле һүҙҙәр 15:1). Һин хатта мыҫҡыллауҙы шаяртыуға бора алаһың. Мәҫәлән, һине һимеҙ тип үсекләһәләр: «Ә мин бер нисә кило ташлағанмын тип уйлағайным!» — тип яуап бирә алаһың.
-
ИҒТИБАР БИРМӘЙЕНСӘ КИТ. «Өндәшмәй ҡалыуың һинең өлгөрөп еткән кеше булыуыңды, шулай уҡ бәйләнеүсеңдән күпкә көслөрәк икәнеңде күрһәтә, — тип әйтә 19 йәшлек Нора. — Был һинең үҙ-үҙеңде ҡулда тота белеүеңде күрһәтер, ә мыҫҡыллаусыңа тап ошо сифат етмәй» (2 Тимофейға 2:24).
-
ҮҘ-ҮҘЕҢӘ ЫШАНЫСТЫ ҮҪТЕР. Бәйләнеүселәр үҙҙәрен түбән баһалаған һәм яуап бирә алмаған кешене йыраҡтан күреп тора. Әммә уларҙың күбеһе, кешегә бер нисек тә тәьҫир итә алмауын аңлағас, бәйләнеүҙән туҡтай.
-
БЫЛ ТУРАЛА БЕРӘЙҺЕНӘ ҺӨЙЛӘ. Элек уҡытыусы булып эшләгән бер ҡатын былай тип һөйләй: «Мыҫҡыллауҙарға дусар булған һәр кешегә был турала берәйһенә һөйләргә кәңәш бирер инем. Беренсенән, был дөрөҫ, ә икенсенән, шулай эш итеү башҡаларҙы бәйләнеүҙәрҙән һаҡлар».
Үҙ-үҙеңә ышаныс һине бәйләнеүсеңдән көслөрәк итер