Ima pisoqar­toq takorlooruk: Inun­nguaq qaqugumul­luun­niit atuariar­toq­qik­kusun­ngilaq. Qaam­matit pingasut matuma sior­na atuaqatiminit uumis­sor­neqarluni ajor­tumik oqaluuserineqar­taler­poq. Taava as­sigiin­ngitsunik taagor­neqar­taler­poq. Atuaqataasa atuagaatai nerrivim­miit­tut nak­kar­til­lugit sakat­tuusaar­tar­paat. Tunuaniit ajat­tar­paat, qiviar­neqaraangamil­li pin­ngitsuusaar­tarlutik. Ip­pas­saq Inun­nguaq inter­netik­kut sioorasaar­neqarmat pim­matigin­nin­neq amiilaar­nar­neruler­poq ...

Il­lit Inun­nguaasuuguit qanoq iliorsimas­sagaluar­pit?

Iliuuseqarsin­naavutit! Pim­matigin­nitsit akiorsin­naavat nukitit ator­nagit. Qanoq?

•   QISUARIAPILOOQINAK. Biibilimi al­las­simavoq: “Sianiitsup kaman­nini tamatigut anit­tar­paa, ilisimasul­li nunusin­naasar­paa.” (Us­satit 29:11) Eq­qis­sisimaniarsariguit – qal­lik­kuin­naagaluar­torluun­niit – im­maqa pim­matigin­nitsivit soqutigiun­naas­savaatsit.

• AKINIAAQINAK. Biibilimi al­las­simavoq: “Ajor­toq akileqinasiuk ajor­toqataanik.” (Romamiut 12:17) Akiniaaneq pis­sutsinik ajor­nerulersitsiin­nas­saaq.

• AJORNARTORSIUTIT UJARTOQINAGIT. Biibilimi al­las­simavoq: “Silatuup perlus­saq takusin­naasar­paa qimar­nguf­fis­sarsior­tarlunilu.” (Us­satit 22:3) Ajor­nan­ngip­pat inuit ajor­nar­torsior­titsisin­naasut pis­sutsil­lu pim­matigineqaler­nermik kinguneqarsin­naasut qanil­leqinagit.

• ILIMAGINEQANNGITSUMIK AKISSUTEQARIT. Biibilimi al­las­simavoq: “Akis­sut sal­laatsoq kaman­naveersaar­titsisar­poq.” (Us­satit 15:1) Al­laat ikasarsin­naavutit. As­sersuutigalugu pim­matigin­nit­tup pualaval­laar­nerar­patit tuitit qaf­faal­lariarlugit akisin­naavat: “Im­maqami sanigulaarsin­naagaluar­punga.”

• ALLAMUKARIT. Nora 19-inik ukiulik oqar­poq: “Nipangersimaan­nar­neq inersimal­luar­nermut pim­matigin­nit­tumiil­lu nukit­tunerunermut takus­sutis­saavoq. Im­minut aqus­sin­naanermut takus­sutis­saavoq, pim­matigin­nit­torlu taamatut pis­suseqan­ngilaq.” – 2 Timotheusi 2:24.

• IMMINUT TATIGINERULERIT. Pim­matil­liisar­tut amerlaner­tigut takusin­naasar­paat kik­kut im­minut tatiger­pasin­ngitsut taamaat­tumil­lu akisinaviarunan­ngitsut. Pim­matil­liisar­tul­li soqutigineqaratik takusin­naagunik­ku uniin­nas­sap­put.

• OQAATIGIKKIT. Ilin­niar­titsisuusimasoq oqalut­tuar­poq: “Pim­matigineqar­tar­tut kik­kul­luun­niit kajumis­saarusup­pak­ka oqaloqateqaq­qul­lugit. Taman­na eq­qor­tulior­neruvoq al­lal­lu pim­matigineqar­nis­saan­nik pin­ngitsoor­titsis­sal­luni.”